完整藏文原文 · 德格版页 当前仅加载第 54 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་དེ། དེས་དེ་བཞིན་གཤེགས་པ་ཐམས་ཅད་ཟིལ་གྱིས་གནོན་པ་ལ་ལོ་བྱེ་བ་ཕྲག་བརྒྱད་ཅུར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདོད་པའི་ཕྱིར་ཡིད་དུ་འོང་བས་རིམ་གྲོ་བྱས་ཏེ། ཡིད་དུ་མི་འོང་བས་མ་ཡིན་ནོ། །དེ་བཅོམ་ལྡན་འདས་དེ་བཞིན་གཤེགས་པ་
D124.054.0243b01.01ཐམས་ཅད་ཟིལ་གྱིས་གནོན་པ་དེའི་གན་དུ་སོང་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཞི་བ་སངས་རྒྱས་ཀྱི་ས་ལ་སློབ་པར་འཚལ་བའི་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་གང་ལ་བརྩོན་པར་བགྱི། དེ་སྐད་ཅེས་གསོལ་པ་དང་། དེ་བཞིན་གཤེགས་
D124.054.0243b02.01པ་ཐམས་ཅད་ཟིལ་གྱིས་གནོན་པས་དགེ་སློང་ཞི་བའི་བློ་གྲོས་ལ་འདི་སྐད་ཅེས་བཀའ་སྩལ་ཏོ། །དགེ་སློང་ཞི་བའི་བློ་གྲོས་སངས་རྒྱས་ཀྱི་ས་ལ་སློབ་པར་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས་སྦྱིན་པའི་ཕ་རོལ་ཏུ་ཕྱིན་པ་ལ་བརྩོན་པར་བྱའོ། །དགེ་སློང་ཇི་ལྟར་
D124.054.0243b03.01སྤྱད་པས་བདག་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་ཞེས་བྱང་ཆུབ་སེམས་དཔའ་སེམས་དཔའ་ཆེན་པོས་སྦྱིན་པའི་ངོ་བོ་ཉིད་མི་དམིགས་པར་བྱའི་སྦྱིན་པ་མི་སྦྱིན་པར་ནི་མི་བྱའོ། །སྦྱིན་གནས་ཀྱི་ངོ་བོ་ཉིད་མི་དམིགས་པར་བྱའི་སྦྱིན་གནས་མི་འཚལ་བར་ནི་མི་བྱའོ། །
D124.054.0243b04.01སྦྱིན་བདག་གི་ངོ་བོ་ཉིད་དམིགས་པར་མི་བྱའི་སྦྱིན་བདག་ཏུ་མི་འགྱུར་བར་ནི་མི་བྱའོ། །དེས་ལས་ཀྱི་རང་བཞིན་མི་དམིགས་པར་བྱའི་ལས་བདག་གིར་བྱ་བ་དང་འགལ་བར་ནི་མི་བྱའོ། །བསླབ་པའི་ངོ་བོ་ཉིད་མི་དམིགས་པར་བྱའི་སངས་རྒྱས་ཀྱི་ཡེ་ཤེས་ལ་མི་བསླབ་པར་ནི་མི་
D124.054.0243b05.01བྱའོ། །སྦྱིན་པ་དེ་ཡང་བྱང་ཆུབ་ཏུ་བསྔོ་བར་བྱ་སྟེ། བྱང་ཆུབ་ཀྱི་ངོ་བོ་ཉིད་དམིགས་པར་མི་བྱ། བསྔོ་བའི་ངོ་བོ་ཉིད་ཀྱང་དམིགས་པར་མི་བྱ། དགེ་བའི་རྩ་བ་རྣམས་མི་བསྔོ་བར་ཡང་མི་བྱའོ། །དགེ་སློང་འདི་ལྟ་སྟེ། དཔེར་ན་ཆུའི་ནང་ན་ཟླ་བའི་གཟུགས་བརྙན་
D124.054.0243b06.01སྣང་བ་དེ་ཟླ་བར་ཡང་ཤེས་པར་མི་བྱ། དེ་ཟླ་བ་མ་ཡིན་པར་ཡང་ཤེས་པར་མི་བྱ་བ་དེ་བཞིན་དུ་བྱ་བ་ཐམས་ཅད་ལ་ཡང་ཤེས་པར་བྱའོ། །བྱ་བ་དེ་ལྟ་བུས་སྦྱིན་པ་བྱིན་ན་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །དེ་ནས་དགེ་སློང་ཞི་བའི་བློ་གྲོས་དེ་ལ་དེ་བཞིན་
D124.054.0243b07.01