完整藏文原文 · 德格版页 当前仅加载第 51 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ལྟར། །དམན་པར་དད་པ་བུ་དེ་ལེགས་པར་བཏུལ། །བཏུལ་ནས་དེ་ལ་ནོར་ཡང་རབ་ཏུ་སྩལ། །ཐབས་ལ་མཁས་པས་རབ་ཏུ་སྟོན་མཛད་དེ། །དམན་ལ་མོས་པའི་སྲས་རྣམས་འདུལ་མཛད་ཅིང་། །བཏུལ་ནས་སངས་རྒྱས་ཡེ་ཤེས་འདི་སྩོལ་བ། །འཇིག་
D113.051.0046a01.01རྟེན་མགོན་པོ་ཤིན་ཏུ་དཀའ་བ་མཛད། །སངས་རྒྱས་བསྟན་པ་འདི་ལ་བདག་ཅག་རྣམས། །ཐོག་མའི་འབྲས་བུ་ཟག་མེད་དམ་པ་ཐོབ། །ཇི་ལྟར་དབུལ་པོས་ནོར་རྣམས་རྙེད་པ་བཞིན། །དེ་རིང་འཕྲལ་ལ་བདག་ཅག་ངོ་མཚར་ཐོབ། །བདག་ཅག་ཚུལ་ཁྲིམས་གང་རྣམས་ཡུན་རིང་
D113.051.0046a02.01དུ། །འཇིག་རྟེན་མཁྱེན་པའི་བསྟན་ལ་ལེགས་གསུངས་པ། །མགོན་པོ་སྔོན་ཆད་ཚུལ་ཁྲིམས་སྤྱད་པ་ཡི། །དེ་ཡི་འབྲས་བུ་དེ་རིང་བདག་ཅག་ཐོབ། །ཚངས་པར་སྤྱོད་པ་མཆོག་རབ་རྣམ་དག་གང་། །འདྲེན་པའི་བསྟན་ལ་ཤིན་ཏུ་བསྙེན་བགྱིད་པ། །དེ་ཡི་འབྲས་བུ་ཞི་བ་
D113.051.0046a03.01ཁྱད་པར་ཅན། །རྒྱ་ཆེན་ཟག་པ་མ་མཆིས་དེ་རིང་ཐོབ། །མགོན་པོ་དེ་རིང་བདག་ཅག་སྒྲོགས་གྱུར་ཏེ། །བྱང་ཆུབ་དམ་པ་ཡང་དག་བསྒྲག་པར་བགྱི། །བྱང་ཆུབ་པ་ཡི་སྒྲ་ཡང་རབ་ཏུ་བརྗོད། །དེ་བས་བདག་ཅག་སྒྲོགས་པ་མི་བཟད་འདྲ། །མགོན་པོ་དེང་ནི་བདག་ཅག་
D113.051.0046a04.01འོས་གྱུར་ཏེ། །ལྷ་དང་བཅས་པའི་འཇིག་རྟེན་བདུད་དང་བཅས། །ཚངས་པར་བཅས་པའི་སེམས་ཅན་ཐམས་ཅད་ཀྱིས། །བདག་ཅག་ཤིན་ཏུ་མཆོད་པར་འོས་པ་ལགས། །མི་ཡི་འཇིག་རྟེན་འདི་ན་གང་དཀའ་བ། །དཀའ་བ་འདི་འདྲ་བདག་ཅག་མཛད་པས་ན། །བསྐལ་པ་
D113.051.0046a05.01བྱེ་བ་མང་པོར་འབད་པས་ཀྱང་། །ཁྱོད་ལ་ལན་གློན་རྔོ་ཐོགས་ག་ལ་མཆིས། །མགོ་དང་ལག་པ་དང་ནི་རྐང་པས་ཀྱང་། །ལན་དུ་ཕན་པར་བགྱི་བ་ཤིན་ཏུ་དཀའ། །གང་གཱའི་བྱེ་སྙེད་བསྐལ་པ་རྫོགས་པར་ཡང་། །མགོ་དང་ཕྲག་ལ་གང་གིས་ཁྱེར་བ་དང་། །བཅའ་དང་བཟའ་དང་སྐོམ་
D113.051.0046a06.01དང་གོས་རྣམས་དང་། །མལ་ཆ་སྟན་དང་སྟེང་གཡོགས་ཆེན་པོ་ཕུལ། །ཙན་དན་དག་ལས་གཙུག་ལག་ཁང་བགྱིས་ཏེ། །བཅོས་བུའི་རས་ཕྲུགས་རབ་ཏུ་བཏིང་བ་དང་། །ན་བའི་གསོས་སྨན་རྣམ་པ་མང་པོ་ཡང་། །བདེ་བར་གཤེགས་པ་མཆོད་ཕྱིར་རྟག་ཕུལ་ཏེ། །
D113.051.0046a07.01