完整藏文原文 · 德格版页 当前仅加载第 51 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་དང་དྲི་ཟ་དང་གྲུལ་བུམ་རྣམས་ཀྱིས་གླགས་མི་རྙེད་པར་བྱ་བའི་ཕྱིར་ངས་ཁྱོད་ལ་ཡོངས་སུ་གཏད་དོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ལྟ་བས་ན་ཆོས་ཀྱི་རྣམ་གྲངས་འདི་འཛམ་བུའི་གླིང་འདིར་སེམས་ཅན་ནད་པ་ནད་ཀྱིས་བཏབ་པ་རྣམས་ལ་སྨན་ལྟ་
D113.051.0157b01.01བུར་འགྱུར་བར་བྱིན་གྱིས་བརླབ་པར་བྱས་ཏེ། ཆོས་ཀྱི་རྣམ་གྲངས་འདི་ཐོས་ནས་ལུས་ལ་ནད་ཀྱིས་མི་ཟུག་གོ། །རྒ་བས་མ་ཡིན་དུས་མ་ཡིན་པར་འཆི་བས་མ་ཡིན་ནོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། གལ་ཏེ་བྱང་ཆུབ་སེམས་དཔའི་ཐེག་པ་ལ་ཡང་
D113.051.0157b02.01དག་པར་ཞུགས་པ་གང་ལ་ལས། མདོ་སྡེ་འདི་འཛིན་པའི་དགེ་སློང་དེ་ལྟ་བུ་དེ་མཐོང་ན། དེ་ལ་ཙན་དན་གྱི་ཕྱེ་མ་དང་ཨུད་པལ་སྔོན་པོས་མངོན་པར་གཏོར་བར་བྱའོ། །མངོན་པར་གཏོར་ནས་ཀྱང་འདི་སྙམ་དུ་རིགས་ཀྱི་བུ་འདི་ནི་བྱང་ཆུབ་ཀྱི་སྙིང་པོར་འགྲོ་བར་འགྱུར། འདི་ནི་རྩྭ་ལེན་པར་
D113.051.0157b03.01འགྱུར། འདི་ནི་བྱང་ཆུབ་ཀྱི་སྙིང་པོར་རྩྭ་འདིང་བར་འགྱུར། འདི་ནི་བདུད་ཀྱི་ཕྱོགས་ཕམ་པར་བྱེད་པར་འགྱུར། འདི་ནི་ཆོས་ཀྱི་དུང་འབུད་པར་འགྱུར། འདི་ནི་ཆོས་ཀྱི་རྔ་རྡུང་བར་འགྱུར། འདི་ནི་འཁོར་བའི་རྒྱ་མཚོ་ལས་རྒལ་བར་འགྱུར་རོ་སྙམ་དུ་སེམས་བསྐྱེད་པར་བྱའོ། །སྐར་མའི་
D113.051.0157b04.01རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་རིགས་ཀྱི་བུའམ་རིགས་ཀྱི་བུ་མོ་བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པས། མདོ་སྡེ་འདི་ལྟ་བུ་འཛིན་པའི་དགེ་སློང་མཐོང་ནས་དེ་ལྟར་སེམས་བསྐྱེད་པར་བྱས་ཏེ། དེ་ལྟར་ན་དེའི་ཡོན་ཏན་དག་ནི་དེ་བཞིན་གཤེགས་པས་
D113.051.0157b05.01ཅི་འདྲ་བ་དག་བཤད་པ་དེ་འདྲ་བ་དག་ཏུ་འགྱུར་རོ། །སྨན་གྱི་རྒྱལ་པོའི་སྔོན་གྱི་སྦྱོར་བའི་ལེའུ་འདི་བཤད་པ་ན། བྱང་ཆུབ་སེམས་དཔའ་བརྒྱད་ཁྲི་བཞི་སྟོང་གིས། སྒྲ་ཐམས་ཅད་ལ་མཁས་པ་དང་ལྡན་པའི་གཟུངས་ཐོབ་པར་གྱུར་ཏོ། །བཅོམ་ལྡན་འདས་དེ་བཞིན་གཤེགས་
D113.051.0157b06.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་དེས་ཀྱང་། སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་ལྟར་ཁྱོད་ཀྱིས་དེ་བཞིན་གཤེགས་པ་ལ་བསམ་གྱིས་མི་ཁྱབ་པའི་ཡོན་ཏན་གྱི་ཆོས་དྲིས་པ་ལེགས་སོ་ལེགས་སོ་ཞེས་བྱ་བ་བྱིན་ནོ། །
D113.051.0157b07.01