完整藏文原文 · 德格版页 当前仅加载第 5 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་འདུག་ཅིང་མཐའ་གཅིག་ཏུ་འདུག་ནས། ང་ལ་དགེ་སློང་མ་མཛའ་མོས་འདི་སྐད་ཅེས་བཙུན་པ་འདི་ལྟར་འཕགས་པ་སྒྲ་ཅན་ཟིན་བདག་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་པ་མ་ལགས་སོ་ཞེས་གསོལ་ནས། དགེ་
D3.005.0272b01.01སློང་མཛའ་བོ་དང་། ས་ལས་སྐྱེས་གཉིས་ཀྱིས་ཀྱང་འདི་སྐད་ཅེས་བཅོམ་ལྡན་འདས་དེ་དེ་བཞིན་ནོ། །བདེ་བར་གཤེགས་པ་དེ་དེ་བཞིན་ཏེ། བདག་ཅག་གཉིས་ཀྱི་སྲིང་མོས་ཇི་སྐད་གསོལ་པ་དེ་ཁོ་ན་བཞིན་དུ་བདག་ཅག་གཉིས་ཀྱིས་ཀྱང་འཚལ་ཏོ་ཞེས་གསོལ་ནས། ངས་ཁྱོད་ལ་སྒྲ་ཅན་
D3.005.0272b02.01ཟིན་དེ་ལ་ཁྱོད་ཇི་སྙམ་དུ་སེམས་ཞེས་སྨྲས་ན། ཁྱོད་ཇི་སྐད་ལན་འདེབས་པར་བྱེད། བཙུན་པ་བདག་འདི་སྐད་ཅེས་དྲན་ན་ཡང་དྲན་ཞེས་གསོལ་ལོ། །མི་དྲན་ན་ཡང་མི་དྲན་ཞེས་གསོལ་ལོ། །མི་གཏི་མུག་ཅན་འོ་ན་ཁྱོད་ཀྱིས་དོན་དེ་འཐོབ་ན་དགེ་སློང་གྱད་བུ་ནོར་དག་པ་ལྟུང་བ་མེད་པས་
D3.005.0272b03.01ཅིའི་ཕྱིར་མི་འཐོབ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་གྱད་བུ་ནོར་ནི་དྲན་པ་དང་ལྡན་པར་ཟུང་ཤིག །དགེ་སློང་མ་མཛའ་མོ་ནི་རང་གིས་ཁས་བླངས་པས་བསྙིལ་བར་བྱའོ། །དགེ་སློང་མཛའ་བོ་དང་། ས་
D3.005.0272b04.01ལས་སྐྱེས་གཉིས་ལ་ནི་ཅི་ཞིག་མཐོང་། ཇི་ལྟར་མཐོང་། གང་དུ་མཐོང་། ཁྱེད་གཉིས་དོན་ཅི་ལ་དེར་སོན་པས། དེར་མཐོང་ཞེས་ལེགས་པར་རབ་ཏུ་གླེང་བར་གྱིས་ཤིག །བརྟག་པར་གྱིས་ཤིག་ཅེས་བཀའ་སྩལ་ནས། བཅོམ་ལྡན་འདས་གདན་ལས་བཞེངས་
D3.005.0272b05.01ཏེ། ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་དགེ་སློང་རབ་ཏུ་མང་པོ་དག་གིས་བཅོམ་ལྡན་འདས་ནང་དུ་ཡང་དག་འཇོག་ལ་ཞུགས་ནས། རིང་པོ་མ་ལོན་པར་རིག་ནས། ཚེ་དང་ལྡན་པ་གྱད་བུ་ནོར་ནི། དྲན་པ་དང་
D3.005.0272b06.01ལྡན་པར་བཟུང་། དགེ་སློང་མ་མཛའ་མོ་ནི་རང་གིས་ཁས་བླངས་པས་བསྙིལ། དགེ་སློང་མཛའ་བོ་དང་། ས་ལས་སྐྱེས་གཉིས་ལ་ནི་ཅི་ཞིག་མཐོང་། ཇི་ལྟར་མཐོང་། གང་དུ་མཐོང་། ཁྱེད་གཉིས་ཅིའི་ཕྱིར་དེར་སོན་པས་དེར་མཐོང་། ཞེས་ལེགས་པར་རབ་ཏུ་གླེངས་ཤིང་
D3.005.0272b07.01