完整藏文原文 · 德格版页 当前仅加载第 65 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སེམས་ཅན་དང་བྲལ་བ་ཡང་མ་ཡིན་པར་ཤེས་སོ། །ནམ་མཁའི་ཁམས་དེ་ཡང་ནམ་མཁའི་ཁམས་ཉིད་དུ་མེད་དེ་གནས་པ་མེད་དོ། །ནམ་མཁའི་ཁམས་དེ་ཡང་ནམ་མཁའ་ཉིད་ཀྱིས་སྟོང་སྟེ། སེམས་ཅན་གྱི་མཚན་མ་ཐམས་ཅད་བཅོམ་པའོ། །དེས་མཚན་མ་མེད་པའི་བྱང་
D240.065.0259b01.01ཆུབ་ཐོབ་སྟེ། དེས་སེམས་ཅན་དང་ནམ་མཁའི་འདུ་ཤེས་དང་བྲལ་ལོ། །དེ་ཆོས་ཀྱི་དབྱིངས་ནམ་མཁའི་ཁམས་དང་མཚུངས་པར་རྟོགས་སོ། །དེ་ཅིའི་ཕྱིར་ཞེ་ན། འདི་ལྟ་སྟེ། ཆོས་ཐམས་ཅད་དང་སེམས་ཅན་ཐམས་ཅད་ནི་རང་བཞིན་གྱིས་ཆོས་ཀྱི་དབྱིངས་སོ། །དེ་ཅིའི་ཕྱིར་
D240.065.0259b02.01ཞེ་ན། འདི་ལྟར་དེས་དེ་དག་མི་དམིགས་ཏེ། མི་དམིགས་པས་ན་ཡང་འདིར་མི་འོང་ངོ་། །དེས་ན་དེ་ཕྱིར་མི་འོང་བ་ཞེས་བྱ་བའི་གྲངས་སུ་འགྲོའོ། །ཆོས་ཐམས་ཅད་དུ་བགྲང་བ་ཡང་མ་ཡིན་ལ་སངས་རྒྱས་ཀྱི་གྲངས་སུ་ཡང་ཞུགས་པས་ཕྱིར་མི་འོང་བ་ཞེས་བྱའོ། །དེ་ནས་བཅོམ་
D240.065.0259b03.01ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཕྱོགས་གཅིག་སྤྱོད་པར་གང་ཡིན་པར། །དེ་ནི་ཕྱིར་ཞིང་མི་འགྲོ་སྟེ། །ཕྱོགས་གཅིག་སྤྱོད་པ་སྤངས་པས་ན། །ཕྱིར་མི་འོང་ཞེས་བརྗོད་པ་ཡིན། །འགྲོ་བ་རྣམས་ཀྱི་འགྲོ་མེད་ཤེས། །གནས་ཀྱང་ཅུང་
D240.065.0259b04.01ཟད་མི་རྙེད་དེ། །ཆོས་རྣམས་ཀུན་ལ་མི་གནས་པས། །ཕྱིར་མི་འོང་ཞེས་བྱ་བར་འདོད། །སོ་སོའི་སྐྱེ་བོར་གང་བརྗོད་དང་། །འཇིག་རྟེན་མགོན་པོ་རྫོགས་སངས་རྒྱས། །དེ་ལ་ཕྱིར་ཞིང་མི་འོང་སྟེ། །དེ་ཕྱིར་ཕྱིར་མི་འོང་ཞེས་བྱ། །འདིར་ནི་ཆོས་རྣམས་འོང་བ་དང་། །འགྲོ་
D240.065.0259b05.01བ་དག་ཀྱང་མི་དམིགས་ཏེ། །འོང་དང་འགྲོ་བ་མེད་ཐོབ་པས། །དེ་ནི་ཕྱིར་མི་འོང་ཞེས་བརྗོད། །འགྲོ་བ་རྣམ་གསུམ་གང་དུ་ཡང་། །དེ་ནི་ཕྱིར་ཞིང་མི་འགྲོ་སྟེ། །སངས་རྒྱས་ཆོས་རྣམས་ཐོབ་པས་ན། །དེ་ནི་ཕྱིར་མི་འོང་ཞེས་བརྗོད། །འདོད་པ་ཐམས་ཅད་ཡང་དག་
D240.065.0259b06.01ཆད། །དེ་ནི་ཁ་ཟས་ཆགས་པ་མེད། །བྱང་ཆུབ་ལམ་ཡང་ཐོབ་པས་ན། །ཕྱིར་མི་འོང་ཞེས་བརྗོད་པ་ཡིན། །སྡིག་པ་ཅན་གྱི་ལྟ་བ་གང་། །ལྟ་བ་དྲུག་ཅུ་གཉིས་བརྗོད་པ། །དེ་ལ་དེ་ནི་མི་འགྲོ་སྟེ། །དེ་ཕྱིར་དེ་ནི་ཕྱིར་མི་འོང་། །ཆོས་རྣམས་འདི་དག་རང་བཞིན་མེད། །
D240.065.0259b07.01