完整藏文原文 · 德格版页 当前仅加载第 54 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ནས་སུ། །རིང་བསྲེལ་དམ་པ་དེ་ལ་མཆོད་པ་མཐོང་། །འཇིག་རྟེན་གཙོ་བོ་རྐང་གཉིས་མཆོག་ཁྱོད་ལ། །ལྷ་དང་མི་དང་ཁྱིམ་བདག་ཁྱོད་དྲུང་མཆིས། །ཞལ་ནས་ཞི་རབ་ཆོས་ཀྱི་རང་བཞིན་ཐོས། །ཁྱོད་ཀྱི་སྤྱོད་ལྡན་མྱུར་དུ་སྐྱབས་སུ་འགྲོ། །མི་དབང་ཁྱོད་ཀྱི་ཡོན་ཏན་ཡང་
D124.054.0235b01.01དག་བསྟོད། །ཁྱུ་མཆོག་ཕན་བྱེད་སྟོབས་བཅུ་ཡོན་ཏན་འཆང་། །ཞི་བར་ལྡན་ཞིང་དུལ་བ་ཞི་བ་རྙེད། །འཁོར་བའི་རྒྱུད་བྲལ་འཇིགས་མེད་ཕྱོགས་སུ་སོང་། །བདེ་གཤེགས་མི་ཡི་སེང་གེ་ཁྱོད་ཀྱི་མཐུས། །བློ་མཆོག་ཁྱོད་ཀྱང་སྟེང་གི་མཁར་གནས་པ། །མངོན་ཤེས་ལྔ་ལས་ཉམས་
D124.054.0235b02.01པ་མེད་རྙེད་ནས། །ཕྱོགས་བཅུར་འཁོར་རྒྱུད་རབ་འབྱམས་རྣམ་མང་བ། །མཚུངས་མེད་དུ་མ་དེ་རིང་མཐོང་བ་ནི། །རྒྱལ་བའི་ཡོན་ཏན་སྣ་ཚོགས་དྲི་མེད་སྤྱོད། །ཡང་དག་ཡོན་ཏན་གྱིས་ནི་དེ་དག་བསྟོད། །རྒྱལ་བ་ཁྱོད་ཀྱི་ཡོན་ཏན་མཐའ་མི་རྙེད། །དེ་ནས་དགེ་སློང་མོས་པའི་བློ་
D124.054.0235b03.01གྲོས་དེས་དེ་བཞིན་གཤེགས་པ་བཟང་པོའི་ལྷ་དེ་ལ་ཚུལ་དང་འཐུན་པའི་ཚིགས་སུ་བཅད་པ་དེ་དག་གིས་བསྟོད་ནས་དགེ་བའི་རྩ་བ་དེས་ཕྱིན་ཆད་བསྐལ་པ་བརྗོད་དུ་མེད་པར་ནམས་ཀྱང་མངོན་པར་ཤེས་པ་ལྔ་དང་བྲལ་བར་མ་གྱུར་ཏེ། མངོན་པར་ཤེས་པ་ལྔ་དང་ལྡན་པར་གྱུར་པས་སངས་
D124.054.0235b04.01རྒྱས་ཀྱི་ཞིང་དེ་དག་ཐམས་ཅད་ན་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་སྟོངས་པར་བྱས། ལྷ་མ་ཡིན་གྱི་རིས་ཐམས་ཅད་ཡོངས་སུ་ཆད་ཅིང་མི་ཁོམ་པ་ཐམས་ཅད་ཆད་པར་གྱུར་ཏོ། །དེ་སྨོན་ལམ་གྱི་དབང་གིས་སངས་རྒྱས་ཀྱི་ཞིང་དེར་ཡང་དང་
D124.054.0235b05.01ཡང་སྐྱེས་པ་ན་སེམས་ཅན་རྣམས་ཀྱིས་སངས་རྒྱས་ཐོག་མར་བྱུང་བ་བཞིན་དུ་ཤིན་ཏུ་ངོ་མཚར་དུ་ཤེས་ཏེ། གང་དང་གང་དུ་སྐྱེས་པར་གྱུར་པ་དེ་དང་དེར་གང་དེ་བཞིན་གཤེགས་པ་བྱུང་བ་དེ་ན་ལྟས་འབྱུང་བ་དེ་དག་དེ་སྐྱེ་བའི་ལྟས་སུ་བྱུང་ངོ་། །དེ་བཞིན་གཤེགས་པ་མངོན་པར་རྫོགས་
D124.054.0235b06.01པར་འཚང་རྒྱ་བ་ན་ལྟས་གང་འབྱུང་བ་དེ་དག་ཀྱང་མངོན་པར་ཤེས་པ་ལྔ་ཐོབ་ནས་བྱུང་ངོ་། །དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་བ་ན་ལྟས་གང་བྱུང་བ་དེ་དག་དེས་མངོན་པར་ཤེས་པ་ལྔ་བཤད་པའི་ཚེ་འང་ལྟས་དེ་དག་བྱུང་ངོ་། །དེ་བཞིན་གཤེགས་པ་ཚེའི་འདུ་བྱེད་འདོར་བའི་ཚེ་
D124.054.0235b07.01