完整藏文原文 · 德格版页 当前仅加载第 88 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་ཕྱུག་པའི་ཚོགས་ཐམས་ཅད་དང་ཐབས་ཅིག་གོ། །དེ་ལ་འདུས་པའི་ཚོགས་དེར་གང་ཟག་འགའ་ཞིག་ལྟ་བ་ལོག་པས་བསླད་དེ་ལམ་གོལ་བ་དང་ཐེ་ཚོམ་གྱི་དྲ་བར་ཆུད་པ་རྣམས་བཅོམ་ལྡན་འདས་ཀྱིས་ཐུགས་བརྩེ་བ་ཆེན་པོས་གང་ཇི་ལྟ་ཇི་སྙེད་ཞུས་པའི་དོན་
D508.088.0008a01.01ལེགས་པར་རབ་ཏུ་སྟོན་ཅིང་ཐེ་ཙོམ་མ་ལུས་པ་བསལ་བར་མཛད་དོ། །གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པའི་ཚོགས་ཀྱིས་མདུན་ནས་བལྟས་
D508.088.0008a02.01ཤིང་ཡོངས་སུ་བསྐོར་ཏེ། ལྷའི་དབང་པོ་བརྒྱ་བྱིན་གྱིས་སུམ་ཅུ་རྩ་གསུམ་པའི་ལྷའི་བུའི་འཁོར་མང་པོ་དང་བཅས་བཅོམ་ལྡན་འདས་ཀྱི་དྲུང་དུ་ཉེ་བར་ལྷགས་སོ། །དེ་བཞིན་དུ་མི་མཇེད་ཀྱི་བདག་པོ་ཚངས་པ་ཚངས་རིས་ཀྱི་ལྷའི་བུ་མང་པོའི་འཁོར་དང་བཅས་པ་དང་། ལྷའི་བུ་ཉི་མ་
D508.088.0008a03.01དང་། ལྷའི་བུ་ཟླ་བ་དང་། ལྷའི་བུ་སྟོབས་བཟང་དང་། གནོད་སྦྱིན་ནོར་བུ་བཟང་པོ་དང་། གང་བ་བཟང་པོ་ལ་སོགས་པ་གནོད་སྦྱིན་གྱི་སྡེ་དཔོན་ཆེན་པོ་རྣམས་དང་། དབང་ཕྱུག་དང་། ཁྱབ་འཇུག་དང་། གཤིན་རྗེ་དང་། ཆུ་ལྷ་དང་། ལུས་ངན་དང་། རྒྱལ་པོ་ཆེན་པོ་
D508.088.0008a04.01བཞི་དང་། དཔལ་གྱི་ལྷ་མོ་དང་། དབྱངས་ཅན་མ་དང་། འཕྲོག་མ་དང་། དུང་སྐྱོང་མ་དང་། མེ་ཏོག་སོ་མ་དང་། འཕྲོག་མའི་བུ་ལྔ་བརྒྱ་རྣམས་ཀྱང་རང་རང་གི་འཁོར་དང་བཅས་པ་དང་། ཀླུའི་རྒྱལ་པོ་རྒྱ་མཚོ་དང་། ཀླུའི་རྒྱལ་པོ་དགའ་བོ་དང་། ཀླུའི་རྒྱལ་པོ་ཉེ་དགའ་ལ་
D508.088.0008a05.01སོགས་པའི་ཀླུའི་རྒྱལ་པོ་ཆེན་པོ་རྣམས་སོ་སོའི་ཀླུའི་རིགས་ཀྱི་འཁོར་བྱེ་བ་ཁྲག་ཁྲིག་བརྒྱ་སྟོང་རབ་ཏུ་མང་པོས་བསྐོར་བ་དང་། མིའམ་ཅིའི་རྒྱལ་པོ་དང་། ལྟོ་འཕྱེ་ཆེན་པོའི་རྒྱལ་པོ་རྣམས་ཀྱང་རང་རང་གི་འཁོར་གྲངས་སུ་མེད་པས་ཡོངས་སུ་བསྐོར་ཞིང་བཅོམ་ལྡན་འདས་ཀྱི་དྲུང་དུ་ལྷགས་ཏེ། ཕྱག་
D508.088.0008a06.01འཚལ་བ་དང་། མཆོད་པ་དང་། བཀུར་སྟི་དང་། རིམ་གྲོ་བྱེད་ཅིང་ཆོས་མཉན་ཏོ། །དེའི་ཚེ་དེའི་དུས་ན་པ་ཐ་རིའི་གྲོང་ཁྱེར་ན་གནས་པའི་བྲམ་ཟེ་ཆེན་པོ་བི་ཎུ་དཏྟ་ཞེས་བྱ་བ་ཕྱུག་པ་དབྱིག་ནོར་སྣ་ཚོགས་ཕུན་སུམ་ཚོགས་པ་དང་ལྡན་པ། ལོངས་སྤྱོད་རྣམ་ཐོས་ཀྱི་བུ་དང་འགྲན་བཟོད་པ།
D508.088.0008a07.01