完整藏文原文 · 德格版页 当前仅加载第 5 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
གླང་བུ་གང་ལ་རྭ་རྣོན་པོ་གཉིས་མཆིས་པ་དེས་བདག་ཉིད་ཀྱི་དཀུ་འདྲལ་བར་བགྱིད་དམ། དེ་ནི་མི་རིགས་སོ། །སྲིང་མོ་དག་ཁ་རོག་ཤིག་དང་བཟློག་པར་བྱའོ། །འཕགས་པ་དག་གལ་ཏེ་ཟློག་ན་དེ་ལྟ་ན་ལེགས། གལ་ཏེ་ཟློག་པར་མི་མཛད་ན་བདག་ཅག་སླན་ཆད་རྒྱལ་
D3.005.0222a01.01བྱེད་ཀྱི་ཚལ་དུ་མི་མཆིའོ། །སྲིང་མོ་དག་ཁ་རོག་ཤིག་དང་། ཅི་ནས་ཀྱང་ཕྱིན་ཆད་དེ་ལྟར་བྱེད་པར་མི་འགྱུར་བར་བཟློག་པར་བྱའོ། །དགེ་སློང་རྣམས་ཀྱིས་དེ་དག་ལ་བསྒོ་སྟེ་དོང་བ་དང་། ལྷག་མ་རྣམས་ཀྱང་གཙུག་ལག་ཁང་ནས་བྱུང་སྟེ་དོང་ངོ་། །དེ་ནས་ཚེ་དང་ལྡན་པ་འཆར་ཀ་ཡང་དགོད་
D3.005.0222a02.01བཞིན་དུ་གཙུག་ལག་ཁང་ནས་བྱུང་བ་དང་། དགེ་སློང་རྣམས་ཀྱིས་དེ་མཐོང་ནས་སྨྲས་པ། ཚེ་དང་ལྡན་པ་འཆར་ཀ་ཁྱོད་མི་མཛེས་པ་དེ་ལྟ་བུ་དེ་བྱས་ནས་ད་ཅི་དགོད། འཆར་ཀས་སྨྲས་པ། ཁོ་བོས་ཆང་འཐུངས་སམ། ཀུན་དོང་ཟོས་སམ་ཅི། ཚེ་དང་ལྡན་པ་ཅི་དེ་ཡང་བྱས་སམ། གཞན་
D3.005.0222a03.01ཅི་ཞིག་བྱས། བྲམ་ཟེ་དང་ཁྱིམ་བདག་གི་ཆུང་མ་རབ་ཏུ་མང་པོ་དེ་དག་འཕྱ་ཞིང་དོང་ངོ་། །འཆར་ཀས་སྨྲས་པ། ཚེ་དང་ལྡན་པ་དག་ལྷུང་བཟེད་ནག་པོ་ཅན་རྣམས་ཀྱི་རང་བཞིན་ནི་སེར་སྣས་གང་ལ་ཡང་ཚིག་བཞི་པའི་ཚིགས་སུ་བཅད་པ་གཅིག་ཙམ་ཡང་མི་སྟོན་ལ། དེ་དག་ནི་གང་གཞན་
D3.005.0222a04.01ལ་སྟོན་པ་དེ་ལ་འཕྱ་བར་བྱེད་དོ། །དེ་དག་གིས་སྨྲས་པ། ཅི་ཁྱོད་ཀྱིས་དེ་དག་བདེན་པ་དག་ལ་བཀོད་དམ། དེས་སྨྲས་པ། ཇེ་དེ་དག་གི་དབང་པོ་ཡོངས་སུ་སྨིན་པར་བྱ་བ་བརྩམས་ན་མཐར་གྱིས་བདེན་པ་ཡང་མཐོང་བར་འགྱུར་རོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཡན་
D3.005.0222a05.01ལག་གང་གིས་ངོ་ཚ་བར་བྱ་བའི་ཡན་ལག་དེ་ཉིད་ཀྱིས་ཁེངས་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་
D3.005.0222a06.01འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་
D3.005.0222a07.01