完整藏文原文 · 德格版页 当前仅加载第 51 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོགས་ཡོན་ཏན་ལྡན། །དེ་བཞིན་ཉན་ཐོས་ཐམས་ཅད་ཀྱང་། །མྱ་ངན་འདས་ཐོབ་འདུ་ཤེས་ཏེ། །རྒྱལ་བས་བཤད་པ་དེ་དག་ལ། །མྱ་ངན་མ་འདས་དེ་ངལ་བསོ། །གང་ཡང་ཚུལ་འདི་གསུང་བ་ནི། །སངས་རྒྱས་རྣམས་ཀྱི་ཐབས་འདི་སྟེ། །ཐམས་ཅད་མཁྱེན་པ་མ་གཏོགས་
D113.051.0054b01.01པར། །མྱ་ངན་འདའ་མེད་འདི་རྩོམས་ཤིག །དུས་གསུམ་ཡེ་ཤེས་མཐའ་ཡས་དང་། །ཕ་རོལ་ཕྱིན་དྲུག་དགེ་བ་དང་། །སྟོང་པ་ཉིད་དང་མཚན་མ་མེད། །སྨོན་ལམ་རྣམ་པར་སྤངས་པ་དང་། །བྱང་ཆུབ་སེམས་དང་གཞན་ཡང་གང་། །མྱ་ངན་འདའ་བར་འགྲོ་བའི་ཆོས། །ཚངས་
D113.051.0054b02.01པའི་གནས་པ་རྣམ་བཞི་དང་། །བསྡུ་བ་རྣམས་སུ་གང་བརྗོད་པ། །སེམས་ཅན་རྣམས་ནི་འདུལ་བའི་ཕྱིར། །དྲང་སྲོང་མཆོག་གིས་རབ་ཏུ་བརྗོད། །རྨི་ལམ་སྒྱུ་མའི་རང་བཞིན་དང་། །སྙིང་པོ་མེད་པ་ཆུ་ཤིང་ཕུང་། །བྲག་ཅ་དང་ཡང་མཚུངས་པར་ནི། །གང་གིས་ཆོས་རྣམས་
D113.051.0054b03.01རབ་ཤེས་ཤིང་། །ཁམས་གསུམ་ལྷག་མ་མ་ལུས་པར། །དེ་ཡི་རང་བཞིན་ཤེས་པར་ཡང་། །བཅིངས་མེད་རྣམ་གྲོལ་མེད་པ་ཡི། །མྱ་ངན་འདས་པ་མི་ཤེས་སོ། །ཆོས་ཀུན་སྟོང་ཞིང་མཉམ་པ་སྟེ། །ཐ་དད་དབྱེར་མེད་བདག་ཉིད་དོ། །དེ་དག་ལ་ནི་མི་རྟོགས་ཏེ། །ཆོས་
D113.051.0054b04.01ནི་གང་ཡང་མཐོང་མེད་ན། །ཆོས་ཀྱི་སྐུ་ནི་མ་ལུས་པར། །ཤེས་རབ་ཆེན་པོ་དེས་མཐོང་ངོ་། །ཐེག་པ་གསུམ་དུ་ཡོང་མེད་དེ། །འདི་ན་ཐེག་པ་གཅིག་པུ་ཡོད། །ཆོས་ཀུན་མཉམ་སྟེ་ཐམས་ཅད་ཀྱང་། །མཉམ་ཞིང་སྙོམས་ཏེ་རྟག་ཏུ་མཉམ། །དེ་ལྟར་རིག་ནས་ཞི་བ་ཡི། །
D113.051.0054b05.01མི་འཆི་མྱ་ངན་འདའ་བ་ཤེས། །དམ་པའི་ཆོས་པད་མ་དཀར་པོ་ལས་སྨན་གྱི་ལེའུ་ཞེས་བྱ་བ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་དེ་དག་བཀའ་སྩལ་ནས། ཐམས་ཅད་དང་ལྡན་པའི་དགེ་སློང་གི་དགེ་འདུན་ལ་བཀའ་སྩལ་པ། ཀྱེ་
D113.051.0054b06.01དགེ་སློང་དག་ཁྱེད་མོས་པར་བྱ། ཁོང་དུ་ཆུད་པར་བྱའོ། །ངའི་ཉན་ཐོས་དགེ་སློང་འོད་སྲུང་འདི། སངས་རྒྱས་བྱེ་བ་སྟོང་ཕྲག་སུམ་ཅུ་ལ་བཀུར་སྟི་བྱེད། བཙུན་པར་བྱེད། རི་མོར་བྱེད། མཆོད་པ་བྱེད་པར་འགྱུར་ཏེ། སངས་རྒྱས་བཅོམ་ལྡན་འདས་དེ་དག་གི་དམ་པའི་ཆོས་
D113.051.0054b07.01