完整藏文原文 · 德格版页 当前仅加载第 88 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པས་བསྐལ་བའམ། བསྐལ་བ་ལས་ལྷག་གམ། བསྐལ་པ་སྟོང་དུ་བཞུགས་ཏེ་གསུངས་ཀྱང་། རྟོག་པའི་རྒྱལ་པོ་བྱང་ཆུབ་སྙིང་པོའི་རྒྱན་འབུམ་གྱི་གཟུངས་ཀྱི་ཕན་ཡོན་བསོད་ནམས་ཀྱི་ཕུང་པོའི་ཚད་ནི་དཔེའི་སྒོ་ནས་ཀྱང་རྫོགས་པར་བསྟན་པར་མི་ནུས་
D508.088.0017a01.01སོ། །ཕྱག་ན་རྡོ་རྗེ་རྟོག་པའི་རྒྱལ་པོ་བྱང་ཆུབ་སྙིང་པོའི་རྒྱན་འབུམ་ཞེས་བྱ་བའི་གཟུངས་འདི་ནི་དེ་ལྟ་བུའི་ཡོན་ཏན་ཕུན་སུམ་ཚོགས་པ་དང་ལྡན་པའོ། །གང་ཞིག་གཟུངས་འདི་འཆང་བ་དང་ཀློག་པ་དང་། ཀུན་ཆུབ་པར་བྱད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་བསྟན་པ་དང་། ཚུལ་
D508.088.0017a02.01བཞིན་ཡིད་ལ་བྱེད་པ་ལྟ་ཞོག །གླེགས་བམ་ལ་བྲིས་ཏེ་མཆོད་པ་བཀུར་སྟི་ཙམ་བྱེད་པའི་སྐྱེ་བོས་ཀྱང་ཚད་མེད་གྲངས་མེད་དཔག་གིས་མི་ལངས་པའི་བསོད་ནམས་ཀྱི་ཕུང་པོ་ཟད་མི་ཤེས་པ་འཐོབ་པར་འགྱུར་རོ། །དེ་ནས་འཁོར་དེར་འདུས་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་
D508.088.0017a03.01ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐམས་ཅད་འཇམ་དཔལ་གཞོན་ནུར་གྱུར་པའི་ཚིག་དེ་ཐོས་ནས་མ་ལུས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་ས་ལ་གནས་པར་གྱུར་ཏོ། །ལ་ལས་ནི་བླ་ན་མེད་པ་
D508.088.0017a04.01ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོབ་པར་གྱུར་ཏོ། །དེ་ནས་ཐམས་ཅད་ཀྱིས་མགྲིན་གཅིག་ཏུ་ཨ་ལ་ལ་ལེགས་པར་བཤད་དོ་ཞེས་བསྔགས་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ་སྐྱབས་སུ་
D508.088.0017a05.01མཆིའོ། །ངོ་མཚར་རྨད་དུ་བྱུང་བའི་རྫུ་འཕྲུལ་ལ་དབང་བསྒྱུར་བ་སངས་རྒྱས་བཅོམ་ལྡན་འདས་ལ་ཕྱག་འཚལ་ལོ་སྐྱབས་སུ་མཆིའོ། །བསམ་གྱིས་མི་ཁྱབ་པའི་མཛད་པ་དང་ཕྲིན་ལས་ཀྱི་བདག་ཉིད་སངས་རྒྱས་བཅོམ་ལྡན་འདས་ལ་ཕྱག་འཚལ་ལོ་སྐྱབས་སུ་མཆིའོ་ཞེས་ཆེད་དུ་བརྗོད་དོ། །དེ་
D508.088.0017a06.01ནས་གསང་བའི་བདག་པོ་ཕྱག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཇི་ལྟ་བུར་བྱང་ཆུབ་རྒྱན་འབུམ་གྱི་གཟུངས་འདི་ལ་བརྟེན་ནས་དགེ་བའི་རྩ་བ་ཐམས་ཅད་བསྐྲུན་པ་དང་བསྐྱེད་པར་མཛད། འཇམ་དཔལ་གྱིས་སྨྲས་པ། ཕྱག་ན་རྡོ་རྗེ་
D508.088.0017a07.01