完整藏文原文 · 德格版页 当前仅加载第 54 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
གྲང་དང་བ་དེ་ཡིས་འཚལ་ན་ཡང་། །སྐོམ་པ་ཆད་ཅིང་ཞི་བར་མི་འགྱུར་བ། །དེ་བཞིན་བདག་གིས་འདོད་པའི་ཡོན་ཏན་རྟོགས། །རྔ་བརྡུངས་དེ་ལས་སྒྲ་རྣམས་རབ་འབྱུང་སྟེ། །སྐྱེ་བོ་བྱིས་པ་རྣམས་ནི་དགའ་བར་གྱུར། །དེ་ཡང་ཀོ་བ་དང་ནི་
D124.054.0242a01.01ཤིང་ལས་ཀྱང་། །སྒྲ་དེ་མི་རྙེད་དེ་བཞིན་ཆོས་ཉིད་དོ། །ཇི་ལྟར་པི་ཝང་ལེན་པ་སྦྲེངས་པ་ཡི། །རྒྱུད་ལས་སྙན་པའི་སྒྲ་ཡང་ཤིན་ཏུ་གཏོང་། །ཤིང་དང་རྒྱུད་རྣམས་ལས་ཀྱང་མ་ལགས་ཏེ། །སྒྲ་དེ་མི་རྙེད་དེ་བཞིན་ཆོས་ཉིད་དོ། །གཟུགས་དང་སྒྲ་དང་རོ་དང་དྲི་
D124.054.0242a02.01རེག་ཀྱང་། །པི་ཝང་དག་གི་སྒྲ་འདྲར་མཐོང་བས་ན། །ཐེ་ཚོམ་དོགས་པ་ཐམས་ཅད་ཀུན་དུ་བཅོམ། །དེ་བས་འཇིག་རྟེན་འདྲེན་པས་བདག་ལུང་བསྟན། །ས་དང་ཤིང་དང་མུན་ཛ་བལ་བ་ཛ། །དེ་བཞིན་འོད་མ་རྩྭ་དང་ཆུར་བརྟེན་ཏེ། །བར་སྣང་ལ་ནི་དེ་དག་
D124.054.0242a03.01ཀུན་བསྐོར་ནས། །འཇིག་རྟེན་ཀུན་རྫོབ་ཁྱིམ་དུ་གྱུར་ཅེས་བརྗོད། །དེ་བཞིན་རུས་པ་སེན་མོ་རྒྱུས་པ་རྣམས། །སྤུ་དང་སྐྲ་དང་ཁྲག་རྣག་པགས་པ་ཡིས། །ནམ་མཁའ་དག་ཀྱང་ཀུན་ནས་བསྐོར་ནས་ནི། །དེ་བཞིན་ཀུན་རྫོབ་ལུས་སུ་གྱུར་ཅེས་བརྗོད། །གཟུགས་
D124.054.0242a04.01ནི་དབུ་བ་འདྲ་སྟེ་སྙིང་པོ་མེད། །ཚོར་བ་རྣམས་ནི་ཆུ་ཡི་ཆུ་བུར་འདྲ། །འདུ་ཤེས་རྣམས་ནི་སྨིག་རྒྱུ་འདྲ་བ་མཐོང་། །དེ་ལ་བྱིས་པའི་རང་བཞིན་སྐྱེ་བོས་ནོར། །སེམས་པ་དག་ནི་ཆུ་ཤིང་སྙིང་པོ་འདྲ། །རྣམ་ཤེས་རྣམ་པ་ཀུན་དུ་སྒྱུ་མ་བཞིན། །གང་གིས་འགྲོ་བ་
D124.054.0242a05.01ལྷར་བཅས་འཁྱམ་བྱས་པ། །དེ་ལྟར་མཐོང་བས་རྒྱལ་བས་ལུང་ཡང་བསྟན། །དེ་ནས་དགེ་སློང་སྤྲིན་གྱི་རྒྱལ་པོ་དེས་དེ་བཞིན་གཤེགས་པ་མཚུངས་པ་མེད་པའི་གཟི་བརྗིད་འོད་དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཚིགས་སུ་བཅད་པ་འདི་དག་གིས་མངོན་
D124.054.0242a06.01པར་བསྟོད་ནས། དགེ་བའི་རྩ་བ་དེས་བསྐལ་པ་བརྗོད་དུ་མེད་པར་ནམས་ཀྱང་ཆོས་ལ་རྨོངས་པར་མ་གྱུར། ནམས་ཀྱང་ཚུལ་ཁྲིམས་ལ་སྙིང་པོར་འདུ་ཤེས་པར་མ་གྱུར། ཏིང་ངེ་འཛིན་རྣམས་ལ་སྙིང་པོར་འདུ་ཤེས་པར་མ་གྱུར་ཏེ། རྟག་ཏུ་རྒྱུན་མི་འཆད་པར་ཤེས་
D124.054.0242a07.01