完整藏文原文 · 德格版页 当前仅加载第 65 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
སྟི་བྱས། །ཆོས་ཀྱི་བཀུར་སྟི་བྱས་པ་ཡིན། །རྫོགས་པའི་སངས་རྒྱས་ཆོས་ཀྱི་སྐུ། །ཆོས་སྐྱེས་ཆོས་ཀྱི་ཏོག་ལྡན་པས། །སངས་རྒྱས་རྣམས་ལ་བཀུར་སྟི་འདི། །དེས་ན་སངས་རྒྱས་བཀུར་སྟི་བྱས། །གང་གིས་བསྐལ་པ་བརྒྱ་ཚང་བར། །གོས་ལ་སོགས་
D240.065.0292a01.01པས་དེ་བཞིན་གཤེགས། །སངས་རྒྱས་རྣམས་ལ་མཆོད་བྱེད་པ། །དེ་དག་དེས་ནི་བཀུར་བྱས་མིན། །ཚུལ་འདི་འཛིན་པར་བྱེད་ན་ནི། །དེ་ལྟས་སངས་རྒྱས་བཀུར་བར་འགྱུར། །འདི་ནི་བཀུར་སྟི་རྣམས་ཀྱི་མཆོག །གོས་མང་བྱིན་པ་དེ་ལྟར་མིན། །གང་གིས་བསྐལ་པ་
D240.065.0292a02.01བརྒྱ་ཚང་བར། །འཇིག་རྟེན་མགོན་པོ་སངས་རྒྱས་ལ། །སྤོས་དང་མེ་ཏོག་གཏོར་བྱེད་པ། །དེ་དག་དེས་ནི་བཀུར་བྱས་མིན། །གང་ཞིག་ཚུལ་མཆོག་ཟབ་མོ་ཡི། །མདོ་སྡེ་འདི་ནི་འཛིན་བྱེད་པ། །འདི་ནི་འཇིག་མགོན་སྐྱོབ་རྣམས་ལ། །བཀུར་སྟི་བྱེད་པ་དམ་པ་ཡིན། །
D240.065.0292a03.01གང་གིས་འཇིག་རྟེན་མགོན་པོ་ཡི། །མཆོད་རྟེན་རིན་ཆེན་རྒྱུ་ལས་བསྒྲུབས། །རི་རབ་འདྲ་བ་བྱས་ཀྱང་ནི། །དེས་ནི་སངས་རྒྱས་བཀུར་བྱས་མིན། །གང་ཞིག་མདོ་སྡེ་འདི་འཛིན་ཅིང་། །འཛིན་པར་ཡང་ནི་མི་བལྟ་ན། །དེ་ནི་བསྙེན་བཀུར་མཆོག་ཡིན་ཏེ། །མཆོད་པ་ཀུན་
D240.065.0292a04.01གྱི་ནང་ན་མཆོག །གང་ཟག་གང་ཞིག་བསྐལ་པ་བརྒྱ། །ཚང་བར་ཚུལ་ཁྲིམས་སྲུང་བྱེད་ལ། །མདོ་སྡེ་འདི་ནི་མི་འཛིན་ན། །ཚུལ་ཁྲིམས་དེ་ནི་མཆོག་མ་ཡིན། །གང་ཞིག་མདོ་སྡེ་འདི་འཛིན་ཅིང་། །འཛིན་པར་རློམ་སེམས་མེད་ན་ནི། །
D240.065.0292a05.01ཚུལ་ཁྲིམས་དེ་ནི་བསྔགས་པ་སྟེ། །ཚུལ་ཁྲིམས་དེ་ནི་བླ་ན་མེད། །ཚུལ་འདི་ཀུན་དུ་བཟུང་བའི་ཕྱིར། །མཁས་པ་ཚུལ་ཁྲིམས་ཆེན་པོ་དང་། །བསམ་གྱིས་མི་ཁྱབ་དཔག་མེད་པ། །ཚུལ་ཁྲིམས་གང་ཡིན་དེ་དེ་ཚོལ། །ང་ཡིས་ཇི་སྐད་བཤད་པ་ཡི། །མདོ་འདི་ལ་ནི་གང་སློབ་པ། །མཉམ་མཐོང་དེ་
D240.065.0292a06.01ལ་ཚུལ་ཁྲིམས་དང་། །ངང་ཚུལ་ངན་པ་ཡོད་མ་ཡིན། །གང་ཞིག་མདོ་འདིར་མི་སློབ་པ། །དེ་ནི་བྱང་ཆུབ་ཕྱིར་མི་སློབ། །བྱང་ཆུབ་དེ་དང་བསླབ་པ་མཉམ། །དེ་ནི་སུས་ཀྱང་བསླབས་པ་མེད། །གང་ཞིག་མདོ་སྡེ་འདི་འཛིན་པ། །དེ་ནི་མདོ་འདིར་བཤད་པ་ཡི། །ཚུལ་
D240.065.0292a07.01