完整藏文原文 · 德格版页 当前仅加载第 5 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
སོང་ལ་རྒྱལ་པོའི་ཁབ་ཏུ་ཞུགས་ཏེ་གྲོང་ཁྱེར་རྒྱལ་པོའི་ཁབ་ཀྱི་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་དག་དང་། བཀའ་འདོགས་པའི་གནས་དག་ཏུ་འདུག་ལ། དད་པ་ཅན་དག་དང་། མ་དད་པ་དག་དང་། བྲམ་ཟེ་དང་། ཁྱིམ་བདག་དག་
D3.005.0056b01.01དང་། གྲོང་རྡལ་པ་དག་དང་། ཡུལ་མི་དག་དང་། ནོར་ཅན་དག་དང་། ཚོང་དཔོན་དག་དང་། དེད་དཔོན་དག་ལ་ཤེས་ལྡན་དག་ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲས་ཇི་ཙམ་མ་བྱིན་པར་བླངས་པས། གྱོད་ལ་སྐྲིན་ཅིང་སྲོག་དང་བྲལ་བར་བྱེད་
D3.005.0056b02.01ཅེས་དྲིས་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་རྒྱལ་པོའི་ཁབ་ཏུ་ཞུགས་ཏེ་གྲོང་ཁྱེར་རྒྱལ་པོའི་ཁབ་ཀྱི་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་དག་དང་། བཀའ་འདོགས་པའི་
D3.005.0056b03.01གནས་དག་ཏུ་འདུག་ནས་དད་པ་ཅན་དག་དང་། མ་དད་པ་དག་དང་། བྲམ་ཟེ་དང་། ཁྱིམ་བདག་དག་དང་། གྲོང་རྡལ་པ་དག་དང་། ཡུལ་མི་དག་དང་། ནོར་ཅན་དག་དང་། ཚོང་དཔོན་དག་དང་། དེད་དཔོན་དག་ལ་(རྨས་,སྨྲས་)པ། ཤེས་ལྡན་དག་ལུས་འཕགས་མའི་བུ་
D3.005.0056b04.01མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲས་ཇི་ཙམ་མ་བྱིན་པར་བླངས་པས་གྱོད་ལ་སྐྲིན་ཅིང་སྲོག་དང་བྲལ་བར་བྱེད། དེ་དག་གིས་སྨྲས་པ། བཙུན་པ་ཀུན་དགའ་བོ་མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པས་སོ། །དེ་ནས་ཚེ་དང་ལྡན་པ་ཀུན་དགའ་བོ་རྒྱལ་པོའི་ཁབ་
D3.005.0056b05.01ནས་བྱུང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །
D3.005.0056b06.01བཙུན་པ་བདག་ད་གཟོད་སྣམ་སྦྱར་འཚལ་ཏེ་དགེ་སློང་སླད་བཞིན་འབྲང་བའི་དགེ་སློང་ཞིག་དང་། རྒྱལ་པོའི་ཁབ་ཏུ་ཞུགས་ནས་གྲོང་ཁྱེར་རྒྱལ་པོའི་ཁབ་ཀྱི་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་དག་དང་། བཀའ་འདོགས་པའི་གནས་དག་ཏུ་
D3.005.0056b07.01