完整藏文原文 · 德格版页 当前仅加载第 5 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་གཅིག་པའི་གན་ན་གནས་ཤིང་རིགས་གཅིག་པས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ། དེ་ནི་རིགས་ཀྱིས་བསྲུངས་པའི་མཛའ་ན་མོ་ཞེས་བྱའོ། །རུས་ཆགས་ཀྱིས་བསྲུངས་པའི་མཛའ་
D3.005.0234b01.01ན་མོ་གང་ཞེ་ན། རུས་ཞེས་བྱ་བ་ནི་ཀུ་སའི་རིགས་དང་། བད་སའི་རིགས་དང་། ཤན་དི་ལའི་རིགས་དང་། བྷ་ར་དྭ་ཛའི་རིགས་དང་། ལྔ་པའི་རིགས་དང་། ཉེ་ལྔའི་རིགས་དང་། གཽ་ཏ་མའི་རིགས་ཏེ། བུད་མེད་དམ་གཞོན་ནུ་མ་གང་གི་ཕ་མ་དང་ཁྱིམ་ཐབ་ཤི་ཞིང་དུས་ལ་བབ་པར་གྱུར་
D3.005.0234b02.01ཏམ། རྒྱལ་པོས་བཅིངས་སམ། བསད་དམ། རྒྱལ་པོའི་འཇིགས་པས་ཡུལ་འཁོར་གཞན་དང་། ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པར་གྱུར་ནས། དེ་རུས་ཆགས་ཀྱི་གན་ན་གནས་ཤིང་རུས་ཆགས་ཀྱིས་དེ་འདི་
D3.005.0234b03.01ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་རུས་ཆགས་ཀྱིས་བསྲུངས་པའི་མཛའ་ན་མོ་ཞེས་བྱའོ། །རྣམ་པར་འཁྲུགས་པ་མེད་པའི་མཛའ་ན་མོ་གང་ཞེ་ན། དགེ་སློང་མ་དང་། སྤྱོད་ཅན་མོ་དང་། ཀུན་ཏུ་
D3.005.0234b04.01རྒྱུ་མོ་དང་། ཁྱིམ་ཐབ་ཀྱི་མལ་གྱི་རྗེས་སུ་འཇུག་པ་དང་། ཆོས་བཞིན་སྤྱོད་པ་དེ་ནི་རྣམ་པར་འཁྲུག་པ་མེད་པའི་མཛའ་ན་མོ་ཞེས་བྱའོ། །སྨྱན་ཞེས་བྱ་བ་ནི་ཕྲིན་བྱེད་པའོ། །བྱེད་ན་ཞེས་བྱ་བ་ནི་བྱེད་པར་གྱུར་ནའོ། །ཐ་ན་ཐང་འགའ་ཕྲད་པ་ལ་ཡང་རུང་སྟེ་ཞེས་བྱ་བ་ནི་ཐ་ན་ཡུད་ཙམ་ལ་
D3.005.0234b05.01ཡང་རུང་སྟེའོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན།། །།བར་སྡོམ་ལ། སྤྲིང་བའི་ཕྲིན་དང་དགེ་སློང་གཉིས། །སྤྱོད་ལམ་དང་ནི་སྔོན་འགྲོ་དང་། །བདག་དང་བདག་མིན་ཡུལ་ཕྱོགས་ཚིགས། །སྤྲིང་ཡིག་ལག་ཡིག་ཆུང་མའོ། །དགེ་
D3.005.0234b06.01སློང་གིས་བདག་ཉིད་ཀྱིས་སྤྲིང་བ་མནོས་ཏེ་བདག་ཉིད་ཀྱིས་ཕྲིན་ཕར་ཡང་སྐྱེལ་བར་བྱེད་ཅིང་། བདག་ཉིད་ཀྱིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་བདག་ཉིད་ཀྱིས་སྤྲིང་བ་མནོས་ཏེ། བདག་ཉིད་ཀྱིས་ཕྲིན་ཕར་སྐྱེལ་བར་བྱེད་ཅིང་མངགས་
D3.005.0234b07.01