完整藏文原文 · 德格版页 当前仅加载第 65 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
བོས་འདི་སྐད་ཅེས་གསོལ་ཏོ། །ཅི་ལ་དགོངས་ཏེ་གསུང་བ་ལ་སོ་མ་ཉི་མ་མཆིས་པར་འགྱུར་བར་བཅོམ་ལྡན་འདས་ཀྱིས་འདི་དག་ལ་མྱུར་དུ་སྣང་བར་མཛད་དུ་གསོལ། བཅོམ་ལྡན་འདས་ཀྱིས་སྡིག་ཅན་ཁྱོད་སྙིང་ལས་ཆུང་ངུར་སོང་ཤིག་དང་། ཅི་ནས་སེམས་ཅན་གང་ཡང་བྱང་
D240.065.0282a01.01ཆུབ་ལ་དགོད་པར་མི་བྱ་བ་དེ་ལྟར་བྱའོ། །ཅི་ནས་སེམས་ཅན་གང་ཡང་སེམས་ཅན་གྱི་ཁམས་ལས་བསྐྱོད་པར་མི་བྱ་བ་དེ་ལྟར་བྱའོ། །ཞེས་བགྱི་བ་ནས་སྔ་མ་བཞིན་དུ་རྒྱས་པར་སྦྱར་ཏེ། སྡིག་ཅན་ཁྱོད་སྙིང་ལས་ཆུང་ངུར་སོང་ཤིག་དང་། ཅི་ནས་སེམས་ཅན་གང་ཡང་ཆོས་
D240.065.0282a02.01ཐམས་ཅད་ལས་བསྐྱོད་པར་མི་བྱ་བ་དང་། །སེམས་ཅན་གང་ཡང་ཆོས་ཐམས་ཅད་ཡང་དག་པར་འཛིན་དུ་མི་གཞུག་པ་དེ་ལྟར་བྱའོ་ཞེས་བཀའ་སྩལ་པ། བཅོམ་ལྡན་འདས་ཀྱིས་ཅི་ལ་དགོངས་ཏེ། དེ་སྐད་གསུངས་བཅོམ་ལྡན་འདས་སེམས་ཅན་འདི་དག་ལ་མྱུར་དུ་སྣང་བ་མཛད་དུ་
D240.065.0282a03.01གསོལ། །བཅོམ་ལྡན་འདས་གང་དག་ཆོས་ཀྱི་རྣམ་གྲངས་འདི་འཛིན་པ་དང་། ཀུན་ཆུབ་པར་བགྱིད་པ་དང་། འདོན་པ་དང་། འཆང་བ་དེ་དག་གི་ཆེད་དུ་སླད་མའི་སྐྱེ་བོ་ལ་སྣང་བ་བགྱིས་པར་འགྱུར་བར། བཅོམ་ལྡན་འདས་ཀྱིས་ཅི་ལ་དགོངས་ཏེ་དེ་སྐད་ཅེས་བཀའ་སྩལ་པ་
D240.065.0282a04.01བཤད་དུ་གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །བྱང་ཆུབ་དེ་ནི་གནས་པ་མེད། །བྱང་ཆུབ་གང་དུའང་རྒྱུན་ཆད་མེད། །དེས་ན་ངས་ནི་བྱང་ཆུབ་ལ། །སེམས་ཅན་དགོད་པར་མི་བྱ་སྨྲས། །སེམས་ཅན་ཀུན་དང་བྱང་ཆུབ་
D240.065.0282a05.01དང་། །དེ་བཞིན་བདག་ནི་གནས་པ་མེད། །འདི་ལ་དགོངས་ནས་སེམས་ཅན་ནི། །བྱང་ཆུབ་གནས་པ་མེད་ཅེས་སྨྲས། །སེམས་ཅན་ཁམས་ལས་རྣམ་ཀུན་དུ། །སེམས་ཅན་བསྐྱོད་པར་མི་བྱ་སྟེ། །དེ་ལ་དངོས་པོ་གྲུབ་པ་ནི། །ཤིན་ཏུ་དམིགས་པར་མི་འགྱུར་རོ། །སེམས་
D240.065.0282a06.01ཅན་ཁམས་འདིར་རང་བཞིན་གྱིས། །སྟོང་སྟེ་བསམ་གྱིས་མི་ཁྱབ་བོ། །ཐམས་ཅད་མཁྱེན་ལྡན་རྣམས་ཀྱིས་ཀྱང་། །འདི་ལས་དེ་ནི་བསྐྱོད་མི་ནུས། །སེམས་ཅན་དེ་ནི་ཕུང་པོ་ཉིད། །ཕུང་པོ་མྱ་ངན་འདས་གཉིས་མེད། །ང་ཡིས་འདི་ལ་དགོངས་ནས་ནི། །སེམས་ཅན་
D240.065.0282a07.01