完整藏文原文 · 德格版页 当前仅加载第 88 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དེས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་ཁྱེད་ཅག་གི་བསྟི་གནས་ལ་གཤེགས་པའི་ལྟས་སུ་རྫུ་འཕྲུལ་འདི་བསྟན་པ་ཡིན་ནོ། །བདག་ཅག་སོ་སོའི་གནས་སུ་ལོག་ལ་རང་རང་གི་ནུས་ཚད་ལ་དཔག་པའི་ཞལ་ཟས་བཟང་པོའི་བྱེ་བྲག་མང་པོ་བཤམས་ཏེ་
D508.088.0011a01.01སང་ཉིན་དེ་བཞིན་གཤེགས་པ་དེ་ལ་གདུགས་ཚོད་འབུལ་ཞིང་མཆོད་པ་དང་བསྙེན་བཀུར་བྱའོ། །དེ་ནས་སྐྱེ་བོ་དེ་དག་ཐམས་ཅད་རིངས་པ་རིངས་པར་རང་རང་གི་ཁྱིམ་དུ་སོང་ནས་མཚན་མོའི་རིང་དེ་ལ་དྲི་ཞིམ་ལ་རོ་བདའ་བའི་ཞལ་ཟས་བཟའ་བཏུང་སྣ་ཚོགས་སྦྱར་ཞིང་དྲི་ཞིམ་པོའི་མེ་ཏོག་དང་། དྲིའི་བྱུག་པ་
D508.088.0011a02.01དང་བདུག་སྤོས་དང་ཕྱེ་མ་ཕུར་མ་དང་གདུགས་དང་རྒྱལ་མཚན་དང་བ་དན་ལ་སོགས་པ་དང་། རོལ་མོ་ཕེག་རྡོབ་པའི་བྱེ་བྲག་མང་པོ་བཤམས་ནས་ལམ་རྣམས་སུ་ཉེ་བར་ལྷགས་ཏེ་དེ་བཞིན་གཤེགས་པ་བསྒུགས་སོ། །དེའི་ཚེ་བཅོམ་ལྡན་འདས་འོད་ཟེར་དམ་པའི་རྒྱལ་མཚན་དེས་ལྔ་ལེན་གྱི་ལྗོངས་སུ་འཁོར་
D508.088.0011a03.01མང་པོ་ལེ་ཆོས་སྟོན་ཅིང་བཞུགས་པའི་སྐབས་ཤིག་གློ་བུར་དུ་རིན་པོ་ཆེ་སྣ་བདུན་གྱིས་སྤུད་པའི་བུམ་པ་སོ་ཤིང་དང་བཅས་པ་ཅིག་བཅོམ་ལྡན་འདས་ཀྱི་སྤྱན་སྔར་བྱུང་བར་གྱུར་ཏོ། །དེ་ནས་བཅོམ་ལྡན་འདས་འོད་ཟེར་དམ་པའི་རྒྱལ་མཚན་གྱིས་བུམ་པ་སོ་ཤིང་དང་བཅས་པ་གཟིགས་ནས་འཛུམ་པ་མཛད་དོ། །ཞལ་
D508.088.0011a04.01འཛུམ་པ་མཛད་ནས་ཀྱང་རྩིབས་སྟོང་འཁོར་ལོས་མཚན་པའི་ཕྱག་གསེར་གྱི་མདོག་ཅན་བརྐྱང་སྟེ་བུམ་པ་སོ་ཤིང་དང་བཅས་པ་ཕྱག་ཏུ་བཞེས་ལ་ཅང་མི་གསུང་བར་བཞུགས་སོ། །དེའི་ཚེ་འཁོར་འདུས་པ་ཐམས་ཅད་ཀྱིས་ངོ་མཚར་དུ་གྱུར་ནས། ཨེ་མ་བཀྲ་ཤིས་པའི་མཚན་མ་འདི་ལྟ་བུ་ཕྱོགས་གང་ནས་བྱུང་།
D508.088.0011a05.01ཡུལ་ཕྱོགས་གང་ཞིག་ཏུ་བཅོམ་ལྡན་འདས་གདན་འདྲེན་པའི་མཚན་མ་ཞིག་ཡིན་སྙམ་ཟེར་ཏོ། །དེའི་ཚེ་འཁོར་གྱི་ནང་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་དག་དམ་པའི་བློ་གྲོས་ཞེས་བྱ་བ་ཞིག་འདུས་པར་གྱུར་ཏེ་སྟན་ལས་ལངས་ནས་བཅོམ་ལྡན་འདས་ཀྱི་ཐད་དུ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་
D508.088.0011a06.01ཕྱག་འཚལ་ཞིང་གཡས་སྐོར་དུ་ལན་གསུམ་བསྐོར་བ་བྱས་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཀྲ་ཤིས་པའི་མཚན་མ་འདི་ཕྱོགས་གང་ནས་བྱུང་། བུམ་པ་སོ་ཤིང་དང་བཅས་པའི་རྒྱུ་མཚན་ཅི་ལགས། བཅོམ་ལྡན་འདས་ཀྱིས་བཤད་དུ་གསོལ་ཞེས་གསོལ་པ་
D508.088.0011a07.01