完整藏文原文 · 德格版页 当前仅加载第 5 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
སམ། བཅོམ་ལྡན་འདས་བདག་གིས་ཐོས་སོ། །གྱད་བུ་ནོར་ཁྱོད་ཀྱིས་ཐོས་སམ། བདེ་བར་གཤེགས་པ་བདག་གིས་ཐོས་སོ། །གྱད་བུ་ནོར་དེ་ལ་ཁྱོད་ཇི་སྙམ་དུ་སེམས། བཅོམ་ལྡན་འདས་ཀྱིས་བདག་ལ་ཇི་ལྟར་མཁྱེན་པ་
D3.005.0272a01.01ལགས་སོ། །བདེ་བར་གཤེགས་པས་བདག་ལ་ཇི་ལྟར་མཁྱེན་པ་ལགས་སོ། །གྱད་བུ་ནོར་དེ་སྐད་ཅེས་བཅོམ་ལྡན་འདས་ཀྱིས་བདག་ལ་ཇི་ལྟར་མཁྱེན་པ་ལགས་སོ། །བདེ་བར་གཤེགས་པས་བདག་ལ་ཇི་ལྟར་མཁྱེན་པ་ལགས་སོ་ཞེས་ཟེར་བ་དེ་ནི་དུས་མ་ཡིན།
D3.005.0272a02.01དེ་ནི་སྐབས་མ་ཡིན་ཏེ། འདི་ལྟར་དྲན་ན་ཡང་དྲན་ཞེས་བརྗོད་པར་བྱའོ། །མི་དྲན་ན་ཡང་མི་དྲན་ཞེས་བརྗོད་པར་བྱའོ། །བཅོམ་ལྡན་འདས་མི་དྲན་ནོ། །བདེ་བར་གཤེགས་པ་མི་དྲན་ནོ། །དེའི་ཚེ་ན་ཚེ་དང་ལྡན་པ་སྒྲ་ཅན་ཟིན་བཅོམ་ལྡན་འདས་ཀྱི་སྣམ་ལོགས་
D3.005.0272a03.01ན་འདུག་པར་གྱུར་ཅིང་རྡུལ་ཡབ་ཐོགས་ཏེ་བཅོམ་ལྡན་འདས་ལ་གཡོབ་པར་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་སྒྲ་ཅན་ཟིན་ཀྱིས་འདི་སྐད་ཅེས་གསོལ་ཏོ། །བཙུན་པ་འདི་ལྟར་དགེ་སློང་མ་མཛའ་མོ་བཅོམ་ལྡན་འདས་ག་ལ་བ་དེར་མཆིས་ཏེ་ཕྱིན་ནས་བཅོམ་ལྡན་
D3.005.0272a04.01འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་མཆིས་ཤིང་མཐའ་གཅིག་ཏུ་མཆིས་ནས། བཅོམ་ལྡན་འདས་ལ་དགེ་སློང་མ་མཛའ་མོས་འདི་སྐད་ཅེས་བཙུན་པ་འདི་ལྟར་འཕགས་པ་གྱད་བུ་ནོར་བདག་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་
D3.005.0272a05.01པ་མ་ལགས་སོ་ཞེས་གསོལ་ནས། དགེ་སློང་མཛའ་བོ་དང་། ས་ལས་སྐྱེས་གཉིས་ཀྱིས་ཀྱང་འདི་སྐད་ཅེས་བཅོམ་ལྡན་འདས་དེ་དེ་བཞིན་ནོ། །བདེ་བར་གཤེགས་པ་དེ་དེ་བཞིན་ཏེ། བདག་ཅག་གཉིས་ཀྱི་སྲིང་མོས་ཇི་སྐད་གསོལ་པ་དེ་ཁོ་ན་བཞིན་དུ་བདག་ཅག་གཉིས་ཀྱིས་ཀྱང་འཚལ་ཏོ་ཞེས་གསོལ་ན།
D3.005.0272a06.01བཙུན་པ་དེའི་སླད་དུ་ཚེ་དང་ལྡན་པ་གྱད་བུ་ནོར་ལ་རྨ་ཅི་འཚལ། སྒྲ་ཅན་ཟིན་དེའི་ཕྱིར་དེ་ཁྱོད་ཉིད་ལ་དྲིས་ཁྱོད་ཀྱིས་ཇི་ལྟར་བཟོད་པ་དེ་ཁོ་ན་བཞིན་དུ་ལན་ཐོབ་ཤིག །སྒྲ་ཅན་ཟིན་གལ་ཏེ་དགེ་སློང་མ་མཛའ་མོ་དེ་ག་ལ་བ་དེར་འོངས་ཏེ་ཕྱིན་ནས་ངའི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་
D3.005.0272a07.01