完整藏文原文 · 德格版页 当前仅加载第 88 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
ཨ་སུ་རིའི་སྐྱེད་མོས་ཚལ་དེ་རྫུ་འཕྲུལ་གྱི་འོད་ཟེར་མེའི་ཕུང་པོས་བསྲེག་ཀུན་ཏུ་རབ་ཏུ་སྲེག་གོ། །དེར་གནས་པའི་སྲིན་པོའི་བུ་མོ་འཁོར་ཁྲི་ཕྲག་མང་པོ་དང་བཅས་ཚོམ་བུ་ཚོམ་བུར་ཕྲལ་ནས་ཕྱོགས་བཞིར་འཐོར་ཞིང་རྒྱུག་གོ། །སྐད་ཆེན་པོས་ངུ་ཞིང་ཆོ་ངེ་འདེབས། ཀྱེ་མ་ཀྱི་ཧུད་བདག་ཅག་རྣམས་
D508.088.0012b01.01སུ་ལ་སྐྱབས་སུ་འགྲོ། སུ་ཞིག་གིས་སྡུག་བསྔལ་འདི་ལས་སྐྱོབ་ནུས་ཟེར་ཞིང་འོ་དོད་འབོད་དེ་ངུ་བར་གྱུར་ཏོ། །དེ་ནས་བར་སྣང་ན་གནས་པའི་ལྷ་རྣམས་ཀྱིས་དེ་དག་ལ་འདི་སྐད་ཅེས་སྨྲས་སོ། །ཁྱོད་རྣམས་དེ་བཞིན་གཤེགས་པ་འོད་ཟེར་དམ་པའི་རྒྱལ་མཚན་གྱི་དྲུང་དུ་སོང་ལ་ཕྱག་འཚལ་
D508.088.0012b02.01ཞིང་སྐྱབས་སུ་སོང་ན་སྡུག་བསྔལ་འདི་ལས་ཐར་བར་གྱུར་ཏེ་བདེ་བ་དང་ཡིད་བདེ་བ་འཐོབ་པར་འགྱུར་རོ་ཞེས་སྨྲས་སོ། །དེ་ནས་ལྷ་མིན་མཛེས་མ་འཁོར་ཁྲི་ཕྲག་མང་པོ་དང་བཅས་རིངས་པ་རིངས་པར་པ་ཐ་རིའི་གྲོང་ཁྱེར་གྱི་སྤྲུལ་བའི་དཀྱིལ་འཁོར་ག་ལ་བ་དེར་ཕྱིན་ནས་བཅོམ་ལྡན་འདས་འོད་
D508.088.0012b03.01ཟེར་དམ་པའི་རྒྱལ་མཚན་གྱི་ཞབས་ལ་མགོ་བོས་ཕྱག་འཚལ་ཞིང་། བཅོམ་ལྡན་འདས་བདག་ཅག་རྣམས་བསྐྱབ་ཏུ་གསོལ། འཇིག་རྟེན་མགོན་པོ་བསྐྱབ་ཏུ་གསོལ། བདེ་བར་གཤེགས་པ་བསྐྱབ་ཏུ་གསོལ། དེང་ཕྱིན་ཆད་བདག་ཅག་གིས་སེམས་ཅན་ལ་གནོད་པ་མི་བགྱིད་དོ། །
D508.088.0012b04.01སེམས་ཅན་ལ་འཚེ་བར་མི་བགྱིད་དོ་ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་ཅང་མི་གསུང་བར་དགོངས་པས་ཞལ་གྱིས་བཞེས་ནས། བྱང་ཆུབ་སྙིང་པོའི་རྒྱན་འབུམ་རྣམ་པར་རོལ་པའི་རྫུ་འཕྲུལ་གྱི་བྱིན་རླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་ལངས་ཏེ་
D508.088.0012b05.01བྱང་ཆུབ་སྙིང་པོའི་རྒྱན་འབུམ་གྱི་གཟུངས་གསུངས་སོ། །དེའི་ཚེ་ཏིང་ངེ་འཛིན་གྱི་སྟོབས་དང་གཟུངས་སྔགས་ཀྱི་མཐུས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དང་དེ་ན་བཞུགས་པའི་སངས་རྒྱས་ཐམས་ཅད་ལྷམ་མེ་ལྷམ་མེར་མངོན་སུམ་དུ་སྣང་བར་གྱུར་ཏོ། །སངས་རྒྱས་དེ་དག་
D508.088.0012b06.01ཐམས་ཅད་ཀྱིས་རང་རང་གི་འཁོར་རྣམས་ལ་ཆོས་སྟོན་པ་ཡང་ལྷང་ལྷང་ཐོས་པར་གྱུར་ཏོ། །དེ་བཞིན་གཤེགས་པ་དེ་དག་ཐམས་ཅད་ཀྱིས་བཅོམ་ལྡན་འདས་འོད་ཟེར་དམ་པའི་རྒྱལ་མཚན་གྱིས་བྱང་ཆུབ་སྙིང་པོའི་རྒྱན་འབུམ་གྱི་གཟུངས་གསུངས་པ་ལ་རྗེས་སུ་ཡི་རངས་ནས་སོ་སོའི་ཞིང་ན་བཞུགས་
D508.088.0012b07.01