完整藏文原文 · 德格版页 当前仅加载第 65 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་སྟོང་པར། །རྟོགས་ནས་ལུས་ལ་མི་ཆགས་སོ། །འདུ་བྱེད་རྣམས་དང་ལུས་ཀྱང་ནི། །ཆུ་ཤིང་ཕུང་པོའི་སྙིང་པོ་འདྲ། །དེ་ཡིས་ཡང་དག་ཇི་བཞིན་རྟོགས། །དེས་དེ་སངས་རྒྱས་ཞེས་བརྗོད་དོ། །ཡང་དག་ཏུ་ན་རྣམ་ཤེས་ནི། །ལུས་ཀྱི་ནང་ན་མི་གནས་ཏེ། །
D240.065.0288a01.01ལུས་འདི་ཡི་ནི་ཕྱི་རོལ་ནའང་། །རྣམ་པར་ཤེས་པ་མི་སྲིད་དོ། །ཆོས་རྣམས་ཀུན་ལ་རྣམ་ཀུན་དུ། །རྣམ་པར་ཤེས་པ་མི་སྲིད་དེ། །འདི་ཡི་གནས་དང་གནས་མེད་དང་། །འཕོ་བ་ཡང་ནི་མི་དམིགས་སོ། །རྟག་པར་ཤིན་ཏུ་དངོས་མེད་པར། །དེ་ལྟར་རྣམ་ཤེས་ཁོང་དུ་ཆུད། །དཔེར་
D240.065.0288a02.01ན་སྤྲུལ་པ་སྒྱུ་མ་ལྟར། །སུས་ཀྱང་ནམ་ཡང་མི་ཤེས་སོ། །སེམས་ཅན་ཀུན་གྱིས་ཇི་ལྟར་ཡང་། །རྣམ་ཤེས་དེ་ལྟར་མཐོང་བ་མེད། །ཡང་དག་ཏུ་ན་སུས་ཀྱང་ནི། །ཐམས་ཅད་ཤེས་པར་གྱུར་པ་མེད། །ཆོས་རྣམས་ཐམས་ཅད་དངོས་མེད་དེ། །ཡང་དག་ཏུ་ན་ཤེས་
D240.065.0288a03.01པ་མེད། །འདི་ལ་ཆོས་སམ་སེམས་ཅན་དུ། །བརྟགས་པ་ནང་ནའང་ཡོད་མ་ཡིན། །ཆོས་རྣམས་ཐམས་ཅད་དངོས་མེད་དེ། །འགྱུར་བ་མེད་ཅིང་སྤྲོས་མེད་ལ། །སྤྲུལ་པ་འདྲ་བར་དེ་ཡིས་རྟོགས། །དེས་ན་སངས་རྒྱས་ཞེས་བརྗོད་དོ། །ཆོས་འདི་ཐམས་ཅད་རྟོགས་གྱུར་
D240.065.0288a04.01ནས། །ཇི་ལྟར་སངས་རྒྱས་དེ་ལྟར་གནས། །ཆོས་རྣམས་ཀུན་ལ་གནས་པ་མེད། །དེས་ན་སངས་རྒྱས་ཞེས་བརྗོད་དོ། །ཇི་ལྟར་ཆོས་རྣམས་གནས་པ་བཞིན། །དེ་བཞིན་ཉིད་ལྟར་ཁོང་དུ་ཆུད། །སངས་རྒྱས་དང་ནི་བྱང་ཆུབ་འདྲ། །དམིགས་སུ་མེད་ཅིང་འདུས་མ་བྱས། །གང་
D240.065.0288a05.01གིས་བྱང་ཆུབ་ཕྱིར་ཞུགས་པའི། །སེམས་བསྐྱེད་པ་ནི་གང་ཡིན་པ། །ཕྲ་རབ་ཆོས་ཀྱི་མི་དམིགས་པས། །སེམས་དེ་དམིགས་པར་མི་འགྱུར་རོ། །གང་ཕྱིར་བྱང་ཆུབ་ཆེད་ཀྱི་ཕྱིར། །སེམས་དེ་བསྐྱེད་པར་གྱུར་པ་དེས། །བྱང་ཆུབ་དེ་དང་སེམས་མཉམ་ཞིང་། །སྒྱུ་མ་བྱས་པ་
D240.065.0288a06.01འདྲ་བར་རྟོགས། །ཀུན་དགའ་འདི་ལ་བསམས་ནས་ནི། །སངས་རྒྱས་ཞེས་ནི་གང་བརྗོད་པ། །སངས་རྒྱས་འདྲེན་པ་དེ་བདག་ཅེས། །འདི་ནི་ཚིག་ཏུ་རབ་ཏུ་སྨྲ། །སངས་རྒྱས་སྒྲར་ནི་བསྟན་པ་ཡི། །ཆོས་རྣམས་འདི་དག་འདི་འདྲ་བར། །གང་དག་ཆོས་འདིར་གནས་པ་ནི། །
D240.065.0288a07.01