完整藏文原文 · 德格版页 当前仅加载第 54 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུ་སྟེ། དེ་ནི་མཚན་ཉིད་མེད་པ། བཏགས་པ་མེད་པ། བརྗོད་དུ་མེད་པ། གཟུང་དུ་མེད་པ། འདུ་ཤེས་མེད་པ། འདུ་ཤེས་དང་བྲལ་བ། སེམས་པ་མེད་པ། སེམས་པ་དང་བྲལ་བ། མི་ཚོར་བ་ཚོར་བ་མེད་པ། རྣམ་པར་མི་ཤེས་པ། རྣམ་པར་ཤེས་པ་མེད་པ། མི་གོས་
D124.054.0250b01.01པ། ཀུན་ནས་ཉོན་མོངས་པ་ཅན་མ་ཡིན་པ། མི་གནས་པ་ཤེས་པར་བྱེད་པ་མེད་པའོ། །ཆོས་དེ་དག་རྟོགས་པར་བྱ་བའི་ཕྱིར་བརྩོན་འགྲུས་བརྩམས་ཤིང་བརྟུལ་བ་བརྟན་པར་གྱུར་ཏོ། །འཇམ་དཔལ་སྔོན་བྱུང་བ་འདས་པའི་དུས་ན་བསྐལ་པ་དཔག་ཏུ་མེད། གྲངས་མེད། བསམ་
D124.054.0250b02.01གྱིས་མི་ཁྱབ། མཚུངས་པ་མེད། གཞལ་དུ་མེད། བརྗོད་དུ་མེད་པ་དེའི་ཕ་རོལ་གྱི་ཡང་ཆེས་ཕ་རོལ་ན། དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་
D124.054.0250b03.01མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཟླ་འོད་རྒྱལ་པོ་ཞེས་བྱ་བ་འཇིག་རྟེན་དུ་བྱུང་སྟེ། དེ་བཞིན་གཤེགས་པ་ཟླ་འོད་རྒྱལ་པོ་དེའི་འོད་ཀྱིས་སངས་རྒྱས་ཀྱི་ཞིང་གྲངས་མེད་པ་སྣང་བར་གྱུར་ཏོ། །འོད་དེ་
D124.054.0250b04.01ལ་སྒྲིབ་པར་བྱེད་ནུས་པའི་ཆོས་གང་ཡང་མེད་དེ་སྒྲིབ་པ་ཐམས་ཅད་ལས་ཐལ་ནས་སྣང་བར་བྱེད་དོ། །འོད་དེ་ཡང་བདེ་བས་བསིལ་བ་རེག་ན་བདེ་བ། དགེ་བའི་རྩ་བས་བསྐྱེད་པ་སྟེ། དེ་བཞིན་གཤེགས་པ་དེའི་སྔོན་གྱི་སྨོན་ལམ་གྱིས་སེམས་ཅན་གང་འོད་དེས་རེག་པ་རྣམས་སྔོན་མ་རྙེད་
D124.054.0250b05.01པའི་བདེ་བ་རྙེད་པར་གྱུར། སྔོན་བྱས་པའི་དགེ་བའི་རྩ་བ་རྣམས་ཀྱང་རྗེས་སུ་དྲན་པར་གྱུར་ཏོ། །འཇམ་དཔལ་དེའི་ཚེ་དེའི་དུས་ན་དེ་བཞིན་གཤེགས་པ་དེའི་རིམ་གྲོ་བྱེད་པ་དགེ་སློང་དེས་པ་ཞེས་བྱ་བ་ཞིག་ཡོད་དེ། དེ་བཞིན་གཤེགས་པ་དེ་ལ་ལོ་བྱེ་བ་ཁྲག་ཁྲིག་སུམ་ཅུ་རྩ་དྲུག་གི་
D124.054.0250b06.01བར་དུ་ཡིད་དུ་འོང་བས་བསྙེན་བཀུར་བྱས་ཏེ། ཡིད་དུ་མི་འོང་བས་མ་ཡིན་ནོ། །བཤད་པའང་འཛིན་ཅིང་བདག་གི་དོན་ཡང་མི་གཏོང་ངོ་། །དེས་བཅོམ་ལྡན་འདས་དེ་བཞིན་གཤེགས་པ་ཟླ་འོད་རྒྱལ་པོ་དེ་ལ་ལོ་བྱེ་བ་ཁྲག་ཁྲིག་ཕྲག་སུམ་ཅུ་རྩ་དྲུག་གི་བར་དུ་འདི་ལྟར་བརྩོན་
D124.054.0250b07.01