完整藏文原文 · 德格版页 当前仅加载第 5 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་བརྟག་པར་བརྩམས་པ་དང་། རས་ཡུག་ཆེན་མཐོང་ནས་དེས་སྨྲས་པ། འཕགས་པ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ན་ཇི་ལྟར་རས་ཡུག་ཆེན་གྱི་སླད་དུ་{བརྫུན་,རྫུན་}དུ་སྨྲ་བ་གསུང་། དགེ་སློང་དེས་སྨྲས་པ། བཞིན་{བཟངས་,བཟང་}ཁོ་བོས་མི་ཤེས་ཏེ། ཁོ་བོ་
D3.005.0081b01.01འཕགས་པ་ན་རས་ཡུག་ཆེན་འདི་རྙེད་ནས་ཁོ་བོས་བཤེས་པ་ལ་ཁོ་བོ་ཚངས་པ་མཚུངས་པར་སྤྱོད་པ་དག་ལ་ལྟ་བའི་བར་དུ་རས་ཡུག་ཆེན་འདི་རུང་བར་གྱིས་ལ་གཏུར་བུར་ཆུག་ཤིག་ཅེས་སྨྲས་ན། དེ་ལེ་ལོ་ཅན་ཞིག་པས་དེས་འདི་རུང་བར་མ་བྱས་པ་ཁོ་ནར་གཏུར་བུར་བཅུག་གོ། །
D3.005.0081b02.01ཤོ་གམ་པས་སྨྲས་པ། འཕགས་པ་དེ་ནི་ཁྱོད་ཀྱི་བཤེས་པ་མ་ལགས་ཀྱི་འདི་ལྟར་དེ་ནི་བདག་གི་བཤེས་པ་ལགས་ཏེ་དེས་ན་བདག་ལ་ཤོ་གམ་བྱུང་གིས་སྩོལ་ལ་བཞུད་ཅིག །དགེ་སློང་དེ་འགྱོད་པ་སྐྱེས་ནས་དེ་མཐར་གྱིས་མཉན་ཡོད་དུ་ཕྱིན་པ་དང་། དགེ་སློང་རྣམས་ཀྱིས་སྨྲས་
D3.005.0081b03.01པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། དེས་སྨྲས་པ། ཚེ་དང་ལྡན་པ་དག་ཇི་ལྟར་བདེ་བར་བརྒྱུས། དེ་དག་གིས་སྨྲས་པ། ཚེ་དང་ལྡན་པ་ཅིའི་ཕྱིར་དེ་སྐད་ཟེར། དེས་སྐབས་དེ་དགེ་སློང་རྣམས་ལ་རྒྱས་པར་བརྗོད་
D3.005.0081b04.01དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་ཀྱི་ཡང་དགེ་སློང་གིས་མ་དྲིས་པར་བླང་བར་མི་བྱ་བར་ཅི་ཁྱོད་ཀྱིས་རུང་བར་བྱས་སམ། འོན་ཏེ་མ་བྱས་ཞེས་དྲི་བར་
D3.005.0081b05.01བྱའོ། །མ་དྲིས་པར་ལེན་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ལྷུང་བཟེད་ནག་པོ་ཅན་འདི་དག་ནི་རྐང་པ་
D3.005.0081b06.01སྤྲེའུའི་ཞག་གིས་བསྐུས་ཏེ། འགྲོ་ན་ཡང་འགྲོ་བར་ཆས་པའི་རྙེད་པ་སྒྲུབ་པར་བྱེད། འོང་ན་ཡང་གློ་བུར་དུ་འོངས་པའི་རྙེད་པ་སྒྲུབ་པར་བྱེད་ཅིང་སྐྱེ་བོ་མང་པོ་དགའ་བ་དང་། ཡིད་དུ་འོང་བར་ཡང་འགྱུར་རོ། །ཡུ་བུ་ཅག་ནི་ཁྲོན་པའི་རུ་སྦལ་དང་འདྲ་བར་གར་ཡང་མི་འདོང་།
D3.005.0081b07.01