完整藏文原文 · 德格版页 当前仅加载第 65 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དག་གིས་ཇི་ལྟར་ད་ལྟར་ང་ལས་ཐོས་པ་བཞིན་དུ་སངས་རྒྱས་བྱེ་བ་ཕྲག་དྲུག་ཅུ་ལས་ཆོས་ཀྱི་རྣམ་གྲངས་འདི་འདི་ཙམ་དུ་ལྷག་ཆད་མེད་པར་ཐོས་ཏེ། འདི་དག་གིས་དེ་རྗེས་སུ་དྲན་ནས་ཏིང་ངེ་འཛིན་གྱི་སྟོབས་བསྐྱེད་པ་དང་། སངས་རྒྱས་ཀྱི་མཐུས་འདི་སྐད་ཅེས་སྨྲའོ། །དེ་ཅིའི་ཕྱིར་
D240.065.0291a01.01ཞེ་ན། ཀུན་དགའ་བོ་འདི་དག་གིས་ཇི་སྐད་སྨྲས་པ་དེ་དེ་བཞིན་ཏེ། འདི་དག་ལ་དེ་མངོན་སུམ་མོ། །དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་ཆོས་ཀྱི་རྣམ་གྲངས་འདི་ཐོས་མ་ཐག་ཏུ་
D240.065.0291a02.01མོས་ཤིང་ཐེ་ཙོམ་འཚལ་བར་མི་འགྱུར་ན། བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་དེ་བསོད་ནམས་ཇི་ཙམ་ཞིག་སྐྱེད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུའམ་རིགས་ཀྱི་བུ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D240.065.0291a03.01ཏུ་ཡང་དག་པར་ཞུགས་པ་གང་གིས་འཛམ་བུའི་གླིང་འདི་རིན་པོ་ཆེས་ཡོངས་སུ་བཀང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་དབུལ་བ་ཕུལ་བ་བབས། གང་གིས་ཆོས་ཀྱི་རྣམ་གྲངས་འདི་ཐོས་མ་ཐག་ཏུ་མོས་ཤིང་དད་དེ་ཡིད་ཆེས་ལ་
D240.065.0291a04.01ཐེ་ཙོམ་མི་ཟ་བ་དེ་དེ་བས་བསོད་ནམས་ཆེས་མང་དུ་སྐྱོད་པར་འགྱུར་རོ། །ཀུན་དགའ་བོ་འཛམ་བུའི་གླིང་རིན་པོ་ཆེས་བཀང་བ་ལྟ་ཞོག་སྟེ། །ཀུན་དགའ་བོ་གང་གིས་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་རིན་པོ་ཆེས་བཀང་སྟེ། དེ་བཞིན་གཤེགས་པ་དགྲ་བཅོམ་པ་ཡང་
D240.065.0291a05.01དག་པར་རྫོགས་པའི་སངས་རྒྱས་རྣམས་ལ་དབུལ་བ་ཕུལ་བ་བབས། གང་གིས་ཆོས་ཀྱི་རྣམ་གྲངས་འདི་ཐོས་ལ། ཐོས་ནས་ཀྱང་ཐོས་མ་ཐག་ཏུ་མོས་ཤིང་དད་དེ་ཡིད་ཆེས་ལ་ཐེ་ཙོམ་མི་ཟ་བ་དེ་དེ་བས་བསོད་ནམས་ཆེས་མང་དུ་སྐྱེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་
D240.065.0291a06.01ཚིགས་སུ་བཅད་པ་འདི་དག་བཀའ་སྩལ་ཏོ། །གང་གིས་འཛམ་བུའི་གླིང་འདི་ནི། །རིན་ཆེན་བཀང་སྟེ་དེ་བཞིན་གཤེགས། །སྐྱོབ་པ་སངས་རྒྱས་འཇིག་རྟེན་མགོན། །རྣམས་ལ་དབུལ་བ་བྱས་པ་བས། །མཁས་པ་གང་གིས་མདོ་སྡེ་འདི། །ཐོས་ནས་ལྷག་པར་མོས་བྱེད་པ།།
D240.065.0291a07.01