完整藏文原文 · 德格版页 当前仅加载第 51 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་སྟོང་དུ་མར་བསྐོར་བ་བྱས་ནས་མེ་ཏོག་གི་ཕུར་མ་རི་རབ་ཙམ་དེ་དག་གིས་བཅོམ་ལྡན་འདས་དེ་ལ་གཏོར་རབ་ཏུ་གཏོར་ཏེ། བྱང་ཆུབ་ཀྱི་ཤིང་དེའི་དཔག་ཚད་བཅུ་ཚུན་ཆད་གཏོར་ནས། ཚངས་པའི་གཞལ་མེད་ཁང་དེ་དག་ཀྱང་བཅོམ་ལྡན་འདས་དེ་ལ་ཕུལ་ཏེ། བཅོམ་
D113.051.0064b01.01ལྡན་འདས་བདག་ཅག་ལ་ཐུགས་བརྩེ་བའི་སླད་དུ་ཚངས་པའི་གཞལ་མེད་ཁང་འདི་དག་བཞེས་སུ་གསོལ། བདེ་བར་གཤེགས་པ་བདག་ཅག་ལ་ཐུགས་བརྩེ་བའི་སླད་དུ་ཚངས་པའི་གཞལ་མེད་ཁང་འདི་དག་ཡོངས་སུ་སྤྱད་དུ་གསོལ། ཞེས་གསོལ་ཏོ། །དགེ་སློང་
D113.051.0064b02.01དག་དེ་ནས་ཚངས་པ་ཆེན་པོ་དེ་དག་གིས་རང་རང་གི་གཞལ་མེད་ཁང་དེ་དག་བཅོམ་ལྡན་འདས་དེ་ལ་ཕུལ་ནས། དེའི་ཚེ་བཅོམ་ལྡན་འདས་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །མཚུངས་མེད་དྲང་སྲོང་ཆེ་ལ་ཕྱག་འཚལ་ལོ། །
D113.051.0064b03.01ཀ་ལ་པིང་ཀའི་དབྱངས་སྙན་ལྷ་ཡི་ལྷ། །རྣམ་པར་འདྲེན་པ་ལྷར་བཅས་འཇིག་རྟེན་ན། །འཇིག་རྟེན་ཕན་བརྩེ་ཁྱོད་ལ་ཕྱག་འཚལ་ལོ། །མགོན་པོ་ཤིན་ཏུ་ཡུན་རིང་བརྒྱ་ལམ་ན། །ངོ་མཚར་གྱུར་པ་དེ་རིང་འཇིག་རྟེན་བྱུང་། །བསྐལ་པ་བརྒྱ་ཚང་ཚོལ་བའི་འཇིག་རྟེན་
D113.051.0064b04.01འདི། །སངས་རྒྱས་བརྒྱད་ཅུ་དག་དང་མཚུངས་པར་གྱུར། །བསྐལ་པ་ཁྲག་ཁྲིག་བརྒྱད་ཅུ་རྫོགས་པར་ནི། །རྐང་གཉིས་གཙོ་བོས་སྔོན་ཆད་སྟོངས་པར་གྱུར། །དེ་སྲིད་ངན་སོང་ས་ནི་རྣམ་པར་འཕེལ། །ལྷ་ཡི་ལུས་ནི་རྟག་ཏུ་ཉམས་པར་གྱུར། །ད་ནི་བདག་ཅག་
D113.051.0064b05.01རྣམས་ཀྱི་བསོད་ནམས་ཀྱིས། །ཆོས་ཀྱི་རྒྱལ་པོ་མིག་དང་རྟེན་དང་གནས། །སྐྱོབ་དང་ཕ་དང་རྩ་ལག་ཕན་མཛད་པ། །ཐུགས་བརྩེར་ལྡན་པ་འཇིག་རྟེན་འདིར་བྱུང་ངོ་། །དགེ་སློང་དག་དེ་ནས་ཚངས་པ་ཆེན་པོ་དེ་དག་གིས། བཅོམ་ལྡན་འདས་དེ་བཞིན་གཤེགས་
D113.051.0064b06.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་ཆེན་པོས་ཟིལ་གྱིས་གནོན་པ་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་དེ་དག་གིས་མངོན་པར་བསྟོད་ནས། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D113.051.0064b07.01