完整藏文原文 · 德格版页 当前仅加载第 65 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་འཁོར་འདིའི་ནང་ནས་གང་དག་གིས་ཐེ་ཙོམ་བསྐྱེད་པ་དེ་དག་ཀྱང་། བཅོམ་ལྡན་འདས་འདི་འདྲ་བའི་སེམས་ཅན་དམྱལ་བར་མཆི་བར་འགྱུར་རམ། བཅོམ་ལྡན་འདས་ཀྱིས་བཀའ་སྩལ་པ།
D240.065.0299a01.01ཀུན་དགའ་བོ་འདིའི་ནང་ནས་གང་དག་གིས་ཐེ་ཙོམ་བསྐྱེད་པ་དེ་དག་གིས་ཀྱང་སོ་སོར་བཤགས་ཤིང་སོ་སོར་བོར་བས་དེ་དག་གིས་མྱོང་བར་འགྱུར་བ་ཆུང་བར་འགྱུར་རོ། །ཚེ་དང་ལྡན་པ་ཀུན་དགའ་བོས་གསོལ་པ། བཅོམ་ལྡན་འདས་མྱོང་བར་འགྱུར་བ་ཇི་ཙམ་ཞིག་ཏུ་ཆུང་བར་འགྱུར། །བཅོམ་ལྡན་འདས་
D240.065.0299a02.01ཀྱིས་བཀའ་སྩལ་པ། ཀུན་དགའ་བོ་དེ་དག་འཆི་བའི་དུས་ཀྱི་ཚེ་སེམས་ཅན་དམྱལ་བའི་སྡུག་བསྔལ་མྱོང་བར་འགྱུར་རོ། །སྤུའི་ཁུང་བུ་རེ་རེ་ནས་ཀྱང་ཚོར་བ་གྲངས་མེད་དཔག་ཏུ་མེད་པ་འབྱུང་བར་འགྱུར་ཏེ། འདི་ནི་མདོར་བསྡུས་ཏེ་སྨྲས་པའོ། །དེ་ཅིའི་ཕྱིར་ཞེ་ན། ང་དང་སངས་རྒྱས་བཅོམ་ལྡན་འདས་གྲངས་
D240.065.0299a03.01མེད་པ་གཞན་དག་ལ་ཡང་ཅི་ནས་སོ་སོར་བཤགས་པའི་ཕྱིར་རོ། །ཀུན་དགའ་བོ་དེ་ལྟ་བས་ན་རིགས་ཀྱི་བུའམ། རིགས་ཀྱི་བུ་མོས་བདག་གི་ལུས་འདི་ལྟ་བུར་འགྱུར་དུ་འོང་ངོ་། །བདག་གི་ཚོར་བ་འདི་ལྟ་བུ་མྱོང་བར་འགྱུར་དུ་འོང་ངོ་ཞེས་ཆོས་ཀྱི་རྣམ་གྲངས་འདི་ལ་མོས་པ་བསྐྱེད་པར་བྱའོ། །མོས་ནས་ཀྱང་སོམ་ཉི་
D240.065.0299a04.01མེད་པ་དང་། ཐེ་ཙོམ་མེད་པར་བྱའོ། །གང་གིས་དེ་བཞིན་གཤེགས་པ་ཡོངས་སུ་མ་བཏང་བ་དང་། འདས་པ་དང་མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་པ་རྣམས་ཡོངས་སུ་མ་བཏང་བ་དང་། ཆོས་ཡོངས་སུ་མ་བཏང་བ་དང་། དགེ་འདུན་ཡོངས་སུ་མ་བཏང་བ་དང་། འདས་པ་དང་། མ་
D240.065.0299a05.01བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་ཚུལ་ཡོངས་སུ་མ་བཏང་བ་དེས་ཆོས་ཀྱི་རྣམ་གྲངས་འདི་ལ་མོས་པར་བྱ། གཟུང་བར་བྱ། ཀུན་ཆུབ་པར་བྱ། གདོན་པར་བྱ། བཅང་བར་བྱ། བཀླག་པར་བྱའོ། །དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་ཀུན་དགའ་
D240.065.0299a06.01བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་ཚེ་སངས་རྒྱས་བཅོམ་ལྡན་འདས་རྣམས་ཀྱི་ཕྱིར་མི་ལྡོག་པའི་འཁོར་ལོའི་ཆོས་བསྟན་པ་མཛད་པ་ནི། གང་གིས་དགེ་འདུན་ཡོངས་སུ་མ་བཏང་བ་ཞེས་བགྱི་བ། བཅོམ་ལྡན་འདས་ཀྱིས་ཅི་ལ་དགོངས་ཏེ་དེ་སྐད་བཀའ་སྩལ། དེ་
D240.065.0299a07.01