完整藏文原文 · 德格版页 当前仅加载第 51 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
ན་{བརྫུན་,རྫུན་}དུ་སྨྲས་པར་མི་འགྱུར་རམ། ཤཱ་རིའི་བུས་གསོལ་པ། བཅོམ་ལྡན་འདས་དེ་ལྟར་མ་ལགས་སོ། །བདེ་བར་གཤེགས་པ་དེ་ལྟ་མ་ལགས་སོ། །སྐྱེས་བུ་དེས་འདི་ལྟར་ཐབས་མཁས་པས་བྱིས་པ་དེ་རྣམས་ཁྱིམ་འབར་བ་དེ་ནས་ཕྱུང་སྟེ། སྲོག་སྩལ་
D113.051.0031a01.01བའི་སླད་དུ་དེ་ཉིད་ཀྱིས་རྒྱུས་སྐྱེས་བུ་དེ་ཤོ་བེ་མཆི་བ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བདག་གི་ལུས་ཐོབ་པ་ཉིད་ཀྱིས། རྩེད་མོར་བགྱི་བ་ཐམས་ཅད་ཀྱང་ཐོབ་པ་ལགས་ཏེ། འདི་ལྟར་བཅོམ་ལྡན་འདས་སྐྱེས་བུ་དེས་གཞོན་ནུ་དེ་དག་ལ་ཤིང་རྟ་གཅིག་མ་སྩལ་
D113.051.0031a02.01དུ་ལགས་ཀྱང་། བཅོམ་ལྡན་འདས་སྐྱེས་བུ་དེ་ཤོ་བེ་བར་མཆི་བར་མི་འགྱུར་རོ། །དེ་ཅིའི་སླད་དུ་ཞེ་ན། བཅོམ་ལྡན་འདས་སྐྱེས་བུ་དེས་ཐོག་མ་ནས་ཐབས་མཁས་པས་གཞོན་ནུ་དེ་དག་བདག་གིས་སྡུག་བསྔལ་གྱི་ཕུང་པོ་ཆེན་པོ་ལས་ཐར་བར་བགྱིའོ་སྙམ་དུ་བསམས་པའི་སླད་དུ་སྟེ།
D113.051.0031a03.01རྣམ་གྲངས་འདིས་ཀྱང་སྐྱེས་བུ་དེ་ཤོ་བེ་མཆི་བ་མ་ལགས་ན། སྐྱེས་བུ་དེ་བདག་ལ་བང་མཛོད་མང་པོ་ཡང་མཆིས་ལ། བུ་ཡང་སྡུག་པར་བསམས་ནས། ལེགས་སུ་འདོད་པས་སྤུ་མདོག་འཐུན་པའི་བཞོན་པ། བཞོན་པ་ཆེན་པོ་སྩལ་བ་ལྟ་སྨོས་ཀྱང་ཅི་འཚལ་ཏེ། བཅོམ་ལྡན་
D113.051.0031a04.01འདས་སྐྱེས་བུ་དེ་ཤོ་བེ་མཆི་བ་མ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་ལེགས་སོ་ལེགས་སོ། །དེ་དེ་བཞིན་ཏེ་ཇི་སྐད་སྨྲས་པ་བཞིན་ནོ། །ཤཱ་རིའི་བུ་དེ་བཞིན་དུ། དེ་
D113.051.0031a05.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་པ་ཐམས་ཅད་སེལ་བ། འཚེ་བ་དང་འཁྲུགས་པ་དང་གནོད་པ་དང་སྡུག་བསྔལ་བ་དང་ཡིད་མི་བདེ་བ་དང་མ་རིག་པའི་མུན་པ་མུན་ནག་གི་རབ་རིབ་སྒྲིབ་པ་དང་། ཡོངས་སུ་དཀྲིས་པ་ཐམས་ཅད་
D113.051.0031a06.01ལས་ཡོང་ཡེ་རྣམ་པར་གྲོལ་བ། དེ་བཞིན་གཤེགས་པའི་ཡེ་ཤེས་དང་སྟོབས་དང་མི་འཇིགས་པ་དང་སངས་རྒྱས་ཀྱི་ཆོས་མ་འདྲེས་པ་དང་ལྡན་པ། རྫུ་འཕྲུལ་གྱི་སྟོབས་ཀྱིས་ཤིན་ཏུ་སྟོབས་དང་ལྡན་པ་འཇིག་རྟེན་གྱི་ཕ། ཐབས་ཆེན་པོ་ལ་མཁས་པའི་ཡེ་ཤེས་དམ་པའི་ཕ་རོལ་ཏུ་སོན་
D113.051.0031a07.01