完整藏文原文 · 德格版页 当前仅加载第 65 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མོས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེས་པ་གང་དག་འདི་འདྲ་བའི། །མདོ་སྡེ་ལ་ནི་མོས་འགྱུར་བ། །དེ་དག་འཇིག་རྟེན་མཆོད་རྟེན་འདྲ། །མི་ཡི་མཆོག་ཏུ་འགྱུར་བ་ལགས། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་འདོད་
D240.065.0290a01.01ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གང་དག་འདི་འཛིན་དེ་དག་ནི། །ལུས་འདི་ལ་ནི་ཕྱི་ཕྱིར་ཞིང་། །འདོད་པ་མི་སྐྱེས་ཆོས་ཀུན་ལ། །ཆགས་པ་མ་མཆིས་སོམ་ཉི་བྲལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གོས་ལ་མོས་པས་བཅོམ་ལྡན་འདས་ལ་
D240.065.0290a02.01འདི་སྐད་ཅེས་གསོལ་ཏོ། །གང་དག་ཚུལ་འདིར་སོམ་ཉི་བྲལ། །སེམས་ཅན་དེ་དག་སྤོས་རྣམས་དང་། །གོས་མང་བྱེ་བ་རྣམས་དང་ནི། །མེ་ཏོག་རྣམས་ཀྱིས་རབ་ཏུ་དཀྲིས། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཁ་ཟས་གཏོང་གིས་བཅོམ་ལྡན་འདས་ལ་འདི་སྐད་
D240.065.0290a03.01ཅེས་གསོལ་ཏོ། །གང་དག་ཚུལ་འདིར་སོམ་ཉི་བྲལ། །དེ་དག་རྣམས་ལ་ལྷ་ཡི་ཟས། །རོ་བརྒྱ་ལྡན་པ་ཇི་སྙེད་མཆོག །དེ་དག་མ་ལུས་སྩལ་བར་བགྱི། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་མཐོང་ན་སྙིང་རྗེ་ལ་ཡང་དག་པར་ཞུགས་པས། བཅོམ་ལྡན་
D240.065.0290a04.01འདས་ལ་འདི་སྐད་ཅེས་གསོལ་ཏོ། །མདོ་སྡེ་བླ་ན་མེད་འདི་ལ། །བླ་ངན་གང་དག་སོམ་ཉི་འཚལ། །སེམས་ཅན་དེ་དག་སྙིང་རྗེའི་གནས། །ཕྱི་ཕྱིར་འདི་ནི་བདུད་ཀྱི་འོས། །གང་དག་འདི་འདྲའི་མདོ་སྡེ་ལ། །ཡུད་ཙམ་ཞིག་ནི་སོམ་ཉི་འཚལ། །དེ་དག་སེམས་ཅན་དམྱལ་གནས་
D240.065.0290a05.01མཆིས། །སེམས་ཅན་དམྱལ་ནའང་རབ་ཏུ་གནས། །གང་དག་ཚུལ་འདི་མི་རྟོགས་པ། །དེ་དག་སྡིག་པའི་བཤེས་གཉེན་གྲོགས། །ཟབ་མོ་འདི་ལ་མཁས་མ་ལགས། །གཏི་མུག་དྲ་བས་རབ་ཏུ་ཁེབས། །བློ་གྲོས་ངན་པས་སྐྱོན་ལྟའམ། །འཐོབ་དང་བཀུར་སྟི་ཆགས་པ་ཡིས། །
D240.065.0290a06.01གང་དག་འདི་ནི་སྤོང་བགྱིད་པ། །དེ་དག་ངང་ཚུལ་ངན་པས་འགྱུར། །གང་དག་བྱང་ཆུབ་མ་མོས་ཤིང་། །ལེ་ལོ་ཅན་ལ་བརྩོན་འགྲུས་སྤངས། །དམན་ལ་མོས་ཤིང་ཤེས་རབ་འཆལ། །དེ་དག་འདི་ལ་མོས་མི་འགྱུར། །གང་དག་འཁོར་བར་རྟག་ཏུ་དགའ། །རྟག་ཏུ་ལྟ་བའི་
D240.065.0290a07.01