完整藏文原文 · 德格版页 当前仅加载第 5 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོད་གསོལ་ཅིག །བདག་ཉིད་ཆེན་པོ་དེ་དག་ནི་གཞན་གྱི་དོན་ལ་ཞུགས་པ་ཡིན་པས་དེས་དང་དུ་བླངས་སོ། །དེ་ནས་དེས་རང་སངས་རྒྱས་དེ་བསོད་པ་དང་བཅས་པའི་ཟས་ཀྱིས་ཚིམ་པར་བྱས་ནས་རྐང་པ་གཉིས་ལ་ཕྱག་འཚལ་ཏེ། སྨོན་ལམ་ལོག་པ་འདི་སྐད་ཅེས་བདག་
D3.005.0280b01.01གིས་ཡོན་གནས་ཡང་དག་པར་གྱུར་པ་འདི་ལྟ་བུ་ལ་མཆོད་པ་དག་བྱས་པའི་དགེ་བའི་རྩ་བ་འདིས་ཇི་ལྟར་བདེན་སྨྲ་དེས་བདག་སུན་མ་བྱུང་བ་གནོད་པ་མེད་པ་ལ་ཡང་དག་པ་མ་ཡིན་པས་སྐུར་པ་དེ་ལྟར་བདག་གིས་ཀྱང་དེ་གང་དང་གང་དུ་སྐྱེས་པ་དེ་དང་དེར་དེས་དགྲ་བཅོམ་པ་ཉིད་ཐོབ་
D3.005.0280b02.01ཀྱི་བར་དུ་ཡང་དག་པ་མ་ཡིན་པས་དེ་ལ་སྐུར་པ་འདེབས་པར་གྱུར་ཅིག་ཅེས་བཏབ་བོ། །མིང་པོ་གཉིས་ཀྱིས་དེ་ལ་དྲིས་པ། སྲིང་མོ་ཁྱོད་ཀྱིས་སྨོན་ལམ་ཅི་ཞིག་བཏབ། དེས་སྨྲས་པ། མིང་པོ་གཉིས་འདི་དང་། འདི་ལྟ་བུ་ཞིག་གོ། །དེ་གཉིས་ཀྱིས་སྨྲས་པ།
D3.005.0280b03.01གལ་ཏེ་དེ་ལྟ་ན་ཁོ་བོ་ཅག་གཉིས་ཀྱང་ཁྱོད་ཀྱི་མིང་པོ་ཡིན་པས་ཆེ་བཞི་དབྱེ་བར་བྱའོ། །དགེ་སློང་དག་དེ་ལ་དེའི་ཚེ་དེའི་དུས་ན་ཁྱིམ་བདག་གི་བུ་བདེན་སྨྲ་གང་ཡིན་པ་དེ་ནི་གྱད་བུ་ནོར་འདི་ཡིན་ནོ། །དེའི་ཚེ་དེའི་དུས་ན་དེའི་མ་ཡར་མོ་གང་ཡིན་པ་དེ་ནི། དགེ་སློང་མ་མཛའ་མོ་འདི་ཡིན་
D3.005.0280b04.01ནོ། །དེའི་མིང་པོ་གཉིས་གང་དག་ཡིན་པ་དེ་གཉིས་ནི་དགེ་སློང་མཛའ་བོ་དང་། ས་ལས་སྐྱེས་ཡིན་ནོ། །དེས་མ་ཡར་མོ་ལ་ཡང་དག་པ་མ་ཡིན་པས་སྐུར་པ་གང་ཡིན་པའི་ལས་དེའི་རྣམ་པར་སྨིན་པས་ལོ་བརྒྱ་ཕྲག་མང་པོ་དང་། ལོ་སྟོང་ཕྲག་མང་པོ་དག་ཏུ་སེམས་ཅན་
D3.005.0280b05.01དམྱལ་བ་དག་ཏུ་གདུངས་ནས་ལས་དེ་ཉིད་ཀྱི་ལྷག་མས་ཚེ་རབས་ལྔ་བརྒྱར་དེ་ལ་འདིས་ཡང་དག་པ་མ་ཡིན་པས་སྐུར་ཅིང་དེ་གཉིས་ཀྱིས་ཀྱང་ཆེ་བཞི་ཕྱེའོ། །དེས་ན་ད་ལྟར་དགྲ་བཅོམ་པ་ཉིད་ཐོབ་ཀྱང་དགེ་སློང་མ་མཛའ་མོས་ཡང་དག་པ་མ་ཡིན་པས་སྐུར་ཅིང་མཛའ་བོ་དང་།
D3.005.0280b06.01ས་ལས་སྐྱེས་གཉིས་ཀྱིས་ཆེ་བཞི་ཕྱེ་བར་གྱུར་ཏོ། །གནས་མལ་འབོག་པ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེ་ནི་སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན་དགེ་སློང་དག་སྔོན་བྱུང་བ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་སྐྱེ་དགུའི་
D3.005.0280b07.01