完整藏文原文 · 德格版页 当前仅加载第 88 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
ཁེབས་ཅིང་རིན་པོ་ཆེའི་ཕྱང་འཕྲུལ་དང་། གསེར་གྱི་དྲིལ་བུ་དང་དྲིལ་བུའི་གཡེར་ཁ་ལས་སྙན་པའི་སྒྲ་སྐད་སྣ་ཚོགས་བྱུང་བའོ། །དེའི་ཚེ་བར་སྣང་ནས་ལྷའི་བུ་བྱེ་བ་ཁྲག་ཁྲིག་བརྒྱ་སྟོང་དུ་མས་ལག་ན་མཆོད་པའི་ཡོ་བྱད་སྣ་ཚོགས་ཐོགས་པ་བབས་ཏེ། རིན་པོ་ཆེའི་མཆོད་རྟེན་དེ་ལ་
D508.088.0015a01.01མཆོད་པ་དང་ཕྱག་དང་བསྐོར་བ་བྱེད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་མཆོད་རྟེན་དེའི་སྒོ་ཕྱེད་པར་བསྒོས་སོ། །སྒོ་ཕྱེད་པར་བསྒོས་པ་དང་བྱང་ཆུབ་སེམས་དཔའ་ཕྱག་ན་རྡོ་རྗེ་སྐུ་ལས་ཡེ་ཤེས་ཀྱི་མེའི་ཕུང་པོ་རབ་ཏུ་འབར་བ། རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། ལག་
D508.088.0015a02.01ན་རྡོ་རྗེ་གསོར་ཞིང་ཞལ་ཁྲོ་གཉེར་བསྡུས་པའི་ཉམས་ཅན། འཇིགས་སུ་རུང་བའི་དཔའ་བྱད་དང་ལྡན་པ་དེས་རིན་པོ་ཆེའི་མཆོད་རྟེན་དེའི་དྲུང་དུ་སོང་ནས་ཕྱག་གཡས་པ་བརྐྱང་སྟེ་མཆོད་རྟེན་དེའི་སྒོ་འཕར་རབ་ཏུ་ཕྱེའོ། །ཕྱེད་པ་དང་དེའི་ནང་ན་ཛམྦུ་ཆུ་བོའི་གསེར་ལས་གྲུབ་པའི་སེང་གེའི་ཁྲི་རིན་པོ་ཆེ་སྣ་
D508.088.0015a03.01བདུན་གྱིས་སྤ་བ་ལྷ་རྫས་ཀྱི་གོས་སྣ་ཚོགས་ཀྱིས་ཁེབས་དང་ལྡན་པའི་སྟན་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤིན་ཏུ་རྒྱས་པའི་གསེར་ཞལ་མཆོག་ཏུ་དཔའ་བའི་འོད་ཟེར་རྒྱལ་མཚན་གྱི་ཏོག་ཅེས་བྱ་བ་བསམ་གཏན་ལ་སྙོམས་པར་ཞུགས་བཞིན་པ་
D508.088.0015a04.01སྣང་བར་གྱུར་ཏོ། །དེ་ནས་སངས་རྒྱས་ཤིན་ཏུ་རྒྱས་པའི་གསེར་ཞལ་མཆོག་ཏུ་དཔའ་བའི་འོད་ཟེར་རྒྱལ་མཚན་གྱི་ཏོག་དེས་འདི་སྐད་ཅེས་བསྔགས་པ་མཛད་དོ། །བཅོམ་ལྡན་འདས་ཤཱཀྱ་ཐུབ་པ་ལེགས་སོ་ལེགས་སོ། །དེ་བཞིན་གཤེགས་པ་ཤཱཀྱ་ཐུབ་པ་ཁྱེད་ཀྱིས་འདི་ལྟ་བུའི་ངོ་མཚར་ཆེ་བའི་རྫུ་འཕྲུལ་
D508.088.0015a05.01བསྟན་ཅིང་དེ་བཞིན་གཤེགས་པ་ཐམས་ཅད་འདུས་པ་དང་སྤྲོས་པར་མཛད་ཅིང་། དོན་དམ་པར་ཆོས་ཐམས་ཅད་འདུ་འབྲལ་ཡོང་ཡེ་མི་མངའ་བཞིན་འཇིག་རྟེན་འདི་ན་རྫུ་འཕྲུལ་ངོ་མཚར་འདི་ལྟ་བུ་བསྟན་པ་འདི་ནི། སྔོན་གྱི་སངས་རྒྱས་རྣམས་ལ་ཡང་མ་བྱུང་ངོ་། །ད་ལྟ་བཅོམ་ལྡན་འདས་ཤཱཀྱ་ཐུབ་པ་ཁྱེད་
D508.088.0015a06.01ཀྱིས་རྟོག་པའི་རྒྱལ་པོ་བྱང་ཆུབ་སྙིང་པོའི་རྒྱན་འབུམ་གྱི་གཟུངས་བཤད་དུ་གསོལ། བཅོམ་ལྡན་འདས་ཁྱེད་ཀྱིས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་རྗེས་སུ་བརྩེ་བས་དེ་བཞིན་གཤེགས་པ་ཐམས་ཅད་ཀྱི་སྐུ་མངོན་སུམ་དུ་སྣང་བའི་རྣམ་པར་རོལ་པའི་རྫུ་འཕྲུལ་བསྟན་པ་དང་ངའི་མཆོད་རྟེན་ས་
D508.088.0015a07.01