完整藏文原文 · 德格版页 当前仅加载第 51 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལར་ནི་དགེ་སློང་གི་གཟུགས་ཀྱིས། ལ་ལར་ནི་དགེ་སློང་མའི་གཟུགས་ཀྱིས། ལ་ལར་ནི་དགེ་བསྙེན་གྱི་གཟུགས་ཀྱིས། ལ་ལར་ནི་དགེ་བསྙེན་མའི་གཟུགས་ཀྱིས། ལ་ལར་ནི་ཚོང་དཔོན་གྱི་ཆུང་མའི་གཟུགས་ཀྱིས། ལ་ལར་ནི་ཁྱིམ་བདག་གི་ཆུང་མའི་གཟུགས་ཀྱིས།
D113.051.0162b01.01ལ་ལར་ནི་གྲོང་མིའི་ཆུང་མའི་གཟུགས་ཀྱིས། ལ་ལར་ནི་ཁྱེའུའི་གཟུགས་ཀྱིས། ལ་ལར་ནི་བུ་མོའི་གཟུགས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་སྟོན་ཏེ། རིགས་
D113.051.0162b02.01ཀྱི་བུ་གཟུགས་འདི་སྙེད་ཅིག་ཀུན་ཏུ་སྟོན་པས། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་སྟོན་ཏོ། །ཁ་ཅིག་ལ་ནི་གནོད་སྦྱིན་གྱི་གཟུགས་ཀྱི་བར་གྱིས། བྱང་ཆུབ་སེམས་
D113.051.0162b03.01དཔའ་སེམས་དཔའ་ཆེན་པོ་སང་སང་པོའི་དབྱངས་ཀྱིས། དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་སྟོན་ཏོ། །ཁ་ཅིག་ལ་ནི་ལྷ་མ་ཡིན་གྱི་གཟུགས་ཀྱིས། ཁ་ཅིག་ལ་ནི་ནམ་མཁའ་ལྡིང་གི་གཟུགས་ཀྱིས། ཁ་ཅིག་ལ་ནི་མིའམ་ཅིའི་
D113.051.0162b04.01གཟུགས་ཀྱིས། ཁ་ཅིག་ལ་ནི་ལྟོ་འཕྱེ་ཆེན་པོའི་གཟུགས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས། དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་སེམས་ཅན་རྣམས་ལ་སྟོན་ཏོ། །སེམས་ཅན་དམྱལ་བ་དང་དུད་འགྲོའི་སྐྱེ་གནས་
D113.051.0162b05.01དང་གཤིན་རྗེའི་འཇིག་རྟེན་དང་མི་ཁོམ་པར་སྐྱེས་པའི་བར་གྱི་སེམས་ཅན་རྣམས་ལ་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་སང་སང་པོའི་དབྱངས་སྐྱོབ་པར་འགྱུར་རོ། །བཙུན་མོའི་འཁོར་གྱི་ནང་ན་འདུག་པའི་བར་གྱི་སེམས་ཅན་རྣམས་ལ་ཡང་བྱང་ཆུབ་སེམས་
D113.051.0162b06.01དཔའ་སེམས་དཔའ་ཆེན་པོ་སང་སང་པོའི་དབྱངས་བུད་མེད་ཀྱི་གཟུགས་སུ་མངོན་པར་སྤྲུལ་ཏེ། དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་འཇིག་རྟེན་གྱི་ཁམས་མི་མཇེད་འདིར་སེམས་ཅན་རྣམས་ལ་ཆོས་སྟོན་ཏོ། །པད་མའི་དཔལ་བྱང་ཆུབ་སེམས་དཔའ་སེམས་
D113.051.0162b07.01