完整藏文原文 · 德格版页 当前仅加载第 5 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དུ་ཆགས་པ་དང་། ཀུན་ནས་དཀྲིས་ཤིང་སེམས་ལྟོས་པ་དང་ལྡན་པ་དང་འབྲེལ་པ་གང་ཡིན་པའོ། །མ་དྲལ་ཅིང་མ་གྱུར་པ་ནི་རྣམ་པ་དེ་དག་མ་གཏོགས་པའོ། །བུད་མེད་ཀྱི་ཡུལ་དང་ལྷན་ཅིག་ཅེས་བྱ་བ་ནི་བུད་མེད་དམ། གཞོན་ནུ་མ་མི་ཚངས་པར་སྤྱོད་
D3.005.0211a01.01པ་འཁྲིག་པའི་ཆོས་སྟེན་ནུས་པ་གང་ཡིན་པ་དང་ངོ་། །ལུས་རེག་པར་ཞེས་བྱ་བ་ནི་ལུས་ལ་ལུས་གཞོལ་བར་རོ། །བྱེད་དམ་ཅེས་བྱ་བ་ནི་བྱེད་པར་གྱུར་ཏམ་མོ། །ལག་པ་ནས་བཟུང་ངམ་ཞེས་བྱ་བ་ནི་མཁྲིག་མ་མན་ཆད་ཀྱི་ལག་པ་ནས་སོ། །དཔུང་པ་ནས་བཟུང་ངམ་ཞེས་བྱ་བ་ནི་
D3.005.0211a02.01མཁྲིག་མ་ཡན་ཆད་ནས་སོ། །ལན་བུ་ནས་བཟུང་ངམ་ཞེས་བྱ་བ་ལ། ལན་བུ་ཞེས་བྱ་བ་ནི་སྐྲ་དག་དང་། དེ་དང་འབྲེལ་པའི་གོས་སོ། །ཡན་ལག་དང་ཉིང་ལག་གང་ཡང་རུང་བ་ལ་ཞེས་བྱ་བ་ནི་ལག་པ་ནས་བཟུང་བ་དང་། དཔུང་པ་ནས་བཟུང་བ་མ་གཏོགས་པ་དེ་ལས་གཞན་
D3.005.0211a03.01པའི་ཡན་ལག་གི་རྣམ་པ་གང་ཡིན་པ་ལའོ། །ནོམ་པ་དང་ཉུག་པ་བདག་གིར་བྱེད་ན་ཞེས་བྱ་བ་ནི་རོ་མྱོང་བར་བྱེད་ནའོ། །དགེ་འདུན་ལྷག་མའོ་ཞེས་བྱ་བ་ནི་ལྟུང་བ་དེ་དགེ་འདུན་ལ་རག་ལས་པ་སྟེ། དེས་ན་དགེ་འདུན་ལྷག་མའོ་ཞེས་གསུངས་སོ་ཞེས་བྱ་བའི་བར་དུ་སྔ་མ་བཞིན་
D3.005.0211a04.01ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གཞི་དགུས་ཏེ། ནོམ་པར་བྱེད་པ་དང་། ཉུག་པར་བྱེད་པ་དང་། སྤྲོད་པར་བྱེད་པ་དང་། འཛིན་པར་བྱེད་པ་དང་། འདྲེན་པར་བྱེད་པ་དང་། ཡོངས་སུ་འདྲེན་པར་བྱེད་པ་དང་། འོག་ནས་འཁྱུད་པར་བྱེད་པ་དང་། སྟེང་ནས་
D3.005.0211a05.01འཁྱུད་པར་བྱེད་པ་དང་། དམ་དུ་སྦྱོར་བར་བྱེད་པས་སོ། །ཇི་ལྟར་ནོམ་པར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ། གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟེན་ནུས་པ་གང་ཡིན་པ་དེའི་སྤྱི་བོ་ལ་ནོམ་པར་བྱེད་ན་གོས་ཀྱིས་བར་
D3.005.0211a06.01དུ་མ་ཆོད་པ་ལ་ནོམ་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ནོམ་ན་ཉེས་པ་སྦོམ་པོར་འགྱུར་རོ། །སྤྱི་བོ་ལ་ཇི་ལྟ་བ་དེ་བཞིན་དུ་འཕྲལ་བ་དང་། མཁུར་བ་དང་། མཆུ་དང་། ཀོ་སྐོ་དང་། མགྲིན་པ་དང་། རྣ་བ་དང་། སྣ་དང་། ཟ་འགྲམ་དང་།
D3.005.0211a07.01