完整藏文原文 · 德格版页 当前仅加载第 51 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལྟར། །བདག་ཀྱང་མ་འོངས་དུས་ཀྱི་ཚེ། །ལུས་ཆེན་ཀུན་གྱིས་བཀུར་སྟི་ཞིང་། །བྱང་ཆུབ་སྙིང་པོར་འདུག་ནས་ནི། །འདི་ལྟ་བུ་ཡི་ཆོས་བཤད་དོ། །མི་གང་ཐོས་པ་འཛིན་གྱུར་ཞིང་། །ལྷག་པའི་བསམ་པ་ཕུན་སུམ་ཚོགས། །ལྡེམ་པོར་དགོངས་ཏེ་བཤད་
D113.051.0126a01.01ཞེས་པ། །དེ་དག་རྣམས་ནི་ཐེ་ཚོམ་མེད། །མ་ཕམ་པ་གཞན་ཡང་དེ་བཞིན་གཤེགས་པའི་ཚེའི་ཚད་བསྟན་པའི་ཆོས་ཀྱི་རྣམ་གྲངས་འདི་ཐོས་ནས་འབབ་པ་དང་འཇུག་པ་དང་ཁོང་དུ་ཆུད་པ་དེ་ནི་དེ་བས་སངས་རྒྱས་ཀྱི་ཡེ་ཤེས་སུ་འགྱུར་བའི་བསོད་ནམས་མངོན་པར་འདུ་བྱེད་པ་ཆེས་དཔག་
D113.051.0126a02.01ཏུ་མེད་པ་སྐྱེད་ན། གང་ཆོས་ཀྱི་རྣམ་གྲངས་འདི་ལྟ་བུ་འདི་ཉན་ཏམ། སྒྲོགས་སམ། འཛིན་ཏམ། ཡི་གེར་འདྲིའམ། ཡི་གེར་འདྲིར་འཇུག་གམ། གླེགས་བམ་ལ་མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་།
D113.051.0126a03.01རྒྱལ་མཚན་དང་། ལྷའི་བ་དན་དང་། འབྲུ་མར་གྱི་མར་མེ་དང་། མར་གྱི་མར་མེ་དང་། སྤོས་མར་གྱི་མར་མེ་དག་གིས་བསྟི་སྟང་བྱེད་དམ་བསྟི་སྟང་བྱེད་དུ་འཇུག་པ་ལྟ་ཅི་སྨོས་ཏེ། སངས་རྒྱས་ཀྱི་ཡེ་ཤེས་སུ་འགྱུར་བའི་བསོད་ནམས་མངོན་པར་འདུ་བྱེད་པ་ཆེས་མང་དུ་སྐྱེད་དོ། །
D113.051.0126a04.01མ་ཕམ་པ་གང་གི་ཚེ་རིགས་ཀྱི་བུའམ་རིགས་ཀྱི་བུ་མོ་དེ་བཞིན་གཤེགས་པའི་ཚེའི་ཚད་བསྟན་པའི་ཆོས་ཀྱི་རྣམ་གྲངས་འདི་ཐོས་ནས་ལྷག་པའི་བསམ་པས་མོས་པར་བྱེད་པ་དེའི་ཚེ། དེའི་ལྷག་པའི་བསམ་པའི་མཚན་ཉིད་ནི་འདི་ཡིན་པར་རིག་པར་བྱ་སྟེ། འདི་ལྟ་སྟེ་ང་བྱ་རྒོད་ཀྱི་
D113.051.0126a05.01ཕུང་པོའི་རི་ལ་འདུག་སྟེ། བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ་དང་། བྱང་ཆུབ་སེམས་དཔའི་ཚོགས་ཀྱིས་མདུན་གྱིས་བལྟས་པ་དང་། ཉན་ཐོས་ཀྱི་དགེ་འདུན་གྱི་དབུས་ན་འདུག་ཅིང་ཆོས་སྟོན་པར་མཐོང་བ་དང་། ངའི་སངས་རྒྱས་ཀྱི་ཞིང་འཇིག་རྟེན་
D113.051.0126a06.01གྱི་ཁམས་མི་མཇེད་འདི་གཞི་བཻ་དཱུརྱ་ལས་གྲུབ་ཅིང་མཉམ་པར་གནས་ལ། གསེར་སྐུད་མིག་{མངས་,མང་}རིས་སུ་བྲེས་ཤིང་རིན་པོ་ཆེའི་ཤིང་ལྗོན་པ་རྣམས་ཀྱིས་རྣམ་པར་བཀྲ་བར་མཐོང་བ་དང་། འདི་ན་ཡོངས་སུ་སྤྱད་པའི་ཁང་པ་བརྩེགས་པ་དག་ན་བྱང་ཆུབ་སེམས་དཔའ་དག་
D113.051.0126a07.01