完整藏文原文 · 德格版页 当前仅加载第 54 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་བྱེད་པའི་ཏིང་ངེ་འཛིན་ལ་གནས་པར་གྱུར་ཏོ། །བརྩོན་འགྲུས་རྩོམ་པ་འདི་ལ་ཡང་གནས་པར་གྱུར་ཏོ། །འཇིག་རྟེན་གྱི་ཁམས་དཔག་ཏུ་མེད་པ་ན་སེམས་ཅན་རྣམས་དད་པ་ཇི་ལྟ་བ་བཞིན་ཡོངས་སུ་སྨིན་པར་བྱ་བའི་ཕྱིར་སྤྲུལ་པ་རྣམ་པ་དུ་མ་མངོན་པར་སྤྲུལ་ཏེ།
D124.054.0265a01.01ཐབས་མཁས་པ་དཔག་ཏུ་མེད་པ་དང་ལྡན་པས་སེམས་ཅན་དཔག་ཏུ་མེད་པ་དག་ཡོངས་སུ་སྨིན་པར་བྱས་སོ། །སངས་རྒྱས་ཀྱི་ཞིང་དེ་དང་དེ་དག་ཏུ་སངས་རྒྱས་བྱེ་བ་ཁྲག་ཁྲིག་དཔག་ཏུ་མེད་པ་རྣམས་མཉེས་པར་བྱས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་
D124.054.0265a02.01བརྩམས་པ་དེས་བཅོམ་ལྡན་འདས་དེ་བཞིན་གཤེགས་པ་དྲི་མ་མེད་པ་ཟླ་འོད་གཟི་བརྗིད་རྒྱལ་པོ་དེ་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཚིགས་སུ་བཅད་པ་དག་གིས་མངོན་པར་བསྟོད་དོ། །སྟོབས་བཅུ་ལྡན་པ་ཁྱོད་ནི་བརྩོན་འགྲུས་ཀྱིས། །མཚུངས་འདྲའི་སེམས་ཅན་
D124.054.0265a03.01གང་ཡང་མི་རྙེད་དེ། །ཐུབ་པ་དམ་པ་ཁྱོད་ནི་བརྩོན་འགྲུས་ཀྱིས། །ཆོས་ཉིད་མཆོག་ལ་ཡང་དག་རེག་པར་གྱུར། །སྟོབས་བཅུ་ལྡན་པ་ཁྱོད་ནི་བརྩོན་འགྲུས་ཀྱིས། །སངས་རྒྱས་ཞིང་ནི་དཔག་ཡས་ཡོངས་སུ་དག །སེམས་ཅན་རྣམས་ནི་ཡོངས་སུ་སྨིན་པར་མཛད། །ཤེས་རབ་
D124.054.0265a04.01ཚད་ནི་དཔེ་ཟླ་མ་མཆིས་ལགས། །སྟོབས་བཅུ་ལྡན་པ་མི་ཡི་སེང་གེ་ཁྱོད། །བརྩོན་འགྲུས་ཀྱིས་ནི་སེམས་ཅན་འདུ་ཤེས་བཤིག །ཁྱོད་ཀྱིས་སྟོང་པ་ཉིད་ནི་རབ་ཏུ་མཁྱེན། །སེམས་ཅན་འདུ་ཤེས་དེ་ཡང་ཁྱོད་ཀྱིས་སྤངས། །ཁྱོད་ཀྱིས་སྟོང་པ་ཉིད་ནི་མི་དམིགས་པར། །བརྩོན་
D124.054.0265a05.01འགྲུས་ཀྱིས་ནི་ཆོས་ཀུན་རབ་ཏུ་མཁྱེན། །བརྩོན་འགྲུས་སྟོབས་ཀྱིས་ཕ་རོལ་ཕྱིན་པས་ན། །ཞི་བའི་ས་རྣམས་ལ་ཡང་རབ་ཏུ་བཞུགས། །བདེ་གཤེགས་ཁྱོད་ཀྱི་སྲས་རྣམས་རྗེས་སློབ་པས། །བླ་ན་མེད་པའི་བྱང་ཆུབ་རབ་ཏུ་མཆིས། །སྟོབས་བཅུ་ལྡན་པ་ཁྱོད་ཀྱི་བརྩོན་འགྲུས་ཀྱིས། །
D124.054.0265a06.01ཡང་དག་ཆེ་བའི་བདག་ཉིད་རབ་ཏུ་བསྟན། །བརྩོན་འགྲུས་སྟོབས་ཀྱིས་ཕ་རོལ་ཕྱིན་པ་ལ། །བདེ་བར་གཤེགས་པ་ཁྱོད་ཀྱི་སྲས་རྣམས་སློབ། །སྤྲུལ་པ་རྣམ་པ་སྣ་ཚོགས་བརྒྱ་དག་གིས། །སེམས་ཅན་རྣམས་ནི་ཡོངས་སུ་སྨིན་པར་བགྱིད། །འགྲོ་བ་རྣམས་ནི་རབ་ཏུ་དགྲོལ་སླད་དུ། །
D124.054.0265a07.01