完整藏文原文 · 德格版页 当前仅加载第 51 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
མཛོད་མང་པོ་དང་རྒྱལ་པོའི་བློན་པོ་དང་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོས་ཡོངས་སུ་བསྐོར་ཅིང་མདུན་དུ་བདར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པའི་ཡེ་ཤེས་
D113.051.0061a01.01ཆེན་པོས་ཟིལ་གྱིས་གནོན་པ་བྱང་ཆུབ་ཀྱི་སྙིང་པོ་མཆོག་དམ་པ་ན་འདུག་པ་ག་ལ་བ་དེར་དོང་ངོ་། །བཅོམ་ལྡན་འདས་དེ་ལ་བཀུར་སྟིར་བྱ་བ་དང་། བཙུན་པར་བྱ་བ་དང་། རི་མོར་བྱ་བ་དང་། མཆོད་པ་དང་། རྗེད་པ་དང་། གསོལ་བའི་ཕྱིར་དེར་དོང་སྟེ་ལྷགས་ནས།
D113.051.0061a02.01བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཐལ་མོ་སྦྱར་ཏེ། བཅོམ་ལྡན་འདས་དེའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །མངོན་པ་ཆེན་པོ་དྲུག་ལྡན་བླ་
D113.051.0061a03.01ན་མེད། །བསྐལ་པ་མཐའ་ཡས་དག་གིས་ཡང་དག་བསྒྲུབས། །ལུས་ཅན་ཐམས་ཅད་མ་ལུས་བསྒྲལ་བའི་ཕྱིར། །ཁྱོད་ཀྱི་བརྣག་པ་བཟང་དེ་འདིར་རྫོགས་སོ། །རབ་ཏུ་དཀའ་མཛད་བསྐལ་པ་བར་མ་བཅུར། །གདན་ཅིག་དེ་ལ་བཞུགས་ཏེ་མཛད་པ་ན། །བར་དུ་ནམ་
D113.051.0061a04.01ཡང་ཁྱོད་ཀྱི་སྐུ་མ་གཡོས། །ཕྱག་ཞབས་མ་གཡོས་དེ་བཞིན་གར་མ་གཤེགས། །ཁྱོད་ཐུགས་ཞི་བར་གྱུར་ཅིང་ཤིན་ཏུ་གནས། །རྟག་པར་མི་གཡོ་གྱུར་ཅིང་མི་འགུལ་ཏེ། །ཁྱོད་ལ་ནམ་ཡང་གཡེང་བ་མི་མངའ་ལ། །ཁྱོད་ནི་རབ་ཞི་ཟག་པ་མེད་ལ་གནས། །དགེ་བ་དང་
D113.051.0061a05.01ནི་བདེ་བ་དགའ་བ་དང་། །གནོད་པ་མེད་པར་བྱང་ཆུབ་མཆོག་འདི་བརྙེས། །དེ་ལྟ་བུ་ནི་བདག་ཅག་རྣམས་ཀྱི་ཁེ། །མི་དབང་སེང་གེ་བདག་ཅག་དགེ་བར་སྐྱེས། །སྐྱེ་དགུ་འདི་ཀུན་མགོན་མེད་སྡུག་བསྔལ་ཏེ། །མིག་ཕྱུང་བདེ་བ་དག་ལས་རྣམ་པར་ཉམས། །སྡུག་བསྔལ་
D113.051.0061a06.01མཐར་མཆི་ལམ་རྣམས་མི་འཚལ་བས། །ཐར་པའི་ཕྱིར་ནི་བརྩོན་འགྲུས་མི་སྐྱེད་དོ། །ཡུན་རིང་དུ་ནི་ངན་སོང་འཕེལ་བར་བགྱིད། །ལྷ་ཡི་ལུས་ལས་ཡོངས་སུ་ཉམས་པའི་ཆོས། །དེ་ན་རྒྱལ་བའི་སྒྲ་ནི་ཡོང་མི་གྲག །འཇིག་རྟེན་འདི་ཀུན་གཏི་མུག་མུན་གནག་གོ། །
D113.051.0061a07.01