完整藏文原文 · 德格版页 当前仅加载第 54 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་ལ་མཁས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་མ་ཐག་ཏུ་ཇི་ལྟར་བསྟན་པ་བཞིན་རབ་ཏུ་བསྒྲུབས་སོ། །ཇི་ལྟར་བསྟན་པ་བཞིན་རབ་ཏུ་བསྒྲུབས་པས་ན་སེམས་ཅན་རྣམས་ཀྱི་བསམ་པ་ལ་འཇུག་པ་ཤེས་པ་རབ་ཏུ་ཐོབ་པར་གྱུར་ཏོ། །དེ་ཐབས་ལ་
D124.054.0269a01.01མཁས་པ་དེ་དང་ལྡན་པས་སངས་རྒྱས་ཀྱི་ཞིང་ཡོངས་སུ་སྦྱང་བ་དང་སེམས་ཅན་ཡོངས་སུ་སྨིན་པར་བྱ་བའི་ཕྱིར་བསྐལ་པ་བརྗོད་དུ་མེད་པར་ཡང་བརྩོན་པ་མ་བོར་རོ། །དེས་ཐབས་ལ་མཁས་པས་ཡོངས་སུ་ཟིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་བསྐལ་པ་བརྗོད་དུ་མེད་པར་ནམ་
D124.054.0269a02.01ཡང་ཐབས་ལ་མཁས་པ་དང་བྲལ་བའི་སེམས་མ་སྐྱེས་སོ། །སེམས་བསྐྱེད་པ་དེས་ཕྱོགས་བཅུའི་འཇིག་རྟེན་གྱི་ཁམས་ན་སངས་རྒྱས་ཀྱི་ཞིང་ཁྲག་ཁྲིག་བརྗོད་དུ་མེད་པ་རྣམས་ཡོངས་སུ་སྦྱངས་སོ། །སངས་རྒྱས་ཀྱི་ཞིང་རེ་རེར་ཡང་སེམས་ཅན་དཀྲིགས་ཕྲག་ཁྲག་ཁྲིག་བརྗོད་དུ་མེད་པ་
D124.054.0269a03.01ཡོངས་སུ་སྨིན་པར་བྱས་སོ། །སངས་རྒྱས་ཀྱི་ཞིང་རེ་རེར་ཡང་སེམས་ཅན་ཁྲག་ཁྲིག་ཚད་མེད་པ་རྣམས་ཟབ་མོའི་ཆོས་ཀྱི་བཟོད་པ་ལ་རབ་ཏུ་བཀོད་དོ། །འཇམ་དཔལ་དེའི་ཚེ་དེའི་དུས་ན་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་ཙན་དན་གྱི་སྙིང་པོ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་
D124.054.0269a04.01འཛིན་ན་འཇམ་དཔལ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དོན་ཐམས་ཅད་གྲུབ་པ་དེ་དེའི་ཚེ་དེའི་དུས་ན་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་ཙན་དན་གྱི་སྙིང་པོ་ཞེས་བྱ་བར་གྱུར་ཏོ། །འཇམ་དཔལ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་
D124.054.0269a05.01ཆེན་པོས་སེམས་ཀྱི་མཚན་མ་ལ་ངེས་པར་རྟོག་པའི་བཟོད་པ་ལ་བརྩོན་པར་བྱའོ།། །།བམ་པོ་དྲུག་པ། འཇམ་དཔལ་སྔོན་བྱུང་བ་འདས་པའི་དུས་ན་བསྐལ་པ་ཚད་མེད། གྲངས་མེད། བསམ་གྱིས་མི་ཁྱབ། མཚུངས་པ་མེད། གཞལ་དུ་མེད། བརྗོད་དུ་མེད་
D124.054.0269a06.01པ་དེའི་ཕ་རོལ་གྱི་ཡང་ཆེས་ཕ་རོལ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་
D124.054.0269a07.01