完整藏文原文 · 德格版页 当前仅加载第 88 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེང་དུ་བྱུང་བའི་རྒྱུ་རྐྱེན་འདི་ཉིད་ཀྱང་བྱང་ཆུབ་སྙིང་པོའི་རྒྱན་འབུམ་གྱི་གཟུངས་ཀྱི་མཐུ་དང་བྱིན་རླབས་ལས་བྱུང་བ་ལགས་པས་བཅོམ་ལྡན་འདས་ཀྱིས་བྱང་ཆུབ་སྙིང་པོའི་རྒྱན་འབུམ་གྱི་གཟུངས་འཆད་པའི་དུས་ལ་བབ་བོ། །དེ་སྐད་ཅེས་གསུངས་པ་དང་། བཅོམ་ལྡན་འདས་ཤཱཀྱ་ཐུབ་པས་དེ་བཞིན་གཤེགས་
D508.088.0015b01.01པ་ཤིན་ཏུ་རྒྱས་པའི་གསེར་ཞལ་མཆོག་ཏུ་དཔའ་བའི་འོད་ཟེར་རྒྱལ་མཚན་གྱི་ཏོག་གིས་བསྐུལ་བ་དང་དུ་བཞེས་ནས། རྟོག་པའི་རྒྱལ་པོ་བྱང་ཆུབ་སྙིང་པོའི་རྒྱན་འབུམ་ཞེས་བྱ་བའི་གཟུངས་འདི་གསུངས་སོ། །ཨོཾ་ན་མོ་བྷ་ག་བ་ཏེ། བི་པུ་ལ་བ་དན་ཀཱཉྩ་ནོ་ཏ་ཀྵིཔྟ། པྲ་བྷཱ་ས་ཀེ་ཏུ་མཱུརྡྷ་ནེ། ཏ་ཐཱ་ག་ཏཱ་ཡ།
D508.088.0015b02.01ཨརྷ་ཏེ་སམྱཀྶཾ་བུདྡྷ་ཡ། ན་མོ་བྷ་ག་བཱ་ཏེ། ཤཱཀྱ་མུ་ན་ཡེ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྷཱ་ཡ། ཏདྱ་ཐཱ། བོ་དྷི་བོ་དྷི། བོ་དྷི་ནི་བོ་དྷི་ནི། སརྦ་ཏ་ཐཱ་ག་ཏ་གོ་ཙ་རེ། དྷ་ར་དྷ་ར། ཧ་ར་ཧ་ར། པྲ་ཧ་ར་པྲ་ཧ་ར། མ་ཧཱ་བོ་དྷི་ཙིཏྟ་དྷ་རེ། ཙུ་ལུ་ཙུ་ལུ། ཥ་ཊ་རསྨི་ས་ཧྩོ་དི་ཏེ། སརྦ་ཏ་ཐཱ་ག་ཏ་བྷྲིཥིཀྟེ། གུ་ཎེ་
D508.088.0015b03.01གུ་ཎ་བ་ཏེ། སརྦ་བུདྡྷ་གུ་ཎཱ་བ་བྷཱ་སེ། མི་ལི་མི་ལི། ག་ག་ན་ཏ་ལེ། པྲ་ཏིཥྛི་ཏེ། སརྦ་ཏ་ཐཱ་ག་ཏ་ཨ་དྷིཥྛི་ཏེ། ན་བྷ་སྟ་ལེ། ཤ་མེ་ཤ་མེ། པྲ་ཤ་མེ་པྲ་ཤ་མེ། སརྦ་པཱ་པཾ་པྲ་ཤ་མ་ཎ། སརྦ་པཱ་པཾ་བི་ཤོ་དྷ་ནེ། ཧུ་ལུ་ཧུ་ལུ། མ་ཧཱ་བོ་དྷི་མཱརྒ་སཾ་པྲ་ཏིཥྛི་ཏེ། སརྦ་ཏ་ཐཱ་ག་ཏ། སུ་པྲ་ཏིཥྛི་ཏེ་ཤུདྡྷེ་
D508.088.0015b04.01སྭཱ་ཧཱ། རྩ་བའི་སྔགས་སོ། །དེ་ལྟར་བཅོམ་ལྡན་འདས་ཀྱིས་རྟོག་པའི་རྒྱལ་པོ་ཆེན་པོ་བྱང་ཆུབ་སྙིང་པོའི་རྒྱན་འབུམ་གྱི་གཟུངས་འདི་གསུངས་མ་ཐག་ཏུ། ཕྱོགས་བཅུ་ན་བཞུགས་པའི་སངས་རྒྱས་ཐམས་ཅད་ཀྱིས་ལེགས་སོ་ལེགས་སོ། །ལེགས་པར་གསུངས་སོ་ཞེས་བསྔགས་པ་མཛད་དོ། །
D508.088.0015b05.01སྤྲུལ་པའི་སངས་རྒྱས་དེ་དག་ཐམས་ཅད་ཀྱིས་ཀྱང་ལེགས་སོ་ལེགས་སོ། །དེ་བཞིན་གཤེགས་པ་ཤཱཀྱ་ཐུབ་པ་ཁྱེད་ཀྱིས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་གཟུངས་ཀྱི་རྒྱལ་པོ་འདི་གསུངས་པ་ལེགས་སོ་ལེགས་པར་གསུངས་སོ་ཞེས་མཐུན་པར་བསྔགས་པ་མཛད་མ་ཐག་ཏུ་ས་ཆེན་པོ་
D508.088.0015b06.01འདི་རྣམ་པ་དྲུག་ཏུ་གཡོས་སོ། །ལྷས་མེ་ཏོག་སྣ་ཚོགས་ཀྱི་ཆར་ཕབས་སོ། །དེ་བཞིན་དུ་བྱུག་པ་དང་ཕྱེ་མ་ཕུར་མ་དང་། ན་བཟའ་དང་ནོར་བུ་རིན་པོ་ཆེའི་རྒྱན་སྣ་ཚོགས་དང་། དབུ་རྒྱན་དང་ཕྱག་གདུབ་དང་དོ་ཤལ་དང་སྐ་རགས་ལ་སོགས་པ་བསྣམས་ནས་མཆོད་ཅིང་སྙན་ཅིང་འཇེབས་པའི་གླུ་ལེན། རོལ་མོ་
D508.088.0015b07.01