完整藏文原文 · 德格版页 当前仅加载第 51 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལ་དག །རི་སུལ་དག་ཏུ་ཞུགས་པའི་བརྟན་པ་རྣམས། །སངས་རྒྱས་ཡེ་ཤེས་འདི་ལ་རྣམ་པར་སྒོམ། །ཡོངས་སུ་སེམས་ཤིང་ཉེ་བར་རྟོགས་པར་བྱེད། །ཁ་ཅིག་གིས་ནི་འདོད་པ་མ་ལུས་སྤངས། །ཡོངས་བསྒོམས་བདག་ཉིད་སྤྱོད་ཡུལ་རྣམ་པར་དག །མངོན་
D113.051.0006a01.01པར་ཤེས་པ་ལྔ་ཡང་དེར་ཐོབ་ནས། །བདེ་བར་གཤེགས་པའི་སྲས་པོ་དགོན་པར་གནས། །བརྟན་པ་ལ་ལ་རྐང་གཤིབས་དེར་གནས་ཏེ། །འདྲེན་པའི་སྤྱན་སྔར་ཐལ་མོ་སྦྱར་བྱས་ནས། །དགའ་བ་བསྐྱེད་དེ་རྒྱལ་དབང་རྒྱལ་པོ་ལ། །ཚིགས་སུ་བཅད་པ་སྟོང་གིས་མངོན་པར་བསྟོད། །
D113.051.0006a02.01དྲན་དང་ལྡན་ཞིང་དུལ་བ་མི་འཇིགས་པ། །ལ་ལ་སྤྱོད་པ་ཕྲ་བ་ཤེས་པ་དག །རྐང་གཉིས་གཙོ་ལ་ཆོས་ཀྱང་འདྲི་བར་བྱེད། །ཐོས་ནས་དེ་དག་ཆོས་རྣམས་འཛིན་པར་འགྱུར། །ཡོངས་བསྒོམས་བདག་ཉིད་རྒྱལ་དབང་སྲས་པོ་རྣམས། །ལ་ལ་དག་གིས་དེ་དང་དེར་མཐོང་བ། །དཔེ་དང་གཏན་
D113.051.0006a03.01ཚིགས་ཁྲག་ཁྲིག་དུ་མ་ཡིས། །སྲོག་ཆགས་བྱེ་བ་མང་ལ་ཆོས་རྣམས་སྟོན། །མཆོག་ཏུ་དགའ་སྐྱེས་ཆོས་རྣམས་རབ་སྟོན་ཅིང་། །བྱང་ཆུབ་སེམས་དཔའ་མང་པོ་ཡང་དག་འཛུད། །བདུད་རྣམས་སྟོབས་དང་བཞོན་པར་བཅས་བཅོམ་སྟེ། །ཆོས་ཀྱི་རྔ་འདི་ཤིན་ཏུ་རྡུང་བར་བྱེད། །
D113.051.0006a04.01ལ་ལ་བདེ་བར་གཤེགས་པའི་བསྟན་པ་ལ། །བདེ་གཤེགས་སྲས་ལ་ལྷ་མི་གནོད་སྦྱིན་དང་། །སྲིན་པོས་མཆོད་ཀྱང་ངོ་མཚར་མི་འཛིན་ཅིང་། །བསྙེམས་མེད་ཞི་ཞིང་རབ་ཞི་སྤྱོད་པ་མཐོང་། །ཕལ་ཆེར་ནགས་གནས་དེ་བཞིན་གཞན་དག་ཀྱང་། །སྣང་བའི་འོད་ནི་ལུས་ལས་རབ་གཏོང་
D113.051.0006a05.01སྟེ། །སེམས་ཅན་དམྱལ་ནས་སེམས་ཅན་རྣམས་འདོན་ཅིང་། །དེ་དག་བྱང་ཆུབ་ལ་ཡང་ཡང་དག་འཛུད། །རྒྱལ་བའི་སྲས་པོ་ལ་ལ་བརྩོན་འགྲུས་གནས། །ཁ་ཅིག་གིས་ཀྱང་མ་ལུས་གཉིད་སྤངས་ནས། འཆག་པ་བྱེད་ཅིང་ནགས་ཚལ་གནས་པ་དག །དེ་དག་བརྩོན་པས་བྱང་
D113.051.0006a06.01ཆུབ་མཆོག་ལ་ཞུགས། །ལ་ལ་ཚུལ་ཁྲིམས་མ་རལ་སྲུང་བ་ནི། །རྟག་ཏུ་རྣམ་དག་ནོར་བུ་རིན་ཆེན་བཞིན། །ལ་ལ་སྤྱད་པ་ཡོངས་སུ་རྫོགས་པར་འགྱུར། །དེ་དག་ཁྲིམས་ཀྱིས་བྱང་ཆུབ་མཆོག་ལ་ཞུགས། །རྒྱལ་སྲས་ལ་ལ་བཟོད་པའི་སྟོབས་ཅན་ཏེ། །དགེ་སློང་ང་རྒྱལ་ཅན་དག་
D113.051.0006a07.01