完整藏文原文 · 德格版页 当前仅加载第 51 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ལ་ལ་ཞིག་གིས་བགྲང་ཞིང་རྟོགས་པར་ནུས་ཀྱི། བཅོམ་ལྡན་འདས་དེ་བཞིན་གཤེགས་པ་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ། ཡོངས་སུ་མྱ་ངན་ལས་འདས་ནས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཇི་སྙེད་ལོན་པའི་བསྐལ་པ་ནི་བགྲང་བའི་ཚུལ་གྱིས་
D113.051.0059b01.01མཐའ་རྟོགས་པར་མི་ནུས་ཏེ། དགེ་སློང་དག་དེ་བཞིན་གཤེགས་པ་དེ་ཡོངས་སུ་མྱ་ངན་ལས་འདས་ནས། དེ་ཙམ་དུ་ཡུན་རིང་བ་ནི་དེ་ལྟར་བསམ་གྱིས་མི་ཁྱབ་ཅིང་དེ་ལྟར་ཚད་མེད་དེ། ངས་ནི་དེ་བཞིན་གཤེགས་པའི་ཡེ་ཤེས་མཐོང་བའི་སྟོབས་བསྐྱེད་པས། ཁར་སང་ངམ་དེ་
D113.051.0059b02.01རིང་ཡོངས་སུ་མྱ་ངན་ལས་འདས་པ་བཞིན་དྲན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །རྗེས་སུ་དྲན་པ་འདས་པའི་བསྐལ་པ་མང་། །དེ་ཚེ་ཐུབ་ཆེན་རྐང་གཉིས་རྣམས་ཀྱི་མཆོག །མངོན་ཤེས་ཡེ་ཤེས་ཆེན་པོས་ཟིལ་གྱིས་
D113.051.0059b03.01གནོན། །རྒྱལ་བ་དམ་པ་འཇིག་རྟེན་བྱུང་བར་འགྱུར། །འདི་ལྟར་སྟོང་གསུམ་འདི་ཡི་འཇིག་རྟེན་ཁམས། །ལ་ལས་ཕྲ་རབ་རྡུལ་གྱི་རྡུལ་དུ་བྱས། །དེ་ནས་ཕྲ་རབ་རྡུལ་ཅིག་ཁྱེར་ནས་སུ། །ཞིང་སྟོང་རྣམས་ནི་འདས་ནས་དེ་བཞག་ལ། །དེ་བཞིན་དུ་ནི་གཉིས་དང་གསུམ་
D113.051.0059b04.01བཞག་སྟེ། །དེས་ནི་རྡུལ་དུ་གྱུར་པ་ཀུན་བཞག་པས། །འཇིག་རྟེན་འདི་ཡི་ཁམས་ནི་སྟོངས་གྱུར་ཅིང་། །རྡུལ་ཕྲན་དེ་ཡང་ཐམས་ཅད་ཟད་གྱུར་ལ། །འཇིག་རྟེན་ཁམས་དེ་དག་ན་ཡོད་པ་ཡི། །རྡུལ་ཕྲན་ཕྱེ་མ་དེ་ཡང་ཚད་མེད་པ། །དེ་དག་མ་ལུས་གང་གིས་རྡུལ་བྱས་
D113.051.0059b05.01ཏེ། །བསྐལ་པ་བརྒྱ་འདས་མཚན་མར་འཇོག་བྱེད་པ། །དེ་ལྟར་བདེ་གཤེགས་མྱ་ངན་དེ་འདས་ནས། །བསྐལ་པ་བྱེ་བ་མང་པོ་དཔག་ཏུ་མེད། །ཕྲ་རབ་རྡུལ་ཀུན་མཚན་མར་མི་ཆོག་སྟེ། །དེ་སྙེད་བསྐལ་པ་མང་པོ་ཟད་པར་གྱུར། །འདྲེན་པ་མྱ་ངན་འདས་རིང་དེ་སྲིད་ལོན། །
D113.051.0059b06.01ཉན་ཐོས་བྱང་ཆུབ་སེམས་དཔའ་དེ་དག་ཀྱང་། །དེ་འདྲ་དེ་བཞིན་གཤེགས་ཀྱི་ཡེ་ཤེས་ཀྱིས། །ཐམས་ཅད་དྲན་པ་ཁར་སང་དེ་རིང་བཞིན། །དགེ་སློང་གང་དག་ཡེ་ཤེས་མཐའ་ཡས་ཅན། །དེ་བཞིན་གཤེགས་ཀྱི་ཡེ་ཤེས་འདི་འདྲའོ། །དྲན་པ་ཕྲ་ཞིང་ཟག་པ་མེད་པ་
D113.051.0059b07.01