完整藏文原文 · 德格版页 当前仅加载第 54 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས། །བདེ་བར་གཤེགས་པས་ཆོས་གང་རབ་བཤད་པ། །དེ་ལ་བདག་ནི་གང་ལའང་དོགས་མ་མཆིས། །བདག་གི་ཆོས་ཉིད་འདི་འཚལ་འཕྲོག་མི་ནུས། །གང་གིས་བཟོད་པ་གསུམ་པོ་དེ་འཚལ་བ། །དེ་ནི་ཇི་ལྟར་རྒྱལ་བའི་སྤྱོད་བཞིན་ཏེ། །མཆི་བ་དང་ནི་སླར་མཆི་ཉལ་བ་དང་། །སྨྲ་ཞིང་འཆག་པ་དག་ཀྱང་
D124.054.0262b01.01སྟོན་པ་བཞིན། །དེ་ཡི་སྤྱོད་ལམ་རྣམས་ཀྱང་དེ་དང་འདྲ། །ལུང་སྟོན་པ་ཡང་རྒྱལ་བའི་རང་བཞིན་ཏེ། །རྒྱལ་བའི་བློ་གྲོས་ལ་ནི་དེ་ཡང་གནས། །འགྲོ་བ་ཐམས་ཅད་ཀྱིས་ནི་བསྐྱོད་མི་ནུས། །ཟླ་བ་སྐར་བཅས་ས་ལ་ལྷུང་ཡང་གདའ། །དེ་ལ་རྣམ་པར་འགྱུར་བ་ཡོང་མི་འབྱུང་། །ནམ་མཁར་འབྲས་ཆགས་ལྷུན་པོ་རྡིབ་ཀྱང་
D124.054.0262b02.01གདའ། །དེ་ཡི་ཆོས་ཉིད་གཞན་དུ་ཡོད་མི་འགྱུར། །སྐྱེས་བུ་དེས་ནི་བཟོད་པ་འདི་རྙེད་ནས། །སེམས་ཅན་རིག་པར་མཛད་པའི་སངས་རྒྱས་འགྱུར། །གང་གིས་སངས་རྒྱས་རང་འབྱུང་འགྱུར་བ་ཡི། །དེ་འདྲ་བ་ཡི་ཆོས་ཉིད་དེས་རྟོགས་སོ། །རྒྱལ་ལས་མངོན་སུམ་བདག་གིས་འདི་ཐོས་ཏེ། །བཟོད་པ་འདི་རྙེད་ནས་ནི་
D124.054.0262b03.01ཕྱིར་མི་ལྡོག །སངས་རྒྱས་གྱུར་ནས་རྣམ་པར་རྟོགས་བགྱིད་འགྱུར། །འགྲོ་བ་རྣམས་ལའང་ཆོས་འདི་གོ་བར་མཛད། །ཇི་ལྟར་བདག་གི་ཆོས་ཉིད་མཐོང་བའི་རྣམས། །དེ་ནི་གཞན་ལ་རབ་ཏུ་བཤད་པར་བགྱི། །རྒྱལ་བ་རྣམས་ཀྱི་བློ་གྲོས་བསྟན་བགྱི་སྟེ། །སེམས་ཅན་མི་རྟོགས་རྣམས་ཀྱང་རྟོགས་པར་བགྱི། །རྒྱལ་བ་
D124.054.0262b04.01རྣམས་ཀྱིས་ཇི་ལྟར་ཆོས་གཟིགས་པ། །དེ་འདྲའི་ཆོས་ཉིད་རྣམས་ནི་རབ་ཏུ་བསྟན། །གང་ལ་གནས་པས་རང་འབྱུང་འགྱུར་བ་ཡི། །དེ་རིང་བླ་མེད་བཟོད་པ་བདག་གིས་ཐོབ། །རང་བྱུང་ཐུབ་དབང་དེ་ལ་སྐྱབས་སུ་མཆི། །འཇིག་རྟེན་སྨན་སླད་སྤྱོད་པ་བདག་གིས་སྤྱད། །རང་བྱུང་རྒྱལ་བའི་ཞིང་རྣམས་ཡོངས་སུ་
D124.054.0262b05.01སྤྱད། །འགྲོ་བ་སྡུག་བསྔལ་དུབ་པ་རབ་ཏུ་དགྲོལ། །དེ་བཞིན་རྒྱལ་བའི་རྗེས་སུ་སློབ་བགྱིད་ཅིང་། །སེམས་ཅན་འགྲོ་བ་ཐོབ་པར་རྣམ་པར་གྲོལ། །སངས་རྒྱས་ཚུལ་ལ་བདག་གིས་ཚུལ་ཡང་འཚལ། །སེམས་ཅན་སྤྱོད་པ་འདི་འདྲ་བདག་གིས་སྤྱད། །ཞི་བའི་བློ་གྲོས་ཆོས་ཉིད་འདི་རིག་ནས། །ཞིང་
D124.054.0262b06.01བརྒྱ་དག་ཏུ་སྤྲུལ་པ་སྤྲུལ་པ་བགྱིས། །སེམས་ཅན་ཀུན་གྱི་ཚུལ་ལ་རབ་ཞུགས་ནས། །སོ་སོར་འཐུན་པར་སྤྲུལ་པ་ཤིན་ཏུ་སྤྲུལ། །དེས་ནི་བསམ་མི་ཁྱབ་པའི་ཞིང་རྣམས་སྦྱངས། །སེམས་ཅན་བསམ་མི་ཁྱབ་ལ་གདམས་ངག་སྩལ། །ཆོས་ཚུལ་ཤིན་ཏུ་བཟང་བ་འཛིན་
D124.054.0262b07.01