完整藏文原文 · 德格版页 当前仅加载第 88 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུ་རྣམས་རིན་པོ་ཆེ་སྣ་བདུན་ལས་གྲུབ་པ་ཡིད་དུ་འོང་བའི་ལྷའི་ཤིང་ཤ་སྟག་གི་ཚལ་ཆེན་པོས་ཕྱོགས་མཚམས་བརྒྱན་པར་གྱུར་ཏོ། །ཛམྦུ་གླིང་གི་སེམས་ཅན་ཐམས་ཅད་ཀྱང་ལྷའི་བདེ་བ་ལ་ལོངས་སྤྱོད་པར་གྱུར་པ་ལ་སོགས་པའི་རྨད་དུ་བྱུང་བའི་རྫུ་འཕྲུལ་གྱི་རྣམ་པར་རོལ་པའི་
D508.088.0014a01.01བྱིན་རླབས་ཀྱི་སྣང་བ་འཇིག་རྟེན་འདི་ན་མངོན་སུམ་དུ་གྱུར་ཏོ། །དེའི་ཚེ་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པས་ཚུལ་དེ་དག་མཐོང་ནས་དགའ་བས་འཛུམ་པ་མཛད་ཅིང་། བཅོམ་ལྡན་འདས་ཀྱི་སྤྱན་སྔར་མཆིས་ཏེ་ཕྱག་འཚལ་ཞིང་ལན་གསུམ་བསྐོར་བ་བྱས་ནས་ཐལ་མོ་སྦྱར་བ་བཏུད་དེ་བཅོམ་
D508.088.0014a02.01ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་ཐམས་ཅད་ལ་ཕན་པ་དང་བདེ་བ་རྒྱ་ཆེན་པོ་རྒྱུན་མི་འཆད་པ་འབྱུང་བའི་ཕྱིར་རྟོག་པའི་རྒྱལ་པོ་བྱང་ཆུབ་སྙིང་པོའི་རྒྱན་འབུམ་གྱི་གཟུངས་བཤད་དུ་གསོལ། བདེ་བར་གཤེགས་པས་བཤད་དུ་གསོལ་ཞེས་གསོལ་པ་དང་། བཅོམ་ལྡན་
D508.088.0014a03.01འདས་ཀྱིས་ཅང་མི་གསུང་བར་ཞལ་གྱིས་བཞེས་ནས་སངས་རྒྱས་ཐམས་ཅད་ལ་ཉེ་བར་བལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་ཏིང་ངེ་འཛིན་དེའི་མཐུས་ཕྱོགས་བཅུའི་སངས་རྒྱས་ཐམས་ཅད་ཀྱི་ཞིང་ཁམས་མ་ལུས་པར་མངོན་སུམ་དུ་སྣང་བར་གྱུར་ཏེ།
D508.088.0014a04.01སངས་རྒྱས་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་ཐམས་ཅད་མདའ་འབེན་གཅིག་གིས་ཙམ་དུ་ཉེ་བར་གྱུར་ཏོ། །དེ་ནས་དེ་བཞིན་གཤེགས་པ་དེ་དག་ཐམས་ཅད་མགྲིན་གཅིག་དབྱངས་གཅིག་གིས་འདི་སྐད་དུ་ལེགས་སོ་ལེགས་སོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཁྱོད་
D508.088.0014a05.01ཀྱིས་རྟོག་པའི་རྒྱལ་པོ་འདི་གསུང་བར་བརྩམས་པ་ཤིན་ཏུ་ལེགས་སོ། །ལེགས་པར་གསུངས་ཤིག །རྟོག་པའི་རྒྱལ་པོ་འདི་འདས་པའི་སངས་རྒྱས་ཐམས་ཅད་ཀྱིས་གསུངས་ཞིང་བྱིན་གྱིས་བརླབས་པའོ། །ད་ལྟར་དེ་བཞིན་གཤེགས་པ་ཤཱཀྱ་ཐུབ་པ་ཁྱེད་ཀྱིས་གསུངས་པའི་དུས་ལ་བབ་བོ། །བདག་ཅག་
D508.088.0014a06.01ཐམས་ཅད་ཀྱང་རྗེས་སུ་ཡི་རང་ངོ་ཞེས་གསུངས་སོ། །དེ་ནས་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པས་ལྷུང་བཟེད་གཅིག་བསྣམས་ནས་བཅོམ་ལྡན་འདས་ཀྱིས་གསུངས་པའི་ཆོས་ཀྱི་དབྱིངས་ཐམས་ཅད་དེར་བསྡུས་ཏེ་བཅོམ་ལྡན་འདས་ལ་ཕུལ་ཏོ། །བཅོམ་ལྡན་འདས་ཀྱི་ཕྱག་
D508.088.0014a07.01