完整藏文原文 · 德格版页 当前仅加载第 65 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་ཚིགས་སུ་བཅད་པ་འདི་དག་གསོལ་ཏོ། །འབྲས་བུར་འདུ་ཤེས་མང་པོ་དག །འབྲས་བུར་འདུ་ཤེས་པ་ལས་བཀྲོལ། །འབྲས་བུར་བརྙེས་པ་ཕུན་ཚོགས་པ། །འཇིག་མགོན་ཁྱོད་ལ་ཕྱག་འཚལ་ལོ། །འབྲས་བུ་རྣམས་ཀྱང་བརྗོད་མཛད་ལ། །མཉམ་པ་
D240.065.0289a01.01ཉིད་ཀྱང་རབ་ཏུ་གསུང་། །སངས་རྒྱས་འབྲས་བུ་ཕུན་ཚོགས་པ། །ཕྱག་འཚལ་འཇིག་རྟེན་མཁས་ཁྱོད་ལ། །འབྲས་བུ་འདོད་པའི་སེམས་ཅན་མེད། །འབྲས་བུ་སྣ་ཚོགས་སྤྱོད་ཡུལ་བ། །རྣམ་པར་འགྲེལ་པའི་རྫོགས་སངས་རྒྱས། །ཕྱག་འཚལ་འཇིག་རྟེན་ཁ་སྒྱུར་
D240.065.0289a02.01ཁྱོད། །མཉམ་པ་ཉིད་ལ་རབ་ཞུགས་ཤིང་། །ཆོས་རྣམས་ཐམས་ཅད་སྟོན་པའང་མཛད། །སེམས་ཅན་ཐམས་ཅད་མཉམ་མཁྱེན་པ། །མཉམ་པས་ཁྱོད་ལ་ཕྱག་འཚལ་ལོ། །སེམས་ཅན་འབྲས་བུར་དམིགས་པ་ཅན། །དམིགས་པ་ལས་ནི་རབ་ཏུ་བཀྲོལ། །དམིགས་
D240.065.0289a03.01པ་ཐམས་ཅད་འགྲེལ་པ་པོ། །ཕྱག་འཚལ་འཇིག་རྟེན་གྲགས་ཁྱོད་ལ། །འབྲས་བུ་ཉེར་ཞི་ཕུན་སུམ་ཚོགས། །འབྲས་བུ་སྣ་ཚོགས་ཡོངས་སུ་སྤངས། །དགེ་བ་མ་ལུས་རྣམས་ལྡན་པ། །འཇིག་མཁྱེན་ཁྱོད་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
D240.065.0289a04.01དགོད་པ་དང་བཅས་པར་དབང་པོ་དང་བས་ཚིགས་སུ་བཅད་པ་འདི་དག་གིས། བཅོམ་ལྡན་འདས་ལ་མངོན་པར་བསྟོད་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་ཐད་ནས་སོང་སྟེ་མི་རིང་བ་
D240.065.0289a05.01ཞིག་ཏུ་འདུག་ནས། བཅོམ་ལྡན་འདས་ལ་མིག་མི་འཛུམས་པར་བལྟ་ཞིང་དགའ་བ་དང་། མཆོག་ཏུ་དགའ་བས་འདུག་གོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་དཔལ་གྱི་སྙིང་པོ་ཞེས་བྱ་བ་སྟན་ལས་ལངས་ཏེ། བཅོམ་ལྡན་འདས་ལ་པད་མ་དག་གིས་གཏོར་ནས་བཅོམ་
D240.065.0289a06.01ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ། །སེམས་ཅན་དངོས་པོའི་འདུ་ཤེས་གནས། །མང་པོ་ཁྱོད་ཀྱིས་རྣམ་པར་བཀྲོལ། །བསྙེངས་བྲལ་ལེན་པ་མི་མངའ་བ། །ཐུབ་མཆོག་ཁྱོད་ལ་ཕྱག་འཚལ་ལོ། །སྲིད་པ་ཉེར་ཞི་སྲིད་བྲལ་བའི། །ཆོས་ནི་
D240.065.0289a07.01