完整藏文原文 · 德格版页 当前仅加载第 51 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། །རྒྱལ་བས་ཆོས་དེ་མཉམ་པར་བཤད་པ་ནི། །སྤྲིན་གྱིས་ཆར་པ་མཉམ་པ་ཕབ་པ་བཞིན། །སྣ་ཚོགས་མངོན་ཤེས་འདི་འདྲ་འདི་དག་ཀྱང་། །ས་སྟེང་སྨན་རྣམས་ཇི་ལྟར་གནས་པ་བཞིན། །དེ་ལྟ་བུ་ཡི་དཔེ་དག་བསྟན་པ་ཡིས། །དེ་བཞིན་
D113.051.0050a01.01གཤེགས་པའི་ཐབས་རྣམས་ཤེས་པར་གྱིས། །ཇི་ལྟར་དེ་ཡིས་ཆོས་གཅིག་བཤད་པ་ཡང་། །སྣ་ཚོགས་ཚིག་ནི་ཆར་གྱི་ཐིགས་པ་བཞིན། །ངས་ཀྱང་ཆོས་ཀྱི་ཆར་པ་ཕབ་པས་ན། །འཇིག་རྟེན་འདི་དག་ཐམས་ཅད་ངོམས་པར་གྱུར། །རབ་ཏུ་བཤད་པ་རོ་གཅིག་ཆོས་
D113.051.0050a02.01ལ་ཡང་། །ཅི་འདྲ་སྟོབས་བཞིན་རྗེས་སུ་རྣམ་པར་སེམས། །ཇི་ལྟར་རྩྭ་དང་གེལ་པའི་ཤིང་རྣམས་དང་། །བར་མའི་སྨན་རྣམས་ལ་ཡང་ཇི་ལྟ་བར། །སྡོང་པོ་དང་ནི་སྡོང་པོ་ཆེན་པོ་དེ། །ཆར་བབ་ཕྱོགས་བཅུ་ཀུན་ནའང་མཛེས་པ་བཞིན། །འདི་ནི་རྟག་ཏུ་འཇིག་རྟེན་ཕན་
D113.051.0050a03.01པའི་ཆོས། །འཇིག་རྟེན་འདི་ཀུན་ཆོས་ཀྱིས་ངོམས་པར་བྱེད། །འཇིག་རྟེན་ཐམས་ཅད་ངོམས་པར་བྱས་ནས་ནི། །སྨན་རྣམས་ལས་ནི་མེ་ཏོག་རབ་ཏུ་འབྱུང་། །བར་མའི་སྨན་རྣམས་རྣམ་པར་སྐྱེ་བ་ནི། །དགྲ་བཅོམ་གང་དག་ཟག་པ་ཟད་གནས་དང་། །ནགས་ཚལ་ཁྲོད་ནས་
D113.051.0050a04.01རང་སངས་རྒྱས་རྣམས་ལ། །ལེགས་པར་གསུངས་པའི་ཆོས་རྣམས་བསྟན་པར་བྱ། །བྱང་ཆུབ་སེམས་དཔའ་མང་པོ་དྲན་ལྡན་བརྟན། །བྱང་ཆུབ་མཆོག་འདི་ཡོངས་སུ་ཚོལ་བ་ན། །ཁམས་གསུམ་ཐམས་ཅད་རྟོགས་པར་ཁོང་ཆུད་པ། །དེ་དག་རྟག་ཏུ་སྐྱེ་བ་སྡོང་པོ་
D113.051.0050a05.01བཞིན། །རྫུ་འཕྲུལ་གང་ལྡན་བསམ་གཏན་བཞིར་ཞུགས་པ། །གང་དག་སྟོང་པ་ཉིད་ཐོས་དགའ་སྐྱེད་ཅིང་། །འོད་ཟེར་སྟོང་ཕྲག་རབ་ཏུ་གཏོང་བ་རྣམས། །དེ་དག་སྡོང་པོ་ཆེན་པོ་ཞེས་ཀྱང་བྱ། །འོད་སྲུང་འདི་ལྟ་བུ་ཡི་ཆོས་བཤད་པ། །སྤྲིན་གྱིས་ཆར་པ་མཉམ་པར་ཕབ་
D113.051.0050a06.01པ་བཞིན། །མི་ཡི་མེ་ཏོག་མང་པོ་མཐའ་ཡས་པ། །དེས་ནི་མང་པོའི་སྨན་བཞིན་རྣམ་པར་སྐྱེད། །རང་གིས་རིག་པའི་ཆོས་རྣམས་རབ་ཏུ་བཤད། །སངས་རྒྱས་བྱང་ཆུབ་དག་ནི་དུས་སུ་བསྟན། །དེ་ནི་འཇིག་རྟེན་འདྲེན་པ་ཐམས་ཅད་དང་། །ང་ཡི་ཐབས་ལ་མཁས་པ་
D113.051.0050a07.01