完整藏文原文 · 德格版页 当前仅加载第 5 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
བར་མི་བྱེད་པས་དུས་ལ་བབ་གོར་མ་ཆག་གོ། །དེ་དག་གིས་སྡེ་པའི་ཆུང་མ་དེ་ལ་ཐབས་དུ་མ་དག་གིས་ཡིད་བཞོས་ཀྱང་ཁྲི་ལས་ལྡང་བར་མི་བྱེད་ཅིང་། དེས་སྨྲས་པ། གལ་ཏེ་ཁོ་མོ་གཞན་ལ་མི་སྦྱིན་ན་ཁོ་མོས་ངེས་པར་རིགས་གཉི་ག་ལ་མི་སྙན་པ་
D3.005.0120a01.01འབྱུང་བར་བྱའོ། །དེ་ནས་སྡེ་པའི་ཆུང་མའི་ཕ་མ་དང་། ཉེ་དུ་དང་རྩ་ལག་གི་ཚོགས་དག་གིས་གྲོས་བྱ་བར་བརྩམས་ཏེ། འདི་དེ་ལྟར་ཟློག་ཏུ་མ་བཏུབ་པས་ངེས་པར་རིགས་གཉི་ག་ལ་མི་སྙན་པ་འབྱུང་བར་བྱེད་ཀྱིས་ཉེ་སྡེ་མགྲོན་དུ་བོས་ཏེ་ཟན་བྱིན་ལ་དེ་ལ་འདི་སྦྱིན་པར་བྱ་
D3.005.0120a02.01བ་ནི་འདིར་དུས་ལ་བབ་པ་ཡིན་ནོ་ཞེས་གྲོས་བྱས་ནས། དེ་དག་གིས་ཉེ་སྡེ་མགྲོན་དུ་བོས་ཏེ་ཟན་བྱིན་ནས་སྨྲས་པ། ཉེ་སྡེ་ཁྱོད་ཀྱི་ཕུ་བོའི་ཆུང་མ་འདི་ཉོན་མོངས་པ་ཀུན་ཏུ་སྤྱོད་པས་ཤིན་ཏུ་གཡེན་སྤྱོ་བར་གྱུར་པས་ངེས་པར་རིགས་གཉི་ག་ལ་མི་སྙན་པ་འབྱིན་པར་བྱེད་ན།
D3.005.0120a03.01གལ་ཏེ་ཁྱོད་འདི་དང་ལྷན་ཅིག་ཏུ་ཀུན་ཏུ་སྤྱོད་པར་བྱེད་ན་དེ་ལྟ་ན་ལེགས། གལ་ཏེ་མི་བྱེད་ན་བདག་ཅག་གིས་འདི་གཞན་ལ་སྦྱིན་པར་བྱའོ། །ཉེ་སྡེས་བསམས་པ། འདི་བདག་ཅག་གིས་བྱིས་པ་ནས་བསྐྱེད་པ་ཡིན་པས་གལ་ཏེ་གཞན་དུ་འགྲོ་བར་འགྱུར་ཞིང་རིགས་གཉི་
D3.005.0120a04.01ག་ལ་མི་སྙན་པ་འབྱིན་པར་གྱུར་ན་མ་ལེགས་ཀྱིས། བདག་གིས་འདི་བདག་གིར་བྱའོ་སྙམ་དུ་རིག་ནས། (དས་,དེས་)དང་དུ་བླང་བས་ཁས་བླངས་སོ། །དེ་ནས་ཉེ་སྡེས་སྡེ་པའི་ཆུང་མ་རང་གི་ཁྱིམ་དུ་ཁྲིད་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་
D3.005.0120a05.01སྤྱོད་པར་བྱེད་དོ། །དེ་ལ་མངལ་ན་གནས་པའི་མཚན་མ་དག་བྱུང་བར་གྱུར་ནས། དེ་ལ་ན་ཟླ་དག་གིས་སྨྲས་པ། འདི་ག་ལས་འོངས། སྡེ་པའི་ཆུང་མས་སྨྲས་པ། ཁོ་མོ་ཚུལ་ཁྲིམས་དང་ལྡན་པ་ཁོ་ན་ཡིན་གྱིས་ཁྱེད་ཅག་{བརྫུན་,རྫུན་}གྱི་སྐུར་པས་ཁོ་མོ་ལ་ཀུན་དུ་མ་
D3.005.0120a06.01སྤྱོད་ཅིག །དེའི་གྲོགས་མོ་ཆེས་མཛའ་བ་ཞིག་ཡོད་པ་དེས་སྨྲས་པ། ཅིའི་ཕྱིར་གསང་བར་བྱེད། འདི་གདོན་མི་ཟ་བར་གྲགས་པར་འགྱུར་གྱིས་སྨྲོས་ཤིག །སྡེ་པའི་ཆུང་མས་སྨྲས་པ། ཉེ་སྡེ་ལས་སོ། །ལེགས་ཏེ་ཁྱིམ་ཐབ་ལས་སམ། སྐུད་པོ་ལས་ཀྱང་རུང་
D3.005.0120a07.01