完整藏文原文 · 德格版页 当前仅加载第 65 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
མོས་དང་ལྡན་དེ་བསོད་ནམས་ནི། །དེ་བས་མང་དུ་སྐྱེད་པར་འགྱུར། །གང་གིས་གང་གཱའི་བྱེ་སྙེད་ཀྱི། །ཞིང་དག་རིན་ཆེན་རྣམས་བཀང་སྟེ། །སངས་རྒྱས་རྣམས་ལ་ཕུལ་བ་བས། །འདི་ནི་དེ་བས་ཁྱད་པར་འཕགས།། །།བམ་པོ་དྲུག་པ་སྟེ་ཐ་མ། དེ་སྐད་ཅེས་
D240.065.0291b01.01བཀའ་སྩལ་པ་དང་། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་ཞིག་ཆོས་ཀྱི་རྣམ་གྲངས་འདི་ལ་མོས་ནས་རྟོགས་ཏེ་འཛིན་ཏམ། འཆང་ངམ། ཀློག་གམ། ཀུན་ཆུབ་པར་བགྱིད་
D240.065.0291b02.01དམ། འདོན་ན་བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་དེ་བསོད་ནམས་ཇི་ཙམ་ཞིག་སྐྱེད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་
D240.065.0291b03.01ཞུགས་པ་གང་གིས་ཆོས་ཀྱི་རྣམ་གྲངས་འདི་དང་བྲལ་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་བསྐལ་པ་བརྒྱར་སྦྱིན་པ་སྦྱིན་པ་དང་། ཆོས་ཀྱི་རྣམ་གྲངས་འདི་དང་བྲལ་བར་བསྐལ་པ་བརྒྱར་ཚུལ་ཁྲིམས་སྲུང་བ་དང་། ཆོས་ཀྱི་རྣམ་
D240.065.0291b04.01གྲངས་འདི་དང་བྲལ་བར་བསྐལ་པ་བརྒྱར་བཟོད་པ་སྒྲུབ་པ་དང་། ཆོས་ཀྱི་རྣམ་གྲངས་འདི་དང་བྲལ་བར་བསྐལ་པ་བརྒྱར་བརྩོན་འགྲུས་རྩོམ་པ་དང་། ཆོས་ཀྱི་རྣམ་གྲངས་འདི་དང་བྲལ་བར་བསྐལ་པ་བརྒྱར་བསམ་གཏན་རྣམས་ལ་སྙོམས་པར་འཇུག་པ་དང་། ཆོས་ཀྱི་རྣམ་གྲངས་
D240.065.0291b05.01འདི་དང་བྲལ་བར་བསྐལ་པ་བརྒྱར་ཤེས་རབ་སྒོམ་ཞིང་འཇིག་རྟེན་གྱི་གནས་རྣམས་ལ་མཁས་པར་གྱུར་ན། ཀུན་དགའ་བོ་དེས་ནི་དེ་བཞིན་གཤེགས་པ་ལ་བཀུར་སྟི་བྱས་པར་མི་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །
D240.065.0291b06.01གང་གིས་བསྐལ་པ་བརྒྱ་ཚང་བར། །བཟའ་བ་ལ་སོགས་ཐམས་ཅད་ཀྱིས། །དེ་བཞིན་གཤེགས་ལ་བསྙེན་བཀུར་བ། །དེས་ནི་བསྟི་སྟང་བྱས་མི་འགྱུར། །འབྲས་བུར་དམིགས་པ་འཇོམས་བྱེད་པའི། །མདོ་སྡེ་འདི་ནི་གང་འཛིན་པ། །དེ་ནི་སངས་རྒྱས་བཀུར་
D240.065.0291b07.01