完整藏文原文 · 德格版页 当前仅加载第 54 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་གང་མཁྱེན་པ། །དེ་ནས་ས་དང་ཆུ་དང་རླུང་མ་མཆིས། །དེར་འབྱུང་རྣམས་ཀྱི་འགྲོ་བ་མ་མཆིས་བཤད། །དེ་ན་ཉི་ཟླ་རྣམས་ཀྱང་འགྲོ་མ་མཆིས། །དེ་མཁའ་མ་ལགས་བར་དང་ས་མ་ལགས། །ཐམས་ཅད་དངོས་པོ་མ་མཆིས་འདི་
D124.054.0248a01.01ཡང་བཤད། །སངས་རྒྱས་ཐམས་ཅད་སྤྱོད་ཡུལ་དེ་བཞིན་ཏེ། །བདེ་བར་གཤེགས་པས་རབ་ཏུ་ཞི་བ་བཤད། །ཞི་བ་ཐོབ་མཛད་ཞི་འགྲོ་བླ་ན་མེད། །རབ་ཞི་དྲི་མ་ཐམས་ཅད་འཁྲུ་བ་སྟེ། །གང་འདྲིར་འཁྲུས་བགྱིད་མྱ་ངན་ཡོང་འདའ་ཞིང་། །རྒྱལ་བ་སྐྱོབ་པ་ཀུན་གྱི་
D124.054.0248a02.01སྤྱོད་ཡུལ་མཆི། །འགྲོ་བ་རྣམས་ཀྱི་བསམ་པ་ཀུན་མཁྱེན་ཅིང་། །དེ་དག་སྤྱོད་པ་བདེ་གཤེགས་རབ་མཁྱེན་ཏེ། །ཆོས་འདི་རྣམས་ནི་རང་བཞིན་ཞི་བར་མཁྱེན། །སེམས་ཞི་བདེ་གཤེགས་ཁྱོད་ལ་ཕྱག་འཚལ་ལོ། །ཞི་ལ་དགྱེས་ཤིང་ཡིད་ཞི་དེ་བཞིན་གཤེགས། །
D124.054.0248a03.01ཞུགས་ལ་ཆབ་བཞིན་དུ་ནི་བསིལ་བར་གྱུར། །ཞི་བའི་ས་ལ་འགྲོ་བ་རབ་འཛུད་པ། །སེམས་ཞི་བདེ་གཤེགས་ཁྱོད་ལ་ཕྱག་འཚལ་ལོ། །རྣམ་པར་འདྲེན་པ་ཐ་མའི་ལུས་འཛིན་ཅིང་། །ཐུབ་པ་ཁྱོད་ནི་འཁོར་བའི་བཅིངས་ཀུན་པས། །མྱ་ངན་འདས་པའི་བདེ་བ་ཁྱོད་
D124.054.0248a04.01མཁྱེན་ཏེ། །མྱ་ངན་འདས་ཁྱོད་བདེ་གཤེགས་ཁྱོད་ལ་འདུད། །ཞི་གནས་ཐུགས་སུ་ཆུད་རྟོགས་མགོན་བསྟོད་པའི། །བསོད་ནམས་མི་ཉུང་བདག་གིས་གང་བསགས་པ། །དཔེ་མེད་ཤིན་ཏུ་བསྒྲུབས་པའི་ལམ་དེ་ཡིས། །ཞི་བ་སངས་རྒྱས་ས་དེ་ཐོབ་པར་ཤོག །
D124.054.0248a05.01མགོན་ལ་ཞི་བར་འཐུན་པའི་སྒྲ་དག་གིས། །བདེ་གཤེགས་སྟོན་པ་ཞི་དགྱེས་བསྟོད་པས་སུ། །ཞི་བའི་ས་དེ་ཤིན་ཏུ་ཐོབ་པར་ཤོག །རྒལ་ནས་སྐྱེ་བོ་མི་མཁས་བསྒྲལ་བར་བགྱི། །དེ་ནས་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་ཁྱབ་འཇུག་གིས་བྱིན་དེས་དེ་བཞིན་
D124.054.0248a06.01གཤེགས་པ་བརྩོན་འགྲུས་དཔེ་མེད་དེ་ལ་ཞི་བ་དང་འཐུན་པར་ཚིགས་སུ་བཅད་པས་མངོན་པར་བསྟོད་ནས། དགེ་བའི་རྩ་བ་དེས་ཕྱིན་ཆད་སངས་རྒྱས་ཁྲག་ཁྲིག་དཔག་ཏུ་མེད་པ་རྣམས་མཉེས་པར་བྱས། སངས་རྒྱས་ཀྱི་ཞིང་བརྗོད་དུ་མེད་པ་རྣམས་ཡོངས་སུ་སྦྱངས། སེམས་
D124.054.0248a07.01