完整藏文原文 · 德格版页 当前仅加载第 88 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་སྔར་བསྟན་པ་ལྟར་མཆོད་པ་དང་ཕྱག་བྱས་པ་ལ་སོགས་པའི་ཕན་ཡོན་གྱི་གྲངས་དང་ཚད་ནི་དེ་བཞིན་གཤེགས་པས་བསྐལ་བའམ། བསྐལ་པ་ལས་ལྷག་གམ། བསྐལ་པ་བརྒྱ་སྟོང་གི་བར་བཞུགས་ཏེ་ཆར་
D508.088.0018a01.01གྱི་ཐིགས་པ་བགྲངས་པ་ཇི་ལྟ་བུར་གསུངས་ཀྱང་རྫོགས་པར་མི་འགྱུར་རོ། །ལག་ན་རྡོ་རྗེ་གོང་དུ་བསྟན་པའི་སྐུ་གཟུགས་ལ་ཁྲུས་གསོལ་བ་ཙམ་གྱི་བསོད་ནམས་ཀྱི་ཚད་ནི་དེ་བཞིན་གཤེགས་པ་ཐམས་ཅད་ཀྱིས་མི་མཁྱེན་ཏོ། །ལག་ན་རྡོ་རྗེ་གཞན་ཡང་དགེ་བའི་རྩ་བ་བསྐྲུན་པ་དང་བསྐྱེད་པར་
D508.088.0018a02.01བྱ་བ་དང་། བསམ་པའི་དོན་འགྲུབ་པར་བྱེད་པའི་ལས་ཚོགས་ཀྱི་རྟེན་འབྲེལ་གྲུབ་པའི་ཚུལ་མདོ་ཙམ་ཞིག་བཤད་ཀྱིས་ཉོན་ཅིག །ལག་ན་རྡོ་རྗེ་གང་ལ་ལ་ཞིག་གིས་བྱང་ཆུབ་སྙིང་པོའི་རྒྱན་འབུམ་གྱི་གཟུངས་འདི་གྲོ་ག་ལ་བྲིས་ཏེ། ཕྱག་མཚན་གྱི་རྡོ་རྗེའི་ནང་དུ་བཅུག་པའམ། སྐུ་གཟུགས་
D508.088.0018a03.01ཀྱི་ནང་བཅུག་པའམ། ཁོག་པར་བྲིས་པའམ། ལྷ་ཁང་གི་གནྡྷོ་ལའི་ནང་བཅུག་པའམ། མཆོད་རྟེན་གྱི་ནང་བཅུག་ན། དེས་མཆོད་རྟེན་གཅིག་བྱས་པས་འབུམ་བྱས་པར་འགྱུར་རོ། །མཆོད་རྟེན་དེ་སྙེད་བཞེངས་པའི་བསོད་ནམས་ཐོབ་པར་འགྱུར་རོ། །དགེ་སློང་ངམ། དགེ་སློང་
D508.088.0018a04.01མའམ། དགེ་བསྙེན་ནམ། དགེ་བསྙེན་མའམ། གཞན་ཡང་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་གཟུངས་འདི་བྲིས་ཏེ་ལམ་གྱི་བཞི་མདོའམ། རི་མཐོན་པོའི་སྤོའམ། ཆུ་ཆེན་པོའི་འགྲམ་མམ། གྲོང་ཁྱེར་གྱི་སྒོའམ། ཐེག་ལམ་ཆེན་པོར་མཆོད་རྟེན་ཆེན་པོ་
D508.088.0018a05.01གཅིག་བྱས་ལ་ཆར་ཁེབས་སམ་གདུགས་ཀྱི་ནང་དུ་གཟུངས་འདི་བཅུག་ན། རིགས་ཀྱི་བུའམ་རིགས་ཀྱི་བུ་མོ་དེས་ངས་སྔར་དཔེ་དྲངས་ཏེ་བསྟན་པ་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་གྲངས་དང་མཉམ་པའི་ཆོས་ཀྱི་སྐུའི་རིང་བསྲེལ་དང་། ཆོས་ཀྱི་
D508.088.0018a06.01དབྱིངས་ཀྱི་རིང་བསྲེལ་དང་། རུས་པའི་རིང་བསྲེལ་དང་། ཤའི་རིང་བསྲེལ་དེ་དག་ཐམས་ཅད་ལ་མཆོད་རྟེན་བྱས་པའི་བསོད་ནམས་ཐོབ་པར་འགྱུར་རོ། །མཆོད་རྟེན་ཞེས་བྱ་བ་ནི་སངས་རྒྱས་ཐམས་ཅད་ཀྱི་བཞུགས་གནས་དཀྱིལ་འཁོར་ཡིན་ནོ། །མཆོད་རྟེན་ཞེས་བྱ་བ་ནི་སངས་རྒྱས་
D508.088.0018a07.01