完整藏文原文 · 德格版页 当前仅加载第 65 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡང་མི་བསྐྱོད་སྨྲས། །གང་ལ་བཟུང་ནས་རབ་གཡོ་བ། །དེ་ལ་གཟུང་བ་གྲུབ་པ་མེད། །ངོ་བོ་ཉིད་ཀྱིས་མི་གཡོ་སྟེ། །ཕུང་པོ་རྣམ་པར་ཤེས་པར་གྱིས། །ཕུང་པོ་མི་གཡོ་གཅིག་པུ་དང་། །སེམས་ཅན་མེད་ཅིང་རང་བཞིན་མེད། །རྟག་པར་ཤིན་ཏུ་རྟེན་མེད་ཅིང་། །གནས་པ་
D240.065.0282b01.01མེད་པར་ཤེས་པར་གྱིས། །ཕུང་པོ་ནམ་མཁའ་ཇི་བཞིན་ཏེ། །ཕུང་པོ་རྣམས་ཀྱི་སྤྱོད་ཡུལ་འདི། །སྤྱོད་ཡུལ་མེད་ན་སྤྱོད་ཡུལ་དུ། །ཕུང་པོ་ནམ་མཁའ་འདྲ་ཞེས་བསྟན། །ནམ་མཁའི་ཁམས་སུ་གང་བརྗོད་པ། །དེ་ནི་མ་སྐྱེས་སྐྱེ་མ་ཡིན། །བདེན་པར་ཕུང་པོ་དེ་དང་མཉམ། །
D240.065.0282b02.01དེ་དག་བསྐྱོད་པར་མི་ནུས་སོ། །འཇིག་ཚོགས་ཤེས་བྱའི་ཆོས་གང་ཡང་། །ཡང་དག་ཏུ་ནི་མི་དམིགས་ཏེ། །ནམ་མཁའ་མ་ཡིན་མི་བསྐྱོད་ཅེས། །ང་ཡིས་ཚིག་ཏུ་དེ་སྐད་སྨྲས། །སེམས་ཅན་སེམས་ནི་རབ་གནས་པར། །རྟག་པར་ཤིན་ཏུ་མི་དམིགས་ཏེ། །དམིགས་པ་དང་ནི་སེམས་
D240.065.0282b03.01རྣམས་ཀྱང་། །ངོ་བོ་ཉིད་ཀྱིས་གཡོ་བ་མེད། །ལྟ་བ་དྲུག་ཅུ་རྩ་གཉིས་གང་། །གང་ཡང་ཆོས་རྣམས་ཐ་དད་པ། །དེ་ལྟར་དེ་དག་ཆུ་ནང་གི། །གཟུགས་བརྙན་དེ་དང་འདྲ་བ་ཉིད། །ལྟ་བ་དྲུག་ཅུ་གཉིས་རྟག་ཏུ། །མིག་ཡོར་འདྲ་བར་ཤེས་པར་གྱིས། །བདག་མེད་ཕྱིར་དང་དངོས་མེད་
D240.065.0282b04.01ཕྱིར། །ངོ་བོ་ཉིད་ཀྱིས་གཡོ་བ་མེད། །འདས་དང་མ་འོངས་འདུ་ཤེས་དང་། །དེ་བཞིན་ད་ལྟར་བྱུང་བ་ཡི། །འདུ་ཤེས་འདི་ནི་དངོས་མེད་དེ། །དཔེར་ན་སྨིག་རྒྱུའི་ཆུ་འདྲའོ། །འདུ་ཤེས་འདི་ནི་བདག་མེད་དེ། །འདི་ལ་སེམས་ཅན་ཡོད་མ་ཡིན། །གང་ལ་སེམས་ཅན་ཡོད་མིན་པ། །
D240.065.0282b05.01དེ་ནི་བསྐྱོད་པར་མི་ནུས་སོ། །སེམས་ཅན་སྲོག་གཅོད་བྱེད་གྱུར་པ། །དགོན་པ་ཆེན་པོར་ཞུགས་པ་རྣམས། །གཅིག་ཏུ་མྱ་ངན་འདའ་བྱ་བར། །འདི་ལས་བསྐྱོད་པའི་ནུས་པ་མེད། །གལ་ཏེ་འགར་ནི་དེས་དམིགས་ན། །དེ་ལྟར་དེ་དག་བསྐྱོད་པར་བྱ། །སེམས་ཅན་མེད་ཕྱིར་
D240.065.0282b06.01དེ་དག་ནི། །བསྐྱོད་པར་མི་བྱ་ཞེས་བརྗོད་དོ། །བྱང་ཆུབ་མ་ཡིན་བརྗོད་པ་སྟེ། །ནམ་ཡང་སུ་ལའང་བྱིན་པ་མེད། །དེ་ཕྱིར་འདིར་ནི་གང་བརྩོན་པ། །དེ་ནི་བསྐྱོད་པར་མི་ནུས་སོ། །ལུས་ཅན་རྣམས་ཀྱིས་མ་བྱིན་པ། །སྦྱིན་པ་ཆོས་སྦྱིན་བསམ་མི་ཁྱབ། །དེ་ཡི་ཕྱིར་ན་གང་བརྩོན་
D240.065.0282b07.01