完整藏文原文 · 德格版页 当前仅加载第 88 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
བོ་ཐམས་ཅད་རབ་ཏུ་དགའ་ཞིང་མགུ་ནས། རང་རང་གི་ལེགས་པར་བཤམས་པའི་མཆོད་པ་སྣ་ཚོགས་ཀྱིས་བཅོམ་ལྡན་འདས་དང་། འཁོར་བྱང་ཆུབ་སེམས་དཔའ་ཉན་ཐོས་ཀྱི་ཚོགས་དང་བཅས་པ་དང་། ལྷ་ཀླུ་སྡེ་བརྒྱད་ཀྱི་ཚོགས་ཐམས་ཅད་ལ་མཆོད་
D508.088.0012a01.01པ་བྱེད་དོ། །གདུགས་ཚོད་ཀྱི་དུས་ལ་བབས་པ་ན། ཁ་དོག་དྲི་རོ་ཕུན་སུམ་ཚོགས་པའི་ཞལ་ཟས་སྣ་ཚོགས་འབུལ་ཞིང་བྲིམ་སྟེ། ཅི་བདེ་བར་ཚིམ་པར་བྱས་སོ། །བཅོམ་ལྡན་འདས་འཁོར་དང་བཅས་པས་གདུགས་ཚོད་ལེགས་པར་བཞེས་ནས་བཀྲུ་བཤལ་མཛད་དེ། སྤྱོད་ལམ་དག་
D508.088.0012a02.01པར་མཛད་ལ་འཁོར་རྣམས་ཀྱིས་བཅོམ་ལྡན་འདས་ལ་བསྐོར་བ་ལན་གསུམ་བྱས་ནས་གྲལ་སྟན་ལ་{གོ་རིམས་,གོ་རིམ་}འཚམ་པར་འཁོད་དོ། །དེ་ནས་པ་ཐ་རིའི་གྲོང་ཁྱེར་གྱི་སྐྱེ་བོ་དེ་དག་ཐམས་ཅད་སླར་ཡང་བཅོམ་ལྡན་འདས་ལ་ཕྱག་དང་བསྐོར་བ་བྱས་ནས་དོན་གྱི་རྒྱུ་ལས་བརྩམས་ཏེ། སྔ་མའི་
D508.088.0012a03.01གནས་ཚུལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསན་དུ་གསོལ། གྲོང་ཁྱེར་འདིའི་ཤར་སྒོའི་ཕྱི་རོལ་ན་ཨ་སུ་རི་ཞེས་བྱ་བའི་སྐྱེད་ཚལ་ཞིག་ཡོད་དོ། །གྲོང་ཁྱེར་དེའི་ནང་ན་སྲིན་པོའི་བུ་མོ་ལྷ་མིན་མཛེས་མ་ཞེས་བྱ་བ་རང་བཞིན་ངན་པ་གདུག་རྩུབ་ཆེ་བ་ཁྲོ་ཞིང་གཏུམ་པ་གཅིག་
D508.088.0012a04.01གནས་ཏེ། རྒྱུན་པར་ཁྱེའུ་བུ་མོ་རྣམས་ཀྱི་མདངས་དང་གཟི་བརྗིད་འཕྲོག་ཅིང་སྲོག་ཀྱང་འཕྲོག་པར་བྱེད་པས་བདག་ཅག་རྣམས་ཉིན་མཚན་མེད་པར་འཇིགས་པས་ཉེན་ཏེ་སྡུག་བསྔལ་ཞིང་བདེ་བའི་གོ་སྐབས་ཅུང་ཟད་ཀྱང་མི་ཐོབ་བོ། །བཅོམ་ལྡན་འདས་ཀྱིས་ཐུགས་བརྩེ་བ་ཆེན་
D508.088.0012a05.01པོས་དགོངས་ལ་སྡུག་བསྔལ་འདི་བསལ་བའི་ཐབས་བསྟན་དུ་གསོལ། བདེ་བར་གཤེགས་པས་བསྟན་དུ་གསོལ་ཞེས་གསོལ་བ་བཏབ་བོ། །དེ་ལྟར་གསོལ་བ་བཏབ་པས་དེ་བཞིན་གཤེགས་པ་འོད་ཟེར་དམ་པའི་རྒྱལ་མཚན་དེས། སྐྱེ་བོའི་ཚོགས་དེ་དག་ལ་བརྩེ་བའི་དགོངས་པས་ཞལ་
D508.088.0012a06.01གྱིས་བཞེས་ཏེ་ཅང་མི་གསུང་བར་གནང་ནས་ཞལ་འཛུམ་པ་མཛད་དོ། །འཛུམ་པ་མཛད་པས་ཞལ་གྱི་སྒོ་ནས་འོད་ཟེར་ཁ་དོག་བརྒྱ་སྟོང་དུ་འཕྲོས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཡོངས་སུ་ཁེངས་པས་སེམས་ཅན་ཐམས་ཅད་དབུགས་ཕྱུང་བར་མཛད་ཅིང་ཁྱད་པར་
D508.088.0012a07.01