完整藏文原文 · 德格版页 当前仅加载第 88 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
མང་དུ་ཐོས་པ། ཤེས་རབ་ཆེ་བ། དབང་པོ་རྣོ་བ། རྣམ་དཔྱོད་ཡངས་པ། དགེ་བའི་ཆོས་ལ་དགའ་བ། དད་པ་བརྟན་པ། དཀོན་མཆོག་གསུམ་ལ་སྐྱབས་སུ་སོང་བའི་དགེ་བསྙེན་ཐམས་ཅད་ཀྱི་ཁྱུ་མཆོག་ཏུ་གྱུར་པ་ལ་བུ་མེད་པ་ཞིག་ཡོད་དོ། །ལན་ཅིག་བྲམ་ཟེ་ཆེན་པོ་དེས་འདི་སྙམ་
D508.088.0008b01.01དུ་སེམས་པར་གྱུར་ཏེ། བདག་ལོངས་སྤྱོད་འདི་ཙམ་ཆེ་ཞིང་རིགས་འདི་ལྟར་བཙུན་པ་ལ་བུ་མེད་པ་ཅི་ལྟར་རུང་། བྲམ་ཟེའི་རིགས་ཤིང་སྦལ་ཆེན་པོ་ལྟ་བུ་འདི་རྒྱུན་ཆད་ན་ཅི་ལྟར་རུང་། བདག་གསོན་ཀྱང་དོན་རེ་ཆུང་ངོ་སྙམ་དུ་བསམ་ཞིང་ཉིན་མཚན་མང་པོར་སྡུག་བསྔལ་བར་གྱུར་ཏོ། །ཡང་ལན་
D508.088.0008b02.01ཅིག་འདི་ལྟར་སེམས་པར་གྱུར་ཏེ། ལྷ་དང་མིའི་སྟོན་པ་སངས་རྒྱས་བཅོམ་ལྡན་འདས་ནི་བདག་གི་ཕ་ཡིན་ནོ། །བདག་ནི་སངས་རྒྱས་ཀྱི་བུ་ཡིན་ནོ། །ཡང་དག་པ་དམ་པའི་ཆོས་ནི་བདག་གི་མ་ཡིན་ནོ། །འཕགས་པའི་དགེ་འདུན་གྱི་ཚོགས་ནི་བདག་གི་ཕུ་ནུ་ཡིན་ནོ། །སྐྱེ་བ་འདིར་སྟེས་
D508.088.0008b03.01བཟང་པོས་བཀྲ་ཤིས་པའི་དཔལ་གྱི་འབྱོར་པ་འདི་ལྟ་བུ་རྙེད་ན། སྐྱེ་བ་ཕྱི་མར་ཡང་དོན་ལྡན་དུ་བྱ་བར་བྱེད་པའི་ཕྱིར། ཆོས་གང་གཅིག་ལ་བསླབས་པས་དཀར་པོའི་ཆོས་ཀྱི་དགེ་བའི་རྩ་བ་ཐམས་ཅད་འདུས་ཤིང་ཚེགས་ཆུང་ངུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོ་བར་བྱ་སྟེ།
D508.088.0008b04.01དཀོན་མཆོག་གསུམ་གྱི་གདུང་ཡུན་རིང་དུ་རྒྱུན་མི་འཆད་པར་གྱུར་པ་དང་། དགེ་བའི་ལས་གང་གི་རྒྱུ་རྐྱེན་ལ་བརྟེན་ནས་བུ་ཚ་རིགས་རྒྱུད་འཕེལ་བར་བྱེད་པའི་ཐབས་ཅིའི་ཕྱིར་བདག་གིས་བཅོམ་ལྡན་འདས་ལ་མི་ཞུ། ད་ནི་བཅོམ་ལྡན་འདས་ལ་ཞུའོ་སྙམ་དུ་བསམས་སོ། །དེ་ནས་བྲམ་ཟེ་ཆེན་པོ་
D508.088.0008b05.01བི་ཎུ་དཏྟ་དེས་བཅོམ་ལྡན་འདས་ཀྱི་སྤྱན་སྔར་དོང་ནས། བཅོམ་ལྡན་འདས་ལ་ཕྱག་འཚལ་ཞིང་ལན་གསུམ་བསྐོར་བ་བྱས་ཏེ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྟོན་པ་བཅོམ་ལྡན་འདས་ཆོས་གང་གཅིག་ལ་བསླབས་ན་དཀར་པོའི་ཆོས་ཀྱི་དགེ་བའི་རྩ་བ་
D508.088.0008b06.01ཐམས་ཅད་འདུས་པར་གྱུར་ཅིང་ཚེགས་ཆུང་ངུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་པར་འགྱུར་བ་དང་། དཀོན་མཆོག་གསུམ་གྱི་གདུང་རྒྱུན་མི་འཆད་པར་འགྱུར་བ་དང་། བུ་ཚ་རིགས་རྒྱུད་འཕེལ་བར་འགྱུར་བའི་ཐབས་ཤིག་བཅོམ་ལྡན་འདས་ཀྱིས་བསྟན་དུ་གསོལ། དེ་སྐད་ཅེས་
D508.088.0008b07.01