完整藏文原文 · 德格版页 当前仅加载第 5 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དཔྱད་པར་བརྩམས་ན་མཚོ་ཡང་མ་ཤེས། ལམ་ཡང་མ་ཤེས། ལྡོག་པ་ཡང་མ་ཤེས་ནས་དེ་བདག་ལ་ལས་མཐོང་བར་མ་གྱུར་ཏམ་སྙམ་དུ་ཕྱོགས་བཞིར་རྣམ་པར་ལྟ་བར་བྱེད་ཅིང་བསམས་པ། གལ་ཏེ་འདི་ན་གཟུ་བོ་འགའ་ཞིག་ཡོད་པར་གྱུར་དུ་ཟིན་ན་བདག་དེང་ཉིད་དུ་ཚར་བཅད་པར་
D3.005.0172b01.01འགྱུར་བས་རྣམ་པ་ཐམས་ཅད་དུ་སྤང་བ་བྱའོ་སྙམ་དུ་རིག་ནས་སྨྲས་པ། ཀྱེ་དགེ་སློང་ཚིགས་སུ་བཅད་པ་དེ་ནི་རྒྱུད་རྒྱ་ཆེན་པོ་དང་ལྡན་པ། དོན་ཟབ་མོ་ཉིད་དང་ལྡན་པ་ཡིན་ལ་ཁྱོད་ཀྱང་བཱ་རཱ་ཎ་སཱིར་འཕགས་པ་ཡིན། ཁོ་བོ་ཡང་དྲང་སྲོང་སྨྲ་བར་འཕགས་པ་ཡིན་པས་འདིའི་དོན་འཕྲལ་ཁོ་ནར་
D3.005.0172b02.01སྨྲ་བར་མི་ནུས་ཀྱིས་སོང་ཤིག་དང་། ཕྱིས་ཀྱང་འདིའི་དོན་སྨྲ་བར་མི་དཀའོ་ཞེས་དྲང་སྲོང་སྨྲ་བར་སོང་བ་དང་། དགེ་སློང་ཀློག་པ་དང་། ཁ་ཏོན་དང་། ཡིད་ལ་བྱེད་པའི་སྦྱོར་བའི་རྗེས་སུ་བརྩོན་པ་དག་མཐོང་ངོ་། །མཐོང་མ་ཐག་ཏུ་དེ་སེམས་མངོན་པར་དད་པར་གྱུར་ནས། བསམས་པ།
D3.005.0172b03.01སུ་ཞིག་སྙིང་རྗེ་མེད་ཅིང་འཇིག་རྟེན་ཕ་རོལ་བཏང་སྟེ། འདི་དག་ལ་རབ་ཏུ་སྡང་བའི་སེམས་སྐྱེད་ཅིང་འདི་དག་དང་ལྷན་ཅིག་རྩོད་པ་སྐྱེད་པར་འགྱུར་སྙམ་དུ་རིག་ནས་རང་གི་ཁྱིམ་དུ་སོང་བ་དང་དེ་ལ་མས་སྨྲས་པ། བུ་ཁྱོད་ཀྱིས་འོད་སྲུང་གི་དགེ་སྦྱོང་དག་ཚར་བཅད་དམ། སེར་སྐྱས་སྨྲས་པ།
D3.005.0172b04.01ཡུམ་ཁྱོད་བདག་གི་རྒོལ་བའི་ལོངས་སྤྱོད་དག་གིས་མི་དགྱེས་སམ། འདི་ལྟར་ཁྱོད་ནི་རྒོལ་བའི་ལོངས་སྤྱོད་དག་འཕྲོག་ཏུ་སྩོལ་བར་བཞེད་པར་གདའོ། །བུ་ཇི་སྐད་ཟེར། ཡུམ་བདག་དེང་དྲང་སྲོང་སྨྲ་བར་འཕགས་པ་དང་། ཇི་ཙམ་ན་བདག་གིས་ཤུལ་གྱི་བར་དུ་དགེ་སློང་ཞིག་མཐོང་ནས་
D3.005.0172b05.01བདག་གིས་དེ་ལ་ཀྱེ་དགེ་སློང་ཅི་སངས་རྒྱས་ཀྱི་བཀའ་ལས་ཅུང་ཞིག་སྨྲོས་ཤིག་ཅེས་བགྱིས་པ་དང་། དེས་ཚིགས་སུ་བཅད་པ། མཚོ་རྣམས་གང་དུ་ལྡོག་པར་འགྱུར། །ལམ་ནི་གང་དུ་ལྡོག་པར་འགྱུར། །གང་དུ་འཇིག་རྟེན་བདེ་སྡུག་བསྔལ། །མ་ལུས་པར་ནི་འགག་པར་འགྱུར། །ཞེས་
D3.005.0172b06.01བརྗོད་ནས་བདག་གིས་རིག་པའི་གནས་ཐམས་ཅད་ལ་རྣམ་པར་དཔྱད་པར་བརྩམས་ན་མཚོ་ཡང་མ་འཚལ། ལམ་ཡང་མ་འཚལ། ལྡོག་པ་ཡང་མ་འཚལ་ནས། གལ་ཏེ་དེ་ན་གཟུ་བོ་འགའ་ཞིག་མཆིས་པར་གྱུར་དུ་ལགས་ན་བདག་དེང་ཉིད་དུ་ཚར་བཀུམ་པར་ཡང་འགྱུར་རོ། །བུ་གལ་
D3.005.0172b07.01