完整藏文原文 · 德格版页 当前仅加载第 5 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཁྱོད་ཀྱི་དངོས་པོ་ལྷུང་བ་འདི་ཁོ་བོས་མཐོང་གིས་ལོང་ཤིག །དེས་སྨྲས་པ། ཚེ་དང་ལྡན་པ་ཁོ་བོ་ལ་དངོས་པོ་དེ་མ་བྱིན་པར་ལེན་པ་དག་གིས་བརྐུས་པར་གྱུར་པ་ནི་བླའི། ཁོ་བོ་ཁྱོད་ཀྱིས་ཏིང་ངེ་འཛིན་གྱི་མཚན་མ་བཟང་པོ་འདི་འདྲ་བ་ལས་བསླང་བ་ནི་
D3.005.0094a01.01མ་ཡིན་ནོ། །དགེ་སློང་དེ་བདག་ལ་དགེ་སློང་ཏིང་ངེ་འཛིན་ལས་བསླང་བས་ལྟུང་བ་དང་བཅས་པར་མ་གྱུར་ཏམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་
D3.005.0094a02.01འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་དགེ་སློང་དོན་དེའི་ཕྱིར་ཏིང་ངེ་འཛིན་ལས་བསླང་བར་མི་བྱ་བར་འདི་ལྟར་དེའི་མངོན་སུམ་དུ་གཟར་ཐག་ལ་བཏགས་ཏེ་གཞག་པར་བྱའོ། །དགེ་སློང་ཞིག་གིས་གཞན་གྱི་དངོས་
D3.005.0094a03.01པོ་ལྷུང་བ་མཐོང་ནས་དེས་འདི་དགེ་སློང་ཆེ་གེ་མོ་ཞིག་གི་ཡིན་ནོ་ཞེས་ངོ་ཤེས་ནས་དེས་དེ་ཁྱེར་ཏེ་དགེ་སློང་དེའི་དྲུང་དུ་སོང་ནས། ཚེ་དང་ལྡན་པ་ཁྱོད་ཀྱི་དངོས་པོ་ལྷུང་བ་འདི་ཁོ་བོས་མཐོང་གིས་ལོང་ཤིག །དགེ་སློང་དེ་དེ་ལ་ནང་དང་བཅས་པ་ཡིན་པས་སྨྲས་པ། ཚེ་དང་ལྡན་པ་
D3.005.0094a04.01ཁྱོད་ཀྱིས་འདི་ལྟུང་བ་མཐོང་བ་མ་ཡིན་གྱི་འདི་ལྟར་ཁྱོད་ཀྱིས་རྐུ་སེམས་ཀྱིས་བརྐུས་སོ། །དགེ་སློང་དེ་བདག་ལྟུང་བ་དང་བཅས་པར་མ་གྱུར་ཏམ་སྙམ་དུ་འགྱོད་པ་སྐྱེས་པར་གྱུར་ནས། དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་
D3.005.0094a05.01གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་ཀྱི་འོན་ཀྱང་དགེ་སློང་གིས་དགེ་སློང་གི་ཡོ་བྱད་ལྷུང་བ་མཐོང་ན་དགེ་སྐོས་ལ་གཏད་པར་བྱ་ཞིང་། དགེ་སྐོས་ཀྱིས་ཀྱང་ཉི་མ་གཉིས་སམ། གསུམ་དུ་དགེ་འདུན་གྱི་ནང་དུ་བྲིམ་
D3.005.0094a06.01པར་བྱ་ཞིང་གལ་ཏེ་ངོ་ཤེས་པ་ཡོད་ན་གཏད་པར་བྱའོ། །གལ་ཏེ་མེད་ན་དགེ་འདུན་གྱིས་ཅི་བདེར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མ་རི་མ་ཞེས་བྱ་བ་དགྲ་བཅོམ་
D3.005.0094a07.01